ფახულანში (წალენჯიხის მუნიციპალიტეტი) ქალთა საინიციატივო ჯგუფის შეხვედრას დაესწრო სოფლის მაჟორიტარი დეპუტატი დათა კუკავა. მან ისაუბრა მუნიციპალურ პროგრამებზე. აღნიშნა, რომ თვითმმართველობა თემში სხვადასხვა პროექტის განხორციელებას აპირებს. განსაკუთრებით მნიშვნელოვანი იყო ის, დეპუტატმა ყურადღებით მოისმინა ქალების მიერ დასმული პრობლემები და მზად არის, ჯგუფს დაეხმაროს პრობლემათა ადვკატირების პროცესში.
საინტერესოდ წარიმართა შეხვედრა ლიაში (წალენჯიხის მუნიციპალიტეტი), ახალგაზრდულ საინიციატივო ჯგუფში. ჯგუფის წევრებმა აქტიურად იმუშავეს საპროექტო განაცხადის მიზნებისა და ამოცანების დახვეწაზე და მოამზადეს ორი პროექტის სამუშაო ვერსია, რომელიც წარსდგება კომისიის წინაშე. დაფინანსების შემდეგ ახალგაზრდები პროექტის განხორციელებას შეუდგებიან.
„ქმარი ჩემზე თითქმის ყოველდღე ძალადობს, შეუძლებელია მასთან დარჩენა, წასასვლელი კი არსად მაქვს. რამე არსებობს, სადაც შემიფარებენ და ამ ჯოჯოხეთისგან მიხსნიან?“ - კითხულობს ერთი ქალი.
მეორე ქალი მეზობელ ოჯახზე დარდობს: „ჩემი გვერდითა მეზობლებისგან ხშირად გამოდის ყვირილის, ტირილის და ლეწვა-მტვრევის ხმა. ქმარი ცოლზე ძალადობს, მაგრამ ცოლი ძალიან დაუცველია. მაქვს უფლება ჩავერიო? რა ვიღონო? არ შემიძლია, ამ სცენების ყოველდღიურად მოსმენა“.
იქვეა პასუხები, რა ქნან, სადაა გამოსავალი.
არის ასეთი მიმართვაც:
ხარ ძალადობის მსხვერპლი? ან ხედავ ძალადობის ფაქტს? ეძებ დახმარებას?
საჭირო სივრცეში აღმოჩნდი!
აქ იპოვი ამომწურავ ინფორმაციას შენთვის საინტერესო საკითხებზე.
ხონის სამუშაო ჯგუფის შეხვედრა აქტიურად წარიმართა. შეხვედრის მონაწილეებმა მოისმინეს მოხსენება იმის თაობაზე, რაც უკვე გაკეთდა, რისი მიღწევაც შეძლეს მუნიციპალიტეტში: ცხელი ხაზის ამოქმედება, ვებგვერდის განახლება, ელექტრონული პეტიციის სისტემის დანერგვა, საჭიროებების შეფასება, საჯარო მმართველობის პროცესის სამი მონიტორინგი. თუმცა გასაკეთებელი ჯერაც ბევრია.
ახლა სამუშაო ჯგუფი მუშაობას იმაზე, რომ საკრებულოს წევრებისთვის მიიღონ დოკუმენტი ეთიკის კოდექსის ბრძანების საფუძველზე. ასევე მნიშვნელოვანია საკრებულოში დაწესდეს მოქალაქეთა მიღების დღეები.
აღსანიშნავია თვითმმართველობის წარმომადგენლების მხრიდან ნდობა სამუშაო ჯგუფის მიმართ. ეს იგრძნობა სამუშაო ჯგუფის ყოველ შეხვედრაზე, სადაც ყველა საკითხის განხილვაში აქტიურად არიან ჩართულები მერიისა და საკრებულოს წევრები.
ზუგდიდის ქალთა საინიციატივო ჯგუფის და კოკი/ხურჩის (ზუგდიდის მუნიციპალიტეტი) ქალთა ჯგუფის შეხვედრებზე განიხილეს პრობლემები, რომლებიც მუნიციპალიტეტში გენდერული საჭიროებების შეფასების კუთხით ჩატარებულმა კვლევამ გამოავლინა. ქალთა ჯგუფებმა ყველაზე აქტუალური პრობლემები შეარჩიეს და დაგეგმეს ადვოკატირების კამპანია, რომელსაც ადგილობრივ თვითმმართველობასთან ერთად განახორციელებენ.
სოფელ კოკის (ზუგდიდის მუნიციპალიტეტი) ახალგაზრდული საინიციატივო ჯგუფის შეხვედრაზე მთავარი საკითხი საპროექტო განაცხადის დახვეწა იყო. ახალგაზრდებმა ქუთაისში ჩატარებულ ტრენინგზე ისწავლეს, როგორ შეიძლება საინტერესო იდეა პროექტად გადააქციო. უკვე შედეგიც არის: მოამზადეს ორი პროექტი, რომელსაც მალე განიხილავს სპეციალური კომისია.
ფონდი „სოხუმის“ ორგანიზებით სენაკში მრგვალ მაგიდასთან შეიკრიბნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის და პოლიციის წარმომადგენლები. გაიმართა მსხვერპლთათვის არსებული სერვისების მონიტორინგის კუთხით ფონდის მიერ ჩატარებული კვლევის პრეზენტაცია.
