ქალები და ბავშვები ხერსონიდან, ოდესიდან, კიევიდან, ბუჩადან, ჩუგუევიდან... მათთვის ქალთა ფონდი „სოხუმი“ მშობლიურად იქცა - აქ კარგად ესმით მათი ტკივილი, ამხნევებენ, ეხმარებიან.

ივნისში ამ ქალებისთვის ფონდის თანამშრომლებმა თავიანთი ხელით გააკეთეს ქართული კერძები, ფონდში დაპატიჟეს და გემრიელი ქართული სუფრით უმასპინძლეს.

მაშინ გაჩნდა იდეა, უკრაინელებსაც გაემზადებინათ საპასუხო სუფრა.

სექტემბრის მზიან დღეს სიმპათიურმა ქალებმა მარინამ, ანიამ, ჟანამ, ნატალიამ, ტატიანამ გემრიელი კერძები მოიტანეს. სუფრა ეზოში გაიშალა: ბორშჩი, კიევური კატლეტები, ბლინები ვაშლით, ლვოვის კვერები (სირნიკები), კვერები (ვარენიკები) კომბოსტოთი, კარტოფილით, ყველით - მოკლედ, ბევრი გემრიელობა.

ეს არ იყო მხოლოდ უკრაინული სამზარეულოს გამოფენა. ეს იყო ამ ქალების ტკივილიანი ისტორიები, აფხაზეთის გახსენება, მოწვეული სტუმრების ემოციური გამოსვლები...

გამოქვეყნებულია შეხვედრები

საინფორმაციო შეხვედრა გორში

ქალაქ გორში, ინციდენტების პრევენციისა და მათზე რეაგირების მექანიზმის (IPRM) მონაწილეებსა და სამოქალაქო საზოგადოების წარმომადგენლებს შორის საინფორმაციო შეხვედრა გაიმართა. შეხვედრაზე მოხსენებით წარыდგნენ: მინისტრი - თეა ახვლედიანი, გაეროს ქალთა ორგანიზაციის საქართველოს წარმომადგენლობის ხელმძღვანელი - კაორი იშიკავა; ევროკავშირის სადამკვირვებლო მისიის ხელმძღვანელი - მარეკ შჩიგელი, სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე -  ირაკლი ანთაძე და შერიგებისა და სამოქალაქო თანასწორობის საკითხებში სახელმწიფო მინისტრის აპარატის წარმომადგენელი - ზვიად ზვიადაძე. 

მათ გაუზიარეს მონაწილეებს  IPRM შეხვედრებზე განხილული თემები და მოისმინეს, როგორც ქალთა ორგანიზაციების, ასევე სამხრეთ ოსეთთან გამყოფი ხაზის მიმდებარე სოფლებში მცხოვრები ქალების მიერ მიწოდებული ინფორმაცია ადგილებზე არსებული ჰუმანიტარული გამოწვევებისა და ადგილობრივი მოსახლეობის, მათ შორის კონფლიქტით დაზარალებული ქალების, კონკრეტული საჭიროებების შესახებ. 

გამოქვეყნებულია შეხვედრები

სამოქალაქო ფორუმი

12 სექტემბერს ფონდი „სოხუმის“ ორგანიზებით ჩატარდა სამოქალაქო ფორუმი თემაზე: "ქალებისა და ახალგაზრდების მიერ მშვიდობის მშენებლობის ხელშეწყობა - მდგრადი მშვიდობის და უსაფრთხოების დასამკვიდრებლად".

შეხვედრას ესწრებდნენ ფონდი „სოხუმის“ ახალგაზრდული საინიციატივო ჯგუფის წევრები  ქუთაისის, წყალტუბოს, სენაკის, ხონისა და ზუგდიდის მუნიციპალიტეტებიდან.

შეხვედრის დასაწყისში, მოწვეულმა ექსპერტებმა საკუთარ გამოსვლებში ხაზი გაუსვეს სამშვიდობო საქმიანობაში ახალგაზრდების ჩართულობის მნიშვნელობას, ისაუბრეს იმ სამშვიდობო ინსტრუმენტებზე, რომლებიც ეროვნული და საერთაშორისო დოკუმენტების სახით არსებობს.

საინიციატივო ჯგუფებმა  ცალკეული მუნიციპალიტეტების სპეციფიკის გათვალისწინებით იმუშავეს, რა უნდა გაკეთდეს ადგილებზე იმ ძირითადი ამოცანების შესასრულებლად, რომელიც მშვიდობის კულტურის დანერგვისა და საზოგადოებაში მდგრადი მშვიდობის ხელშეწყობის  მიზნით არის შესაძლებელი.

