21 აპრილს, ფონდი „სოხუმის“ ქალთა საინიციატივო ჯგუფმა ქუთაისში ანდრია სინაურის ლიტერატურული სახლი-ბიბლიოთეკის ეზოს გამწვანება-დასუფთავების აქცია მოაწყო. აქციას მხარი დაუჭირა ქუთაისის ბოტანიკური ბაღის ადმინისტრაციამ, რომელმაც დეკორატიული ნარგავები გამოყო ეზოს გასამწვანებლად.
აქციაში აქტიურად ჩაერთნენ მოხალისე სტუდენტები, სხვა ბიბლიოთეკების და ფონდი „სოხუმის“ თანამშრომლები.
ლიტერატურულ სახლში სასიამოვნო გარემოა კულტურული თავშეყრისა და სხვა საინტერესო ღონისძიებებისათვის. ფონდმა „სოხუმმაც“ დაგეგმა სხვადასხვა ფორმატის აქტივობები.
აქცია დედამიწის საერთაშორისო დღის ფარგლებში გაიმართა.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)