ხუთი მუნიციპალიტეტის (ქობულეთი, ჩოხატაური, სენაკი, წალენჯიხა და ბაღდათი) ახალგაზრდობის გაძლიერების ცენტრის წევრები, მათი მშობლები და პედაგოგები, სკოლის დირექტორები, მუნიციპალიტეტების ახალგაზრდული დეპარტამენტის და გენდერული თანასწორობის საბჭოს წარმომადგენლები ესწრებოდნენ შემაჯამებელ შეხვედრებს, რომლებიც ონლაინ ჩატარდა.
ცენტრებმა წარმოადგინეს ექვსთვიანი აქტიური მუშაობის ანგარიში. ახალგაზრდების პრეზენტაციებში და ემოციურ გამოსვლებში ჩანდა საგრძნობი შედეგები და ცვლილებები. ისინი ამბობდნენ, რამდენად მნიშვნელოვანია მათთვის ინიცირებულ ღონისძიებებში მონაწილეობა, გუნდური მუშაობა, სატრენინგო კურსზე სერიოზული ცოდნის და უამრავი უნარ-ჩვევის შეძენა.
ქალთა ფონდმა „სოხუმმა“ სატრენინგო კურსის მონაწილეებს და ახალგაზრდა ტრენერებს სერტიფიკატები გადასცა, პროცესში ჩართულ სკოლებს კი - მადლობის სიგელები მხარდაჭერისა და თანამშრომლობისთვის.
სულ 10 შემაჯამებელი შეხვედრა გაიმართა - ყველა მუნიციპალიტეტისთვის ცალ-ცალკე. მონაწილეთა საერთო რაოდენობა იყო 967. ახალგაზრდებმა 40 პრეზენტაცია წარმოადგინეს და აჩვენეს სატრენინგო კურსის სერიოზული ეფექტი.
აქტიური მუშაობა აპრილიდან ისევ გაგრძელდება ამ მუნიციპალიტეტებში - ოღონდ ახალ ჯგუფებთან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