გამოქვეყნებულია შეხვედრები

სამოქალაქო ფორუმი

5 სექტემბერს ფონდი „სოხუმის“ ორგანიზებით ჩატარდა სამოქალაქო ფორუმი თემაზე: "ქალებისა და ახალგაზრდების მიერ მშვიდობის მშენებლობის ხელშეწყობა - მდგრადი მშვიდობის და უსაფრთხოების დასამკვიდრებლად".

შეხვედრას ესწრებდნენ ფონდი „სოხუმის“ ქალთა საინიციატივო ჯგუფის წევრები  ქუთაისის, წყალტუბოს, წალენჯიხის, სენაკის, ხონის, ზუგდიდის მუნიციპალიტეტებიდან.

შეხვედრის დასაწყისში, მოწვეულმა ექსპერტებმა საკუთარ გამოსვლებში ხაზი გაუსვეს სამშვიდობო საქმიანობაში ქალთა ჩართულობის მნიშვნელობას, ისაუბრეს იმ სამშვიდობო ინსტრუმენტებზე, რომელიც ეროვნული და საერთაშორისო დოკუმენტების სახით არსებობს. გაანალიზდა სამშვიდობო ინიციატივების მნიშვნელობა, რომელიც ხელს შეუწყობს  მშვიდობის კულტურის დანერგვას საზოგადოებაში.

სამუშაო ფორმატიდან გამომდინარე, ქალთა საინიციატივო ჯგუფებმა  ცალკეული მუნიციპალიტეტების სპეციფიკის გათვალისწინებით იმუშავეს, რა უნდა გაკეთდეს ადგილებზე იმ ძირითადი ამოცანების შესასრულებლად, რომელიც მშვიდობის კულტურის დანერგვისა და საზოგადოებაში მდგრადი მშვიდობის ხელშეწყობის  მიზნით არის შესაძლებელი.

გამოქვეყნებულია შეხვედრები

ამ ადამიანებს განსაკუთრებულად სჭირდებათ ფსიქორეაბილიტაცია. ჩვენი სამსახური მზადაა დახმარებისთვის. ჩვენს ბაზაში 255 უკრაინელი ლტოლვილია და  სამი ფსიქოლოგი მუშაობს მათთან.

აგვისტოში, შვებულების მიუხედავად, გარკვეული მუშაობა წარიმართა.

მანანა გოცირიძე: - აგვისტოში ორი გასვლითი მუშაობა გვქონდა ვანში და ოთხი - ქუთაისში, უკრაინულ ოჯახებში (6 ოჯახი - 12 ადამიანი). შეხვედრებზე იყო პირველადი ფსიქოლოგიური კონსულტირება, ანამნეზის შეკრება, მოვიწვიეთ შემდგომ ფსიქოლოგიურ კონსულტაციებზე. ამასთანავე მათ გადავეცით საკვები პროდუქტები, ჰიგიენის საშუალებები და ტანსაცმელი.

ანია შალიმოვა: - აგვისტოში ჩავატარე ორი ონლაინ კონსულტაცია, რომელზეც გავეცი პრობლემასთან დაკავშირებული რეკომენდაციები. ასევე ოფისში მოეწყო ერთი პირისპირ კონსულტაცია. კლიენტი ავიყვანე შემდგომ რეაბილიტაციაზე მისი მოთხოვნის შესაბამისად. კიდევ  - მქონდა გაცნობითი შეხვედრა ოჯახთან, რომელიც ახლახან ჩამოვიდა საქართველოში.

გამოქვეყნებულია შეხვედრები

აგვისტოში უკრაინელ ლტოლვილებთან მომუშავე ჯგუფმა არაერთი კეთილი საქმე გააკეთა:

ინფორმაცია მიაწოდეს ბენეფიციარებს, რომ ავიაკომპანია Wizz Air-ს ჰქონდა აქცია, რომლითაც უკრაინელებს ბილეთების შეძენა შეეძლოთ - ზოგიერთმა ისარგებლა ამ შესაძლებლობით და დაბრუნდა სამშობლოში.

ჩვენს ბაზას დაემატა 55 ადამიანი და ახლა 255 ადამიანია. ბოლო კვირას დახმარება გაეწია 10 ოჯახს ქუთაისში, სამტრედიასა და ტყიბულში.

სამი ფსიქოლოგი (მათ შორის ორი - უკრაინელი) აქტიურად ატარებდა ჯგუფურ და ინდივიდუალურ კონსულტაციებს ლტოლვილებთან.