შეხვედრაზე ისაუბრეს ძალადობის კუთხით მუნიციპალიტეტში არსებულ სიტუაციაზე, ქალთა მიმართ/ოჯახში ძალადობის პრევენციასა და მსხვერპლთა დაცვაზე. აქცენტი გაკეთდა ადგილობრივ სტრუქტურებთან თანამშრომლობაზე.
ფონდი „სოხუმის“ ქალთა საინიციატივო ჯგუფი სენაკში ადვოკატირების გეგმის შემუშავებაზე მუშაობს. მონაწილეებმა იმსჯელეს პრობლემათა პრიორიტეტულობაზე და საბოლოოდ აქტუალურ პრობლემაზე შეჩერდნენ. პრობლემის შინაარსიდან გამომდინარე, ჯგუფის წევრები პრობლემის ადვოკატირებას შეეცდებიან როგორც ადგილობრივ, ისე ცენტრალურ დონეზე.
სამუშაო პროცესშია ჩართული სენაკის ახალგაზრდული საინიციატივო ჯგუფიც, მონაწილეები საგრანტო პროექტზე მუშაობენ. პროექტების სამუშაო ვერსიებში თითოეული პუნქტი ერთობლივად განიხილეს და დეტალები დააზუსტეს. სამუშაო პროცესი პროექტის წარდგენამდე გაგრძელდება.
ოზურგეთში გამართულ დებატებზე მონაწილეობა მიიღეს მუნიციპალიტეტის მერიისა და საკრებულოს თანამშრომლებმა, პედაგოგებმა, მასმედიის, არასამთავრობო ორგანიზაციების, სამედიცინო სფეროსა და მცირე ბიზნესის წარმომადგენლებმა. განხილულ იქნა ადგილობრივ დონეზე საჯარო მმართველობის რეფორმის საგზაო რუკის განხორციელების მესამე მონიტორინგის და მოქალაქეთა საჭიროებების კვლევის შედეგები. ეს მუშაობა ჩაატარეს პარტნიორმა ორგანიზაციებმა - „განათლებისა და თანასწორობის ცენტრი“ და ,,ახალგაზრდა პედაგოგთა კავშირი“ -
იმერეთის მხარის მეცნიერთა კავშირ „სპექტრთან“ ერთად.
შეხვედრაზე განსაკუთრებული ყურადღება დაეთმო საჭიროებების კვლევის შედეგებს, გამოვლენილი პრობლემების მოგვარების გზებსა და პრევენციულ ღონისძიებებს.
ფონდი „სოხუმის“ დღის სარეაბილიტაციო ცენტრის მთავარი მისია ძალადობის მსხვერპლის რეაბილიტაცია და დაცვაა. ამიტომაც ფონდი „სოხუმი“ მუდმივად ეძებს თანამოაზრეებს, მხარდამჭერებს, რომლებთანც ერთად პრობლემების მოგვარებაში შეუწყობს ხელს ცენტრის ბენეფიციარებს.
ამ მიზნით თანამშრომლობის მემორანდუმი გაფორმდა ფონდ „სოხუმსა“ და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს შორის.
მემორანდუმის თანახმად, ფონდი უზრუნველყოფს ფსიქოლოგიური და სამართლებრივ დახმარებას, პროფესიული კურსების მიწოდებას, სოციალური მუშაკის და სარეაბილიტაციო ცენტრის მომსახურებას ქალაქ ქუთაისში.
სააგენტო მსხვერპლს სთავაზობს სხვადასხვა სერვისს, მათ შორის: ფსიქოლოგიურ-სოციალურ და სამართლებრივ დახმარებას, დროებით სადღეღამისო საცხოვრისს თავშესაფარში, კრიზისული ცენტრით და საკონსულტაციო ცხელი ხაზით (116 006) მომსახურებას რვა ენაზე.
როგორც მემორანდუმშია აღნიშნული, მხარეები ერთმანეთს აღმოუჩენენ სათანადო დახმარებას ძალადობის მსხვერპლის/დაზარალებულის/სავარაუდო მსხვერპლის დაცვაში.
წყალტუბოს მუნიციპალიტეტში შეხვედრები გაიმართა ქალთა და ახალგაზრდულ საინიციატივო ჯგუფებთან.
ქალთა საინიციატივო ჯგუფმა ადვოკატირების გეგმაზე იმუშავა. კონკრეტული პრობლემა კვლევის შედეგად გამოვლინდა. უკვე დაიგეგმა ადვოკატირების კამპანია, გაიწერა კონკრეტული აქტივობები ადგილობრივ თვითმმართველობასთან და გენდერული თანასწორობის საბჭოსთან თანამშრომლობით.
ახალგაზრდული საინიციატივო ჯგუფები პროექტის შექმნაზე მუშაობენ. მონაწილეებმა უკვე იციან, როგორ ააგონ პროექტი. იმუშავეს პროექტის სახელწოდებაზე, დაამუშავეს სლოგანი, იმსჯელეს მიზნებისა და ამოცანების დახვეწაზე.
ქვეგრანტების კონკურსზე წყალტუბოს საინიციატივო ჯგუფები ორ-ორ პროექტს წარადგენენ, თითოეულ პროექტში კონკურსით გამოცხადებული მიმართულებები გაჟღერდება.
