ბათუმში სტარტი აიღო გენდერული საკონსულტაციო საბჭოს პროექტმა „ბათუმის ახალგაზრდები - არაძალადობრივი საზოგადოებისთვის“, რომელიც ბათუმის მერიისა და ფონდი „სოხუმის“ მიერ არის დაფინანსებული. გავრცელდა პრეს-რელიზი, რომლითაც საზოგადოებას პროექტის დაწყების შესახებ მიეწოდა ინფორმაცია.
18 ივნისს N2 სკოლის სააქტო დარბაზში ჩატარდა დიდი შეხვედრა, რომელზეც ექვსი სკოლის მოსწავლეები და პედაგოგები შეიკრიბნენ.
სასკოლო ფორუმ-თეატრებისთვის შეირჩა მოსწავლეები, დაიწყო მუშაობა სცენარებზე.
პროექტს სოლიდარობა გამოუცხადა ფონდი „სოხუმის“ ფორუმ-თეატრმა, რომელმაც იმ დღეს საჩვენებელი წარმოდგენა გამართა და დამსწრეთათვის თვალსაჩინო გახადა ფორუმ-თეატრის დისკუსიების სპეციფიკა.
შემდეგი აქტივობა ტრენინგი იქნება, რომელიც პროექტის მონაწილეებს ფორუმ-თეატრის არსის შესახებ თეორიულ და პრაქტიკულ უნარ-ჩვევებს მისცემს.
პროექტი ხორციელდება აშშ სახელმწიფო დეპარტამენტის მხარდაჭერით
