ქალთა ფონდი „სოხუმის“ ასისტენტმა შეხვედრები ჩაატარა წყალტუბოს, ვანის ზუგდიდის, ჩოხატაურის და ბაღდათის ქალთა ურთიერთდახმარების ჯგუფებში. დანარჩენ ხუთ მუნიციპალიტეტში - თერჯოლა, სამტრედია, ხონი, წალენჯიხა და ქობულეთი - კი შეხვედრები ჯგუფების ლიდერებმა გამართეს. რამდენიმე შეხვედრას ორგანიზაციის ფსიქოლოგიც ესწრებოდა და გარკეეული მუშაობაც ჩაატარა ქალებთან. თითქმის ყველა ჯგუფში გამოიკვეთა სერიოზული ქეისები და დაიგეგმა მათი მოგვარების გზები.

 

პროექტი ხორციელდება  გენდერული თანასწორობის ფონდის მხარდაჭერით (კანადა)

ვანის მერიის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების მუნიციპალური უწყებათაშორისი კომისიის“ წევრებისთვის ჩატარდა ვორკშოპი.

მონაწილეებმა იმსჯელეს თითოული წევრის ვალდებულებებზე, რაც აუცილებელია კომისიის ეფექტიანი მუშაობისთვის. განიხილეს სტრატეგიები, რომლებიც დაეხმარებათ კონკრეტული ქეისების  მართვაში.

აღინიშნა, რომ გადასახედია შემადგენლობა და მეტი აქტიურობისთვის დასამატებელია წევრები. ასევე დაფიქსირდა, რომ კომისიამ ხელი უნდა შეუწყოს ძალადობის ფაქტების პრევენციას და დაზარალებულების დროულ დახმარებას.

პროექტი ხორციელდება  გენდერული თანასწორობის ფონდის მხარდაჭერით (კანადა)

ქალთა ურთიერთდახმარების ჯგუფები ჩაერთნენ საერთაშორისო კამპანიაში „16 აქტიური დღე ქალთა მიმართ ძალადობის წინააღმდეგ“. ეს კამპანია აძლიერებს ქალებს და ადგილობრივ დონეზე მეტი მხარდამჭერის პოვნაში ეხმარება.

ყველა ჯგუფი ადგილობრივ თვითმმართველობასთან ერთად ცდილობს პრობლემების მოგვარებას. რამდენიმე შეხვედრას ესწრებოდა ქალთა ფონდი „სოხუმის“ ფსიქოლოგიც, რომელმაც მძიმე ქეისებზე დაიწყო მუშაობა.

ჯგუფის წევრები გახსნილად საუბრობენ პრობლემებზე. შეხვედრებს ესწრებოდნენ მერიის, სოციალური სამსახურის, გენდერული საბჭოს წარმომადგენლები, რომლებიც მზად არიან, ჩაერთონ პრობლემათა ადვოკატირების პროცესში და დაეხმარონ ქალებს თავიანთი მიზნების მიღწევაში.

დეკემბრის შეხვედრები გამორჩეული იყო იმით, რომ ჯგუფის წევრებს მადლობის სიგელები გადაეცათ ნდობისა და თანამშრომლობისთვის. ეს დიდი სტიმულია მათთვის.

 

პროექტი ხორციელდება  გენდერული თანასწორობის ფონდის მხარდაჭერით (კანადა)

შეავსე კითხვარი! - ასეთი თხოვნა გამოჩნდა ჩვენს ვებგვერდზე.

შესავალში წერია:

მეორე წელია, ფუნქციონირებს ჩვენი ვებგვერდი „ძალადობის მსხვერპლთა ციფრული რესურსცენტრი“ - https://sosfsokhumi.ge/

მომხმარებელთა რიცხვიც ყოველდღიურად იზრდება.

ეს ნიშნავს ვიზიტორთა დაკვეთის გათვალისწინებას - ყველაზე საინტერესო, მნიშვნელოვან ინფორმაციაზე.

თქვენ შეგიძლიათ დაგვეხმაროთ საიტის დახვეწაში!

უკვე ათობით ადამიანმა შეავსო კითხვარი, რომელშიც არის შეკითხვები, თუ  რამდენად მნიშვნელოვანია ასეთი საინფორმაციო პლატფორმა, რამდენად აქტიურად სარგებლობს ადამიანი ვებგვერდით, არის თუ არა განთავსებული ინფორმაცია სასარგებლო ოჯახში ძალადობის მსხვერპლი ქალებისთვის/პოტენციური მსხვერპლისთვის.