ჩვენ მოგვმართა მოხალისემ უკრაინიდან. ქალთა ფონდი „სოხუმის“ ჯგუფი დაუკავშირდება მას უკრაინელების დასაქმების და ასევე ბაღის თაობაზე, სადაც შეეძლებათ მშობლებს ბავშვის დატოვება მუშაობის პერიოდში.

ერთ-ერთ ჩვენს ბენეფიციარს გაუკეთდა უფასო სტომატოლოგიური ოპერაცია.

გამოქვეყნებულია შეხვედრები

მიუხედავად საზაფხულო არდადეგებისა, ჩვენი ქალბატონები აგრძელებენ აქტიურ რეჟიმში მუშაობას და ახალი პრობლემების გადაჭრაზე ზრუნავენ.

ქალთა საინიციატივო ჯგუფები უკვე მუშაობს იმ საკითხებზე, რომელთა ადვოკატირებაც მოხდება უახლოეს მომავალში.

ჩატარდა საინფორმაციო შეხვედრები, რომლებზეც მოხდა ადვოკატირების გეგმების საბოლოო ვარიანტების შემუშავება და გაცნობა.

ამ ეტაპზე შემდეგი თემების ადვოკატირება მოხდება: „ხონში, აფხაზეთის ქუჩაზე მდებარე დევნილთა კომპაქტურ დასახლებაში სანაგვე ურნების დამატებით განთავსება.“

„ეკონომიკურ საქმიანობაში ქალთა პასიურობა და ნაკლები ჩართულობა. “

„ქალთა პასიურობა, ინდიფერენტულობა, გულგრილობა, ნაკლები ჩართულობა, მენტალიტეტი, ეკონომიკური საქმიანობის არცოდნა.“

 

პროექტი ხორციელდება USAID-ის მხარდაჭერით

გამოქვეყნებულია შეხვედრები

ქუთაისის „სიყვარულის ბაღში“ უკრაინის დამოუკიდებლობის დღის აღსანიშნავად უკრაინელი ლტოლვილების ინიცირებული საქველმოქმედო ღონისძიება გაიმართა.

ისმოდა უკრაინის ჰიმნი.  ჟღერდა  სევდით და ტკივილით გაჯერებული,  მაგრამ სიამაყით  და გამარჯვების რწმენით ანთებული მესიჯები.

მშვენიერმა უკრაინელმა გოგონებმა ფერადოვანი უკრაინული სიმბოლიკა, ხელნაკეთი ნივთები, უგემრიელესი უკრაინული ტკბილეული გამოფინეს.  დონაციის ყუთით ლტოლვილი ოჯახების დასახმარებელი თანხაც შეგროვდა.

პატარებმა განსაკუთრებით იხალისეს, რადგან ბავშვები ომშიც ბავშვები არიან  და არავინ დარჩა გულგრილი ანიმატორების პროგრამის მიმართ.

აქციის ორგანიზატორებმა მადლიერება გამოხატეს ქალთა ფონდი „სოხუმის“ მიმართ, რომელიც განსაკუთრებულად ეხმარება უკრაინიდან ლტოლვილებს.  

მძიმე დღეები უდგას უკრაინას, მაგრამ ჩვენ  გვჯერა, რომ გამარჯვება გარდაუვალია!

 

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

გამოქვეყნებულია შეხვედრები

სენაკის ქალთა საინიციატივო ჯგუფი „ერთი ფანჯრის პრინციპით“ პრობლემის მოგვარებაზე იწყებს მუშაობას. საერთო გადაწყვეტილებით, პრიორიტეტული საკითხი უკვე შერჩეულია:  სენაკის სამხედრო დასახლებაში, სადაც, ძირითადად, აფხაზეთიდან დევნილები ცხოვრობენ, სერიოზული პრობლემაა გაუმართავი საკანალიზაციო სისტემა - იტბორება სარდაფები, რაც დისკომფორტს უქმნის მოსახლეობას.

სამუშაო ჯგუფმა პირველ ეტაპზე შეაგროვა პრობლემის ამსახველი ვიდეო და ფოტო მასალები, ხელმოწერები, რაც შესაბამის უწყებებს წარედგინება. ქალთა საინიციატივო ჯგუფი პრობლემაზე მუშაობას „ერთი ფანჯრის პრინციპით“  გააგრძელებს ადგილობრივ სტრუქტურებთან თანამშრომლობით.

 

პროექტი ხორციელდება გაეროს ქალთა ორგანიზაციის  

მხარდაჭერით

გამოქვეყნებულია შეხვედრები

დონორი ორგანიზაციები

Image
Image
Image
Image
Image