ოჯახში ძალადობის რისკების ინდიკატორების რუკა - ჩვენს ვებგვერდზე https://sosfsokhumi.ge უკვე ამოქმედდა ეს კატეგორია.

არის ოფიციალური სტატისტიკა და ქალთა ფონდი „სოხუმის“ კვლევის მონაცემები. ცალკეული რეგიონის სტატისტიკის სანახავად რუკაზე უნდა აირჩიოთ შესაბამისი ერთეული - იმერეთი, სამეგრელო, გურია და აჭარა.

დაინტერესებულ პირს რეგიონების მიხედვით შეუძლია გაიგოს, როგორია  ოჯახში ძალადობის შესახებ მიმართვიანობის სტატისტიკა, ოჯახში ძალადობის ფაქტებთან დაკავშირებით შემოსული შეტყობინებები, დასაქმების თუ მიგრაციის დონე, საარსებო შემწეობის მიმღები ოჯახების სტატისტიკა.

სტატისტიკის ნახვა შეიძლება რეგიონის ცალკეული მუნიციპალიტეტის მიხედვითაც. სამეგრელოში სამი მუნიციპალიტეტია წარმოდგენილი: სენაკი, ზუგდიდი და წალენჯიხა, იმერეთში - ხუთი: ქუთაისი, წყალტუბო, ხონი, სამტრედია და ბაღდათი, თითო მუნიციპალიტეტის მონაცემებია დაფიქსირებული გურიასა და აჭარაში: ჩოხატაური და ქობულეთი.

როგორც ინტერნეტმომხმარებლების უკუკავშირიდან გავიგეთ, რისკების  რუკა საჭირო ინფორმაციას აწვდის მკითხველს, საკითხზე მომუშავე თუ სხვადასხვა მუნიციპალიტეტში მცხოვრებ ადამიანებს.

პროექტი ხორციელდება  გენდერული თანასწორობის ფონდის მხარდაჭერით (კანადა)

ქალთა ურთიერთდახმარების ჯგუფები აქტიურად თანამშრომლობენ ადგილობრივ თვითმმართველობასთან და ათივე მუნიციპალიტეტში უკვე დაიწყო ჯგუფის წევრების პრობლემების ადვოკატირება.

არაერთი პრობლემა აქვთ ქალებს, განსაკუთრებით გამოიკვეთა ძალადობის მსხვერპლთა წინაშე მდგარი გამოწვევები. ჯგუფის წევრები სერიოზულ მხარდაჭერას გრძნობენ სოციალური სააგენტოს, მერიის და საკრებულოს მხრიდან. სწორედ ეს ეხმარებათ პრობლემების ადვოკატირებასა და მოგვარებაში.

ნოემბერში შეხვედრების ნაწილი პროექტის ასისტენტმა ნინო ჭაბუკიანმა ჩაატარა ადგილებზე  თუ დისტანციურად, ნაწილი კი - ჯგუფის ლიდერებმა.

თერჯოლაში, ბაღდათსა და ქობულეთში დასრულდა ციფრული წიგნიერების სამთვიანი კურსები. ჯგუფის წევრებმა ბევრი საჭირო რამ ისწავლეს ტრენერ ქრისტი ქუთათელაძისგან. იმისათვის, რომ თეორიული ცოდნა პრაქტიკაშიც აქტიურად გამოიყენონ, ამ სამი ჯგუფიდან სმარტფონი გადაეცა ყველას, ვისაც არ ჰქონდა. მათი თქმით, ეს სერიოზული მხარდაჭერაა.  

 

პროექტი ხორციელდება  გენდერული თანასწორობის ფონდის მხარდაჭერით (კანადა)

ვანში მერიის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების მუნიციპალური უწყებათაშორის კომისიის წევრებისთვის გაიმართა ვორკშოპი.

მონაწილეებმა განიხილეს სტრატეგიები, რომლებიც დაეხმარებათ კონკრეტული ქეისების  მართვაში. იმსჯელეს ვალდებულებებზე, რაც თითოულმა წევრმა უნდა აიღოს თავის თავზე კომისიის ეფექტიანი მუშაობისთვის.

ვორკშოპზე დაფიქსირდა, რომ კომისიამ ხელი უნდა შეუწყოს ძალადობის  პრევენციას და დაზარალებულების დროულ დახმარებას. მეტი შედეგისთვის გადასახედია შემადგენლობა და დასამატებელია წევრები, რათა კომისიამ უფრო  აქტიურად იმუშაოს.

 

პროექტი ხორციელდება  გენდერული თანასწორობის ფონდის მხარდაჭერით (კანადა)

ჩატარდა ვორკშოპი სენაკის მერიის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების მუნიციპალური უწყებათაშორისი კომისიის წევრებისთვის.

შეხვედრაზე გაიმართა დიალოგი კომისიის საქმიანობის პრაქტიკულ ასპექტებზე, განხილულ იქნა რამდენიმე მწვავე ქეისი და დაისახა შემთხვევების მართვის სტრატეგია.

მონაწილეთა შეფასებით, კომისიას აქვს ძალიან დიდი პოტენციალი, რათა მოხდეს ქალთა მიმართ/ოჯახში ძალადობის პრევენცია, დაზარალებულებმა მიიღონ დროული და ადეკვატური დახმარება. ეს კი განპირობებულია იმით, რომ ამ მექანიზმს წარმოადგენენ ინტერსექტორული ჯგუფები; ხდება რესურსების გამთლიანება და  შეუფერხებელი კოორდინაცია.

 

პროექტი ხორციელდება  გენდერული თანასწორობის ფონდის მხარდაჭერით (კანადა)

ჩვენს პროექტში ერთ-ერთ დახმარებად სმარტფონის გადაცემა ითვლება, რადგან მისი  არქონა ხშირად ბევრ პრობლემას ქმნის.

სმარტფონის გადაცემით ხდება ქალების ეკონომიკური გაძლიერების ხელშეწყობა (ტელეფონის საშუალებით მათ შეუძლიათ გაიგონ ვაკანსიების თუ დღიური სამუშაოების შესახებ), ძალადობის მსხვერპლთა დაცვა და დახმარება SOS ღილაკით, კომუნიკაცია სხვადასხვა  საჭიროების მიხედვით.

მოკლედ, სმარტფონის აუცილებლობაზე დღეს არავინ დაობს. ამიტომაც გარკვეული კრიტერიუმების მიხედვით ჩვენი ორგანიზაცია გასცემს სმარტფონებს. ბოლო სამ თვეში 6 ქალს გადაეცა ტელეფონი: წყალტუბოში, ჩოხატაურში, ქობულეთში, სამტრედიასა და თერჯოლაში (აქ ორმა ქალმა მიიღო).

ამას გარდა, ამ ექვსი ადამიანიდან სამი ქალი ორი კვირის განმავლობაში იმყოფებოდა ჩვენს სარეაბილიტაციო ცენტრში და გაიარა კომპლექსური მხარდაჭერის კურსი.

 

პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით

ინიციატივიანი, აქტიური ურთიერთდახმარების ჯგუფები ჩამოყალიბდა 10 მუნიციპალიტეტში.

წყალტუბოს, ჩოხატაურის, ზუგდიდის (ხურჩა) და ვანის მუნიციპალიტეტებში პროექტის ასისტენტი ადგილებზე შეხვდა ჯგუფების წევრებს, ბაღდათის ჯგუფთან კი შეხვედრა ონლაინ გამართა.

წყალტუბოში ნაადრევ ქორწინებასთან დაკავშირებული ქეისი განიხილეს, ჩოხატაურში სოფელში მცხოვრებ ქალთა პრობლემებზე ილაპარაკეს. ბაღდათის ჯგუფში ძალადობის მსხვერპლთა ქმედით დახმარებას დაუთმეს დრო, ხურჩაში კი ადგილობრივი თვითმმართველობის მეტ ჩართულობაზე გაკეთდა აქცენტი. ვანის ჯგუფის მორიგ შეხვედრაზე ფსიქოლოგი ჩაერთო.

დანარჩენ 5 მუნიციპალიტეტში - სენაკი, წალენჯიხა, სამტრედია, თერჯოლა და ქობულეთი - ჯგუფების ლიდერებმა ჩაატარეს შეხვედრები. ყველგან გამოიკვეთა პრობლემები (ალიმენტის გადახდის, ბინის თუ ქონებრივი დავის) და მიმდინარეობს ადვოკატირება ადგილობრივ თვითმმართველობასთან თანამშრომლობით. ჯგუფის წევრებს უნდათ, რომ მათი მუშაობა და მიღწეული შედეგები მაგალითი იყოს სხვა ქალებისთვის.

პროექტი ხორციელდება  გენდერული თანასწორობის ფონდის მხარდაჭერით (კანადა)

სასარგებლო ბმულები

სოციალური ქსელები