ჩვენი ორგანიზაციის ოფისში გაიმართა ტრენინგი თემაზე: „სოციალური მუშაობა თემებში, ოჯახში ძალადობის პრევენცია და რეაგირება - მუშაობის შეფასება და ანალიზი“.
ტრენინგს ესწრებოდნენ ქალთა მხარდაჭერის ცენტრების მობილიზატორები და პარასპეციალისტები დასავლეთ საქართველოს ათი სამიზნე მუნიციპალიტეტიდან.
მონაწილეებმა ერთმანეთს გაუზიარეს სოციალური მუშაობის წარმატებული პრაქტიკა, შეაფასეს ქალთა მხარდაჭერის ცენტრებში სოციალური მუშაობის შედეგები, ისაუბრეს გამოწვევებზე, მიგნებებზე და მასზე რეაგირების მექანიზმებზე.
ტრენინგის პროგრამიდან გამომდინარე მონაწილეებმა ინტერაქტიული ჩართულობით განსაზღვრეს ქალთა მხარდაჭერის სერვისების გამოყენების ეფექტიანობა.
მათ ტრენერისგან მიიღეს საჭირო რჩევები, როგორ გაიზარდოს არსებული სერვისების გამოყენება ბენეფიციარების მიერ, რა დამატებითი უნარებია საჭირო სოციალური მუშაობის გასაძლიერებლად.
ჯგუფური მუშაობის ფორმატში ფსიქოლოგთან ერთად შექმნეს პერსონის (ბენეფიციარის) ფსიქოსოციალური პორტრეტი; იმსჯელეს, რამდენად აუცილებელია ემპათია, სენსიტიური მიდგომა ძალადობის რისკის ქვეშ მყოფ ქალებთან კომუნიკაციისას.
ტრენინგის დასასრულს მონაწილეებმა აღნიშნეს:
„ტრენინგი კარგი შესაძლებლობაა ინფორმაციის გასაზიარებლად. ჩვენს ირგვლივ ბევრი ისეთი ქალია, რომელიც საჭიროებს მხარდაჭერას. ჩვენ შევძლებთ მათთან თანამშრომლობას და მათი მდგომარეობის შეცვლას სოციალური მუშაობის გაძლიერებით“.
„მიღებული ინფორმაციები ჩემთვის არის ახალი უნარები, რომელთა გამოყენება დამეხმარება რისკის ჯგუფის ქალების იდენტიფიცირებაში“.
„ვუსმენდი სხვადასხვა მუნიციპალიტეტის წარმომადგენლებს და თითქმის ყველგან ერთნაირი სიტუაციაა - აუცილებელია სოციალური მუშაობა ძალადობის პრევენციისთვის. ბევრი რამ ვიცით, დღესაც ვისწავლეთ და ეს ყველაფერი პრაქტიკაში უნდა გამოვიყენოთ ქალების გასაძლიერებლად“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
21-23 ივლისს სტამბოლში გაიმართა საერთაშორისო ტრენინგი ქალთა ფონდი „სოხუმის“ და პარტნიორი ორგანიზაციის სამუშაო ჯგუფების წევრებისთვის. თემა - გენდერული ზეგავლენის ანალიზის (GIA) მეთოდოლოგია და პრაქტიკა. ტრენინგს უძღვებოდა საერთაშორისო ტრენერი ბლერინა ჰანი.
მონაწილეებმა მიიღეს მათ მიერ არჩეული საკითხების გენდერული ზეგავლენის ანალიზის ჩატარებისთვის საჭირო ცოდნა-უნარები; გაეცნენ სხვადასხვა ქვეყნის, მათ შორის საქართველოს პრაქტიკას პროგრამების/პროექტების გენდერული ზეგავლენის შესწავლის კუთხით.
პროექტის მიხედვით, ტრენინგის შემდგომ დაგეგმილია კვლევა, რომელსაც პარალელურად ჩაატარებენ სამუშაო ჯგუფები. საკვლევი თემა - სკოლამდელი განათლების და დაწყებითი განათლების პროგრამების შერჩეული კომპონენტების გენდერული ზეგავლენის შესწავლა და შესაბამისი ანგარიშების მომზადება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდმა „სოხუმმა“ 18-19 ივლისს ბათუმში, სასტუმრო „რადისონ ბლუ ივერიაში“ ტრენინგი გამართა თემაზე „ადამიანური უსაფრთხოების მონიტორინგი“.
ტრენინგში მონაწილეობდა 40 ქალი ხუთი სამიზნე მუნიციპალიტეტიდან: ქუთაისი, წყალტუბო, ხონი, სენაკი, ზუგდიდი.
ტრენინგი პარალელურად ორ ჯგუფში მიმდინარეობდა. ორგანიზაციის წარმომადგენლებთან ერთად მონაწილეებმა ისაუბრეს ადამიანური უსაფრთხოების არსზე და შეაფასეს მისი მნიშვნელობა კონფლიქტის გადაჭრაში.
მონაწილეებმა ინტერესით განიხილეს კიბერუსაფრთხოების და მედიაწიგნიერების საკითხები.
თემების განხილვას თან ახლდა თემატური და სახალისო სავარჯიშოები. მუშაობა საინტერესოდ წარიმართა, რადგან ყველა მონაწილე აქტიურად იყო ჩართული.
მონაწილეების თქმით, ტრენინგის ორი დღე ინფორმაციით სავსე და პროდუქტიული იყო.
პროექტი ხორციელდება გაეროს ქალთა ორგანიზაციის
მხარდაჭერით
„ძალიან საჭირო ინფორმაციები მივიღეთ ადვოკატირების პროცესთან დაკავშირებით.“
„თითქოს ყველაფერს ასე ვაკეთებდით, მაგრამ ტრენინგზე გავიგეთ, თუ რაოდენ საჭიროა სწორი გათვლების გაკეთება.“
„ვიმუშავეთ ადვოკატირების გეგმის შედგენაზე. მიღებული ცოდნა ადვოკატირების სწორად წარმართვაში დაგვეხმარება.“
ასე ამბობდნენ ტრენინგის ბოლოს მონაწილეები - ქუთაისის დევნილთა სხვადასხვა თემის წარმომადგენელი ლიდერი ქალები და გოგონები. ტრენინგი ფონდი „სოხუმის“ ოფისში გაიმართა თემაზე: „სათემო ადვოკატირება, ადვოკატირების სტრატეგია და სამოქმედო გეგმის შედგენა.“
მონაწილეებმა „პრობლემის ხის“ მეთოდით იმუშავეს გამომწვევ მიზეზებზე და შედეგებზე, გააკეთეს SWOT ანალიზიც - ძლიერი და სუსტი მხარეები, შესაძლებლობები და რისკები.
თეორიული ნაწილის მოსმენის შემდეგ, მონაწილეებმა ჯგუფებში კონკრეტული პრობლემის ადვოკატირების სამოქმედო გეგმაზე იმუშავეს.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
სათემო ადვოკატირება, ადვოკატირების სტრატეგია და სამოქმედო გეგმის შედგენა - ამ საკითხებზე გაიმართა ტრენინგი ქალთა ფონდი „სოხუმის“ ოფისში. მასში მონაწილეობდნენ ლიდერი ქალები ქუთაისის დევნილთა სხვადასხვა თემიდან.
მონაწილეებმა გაარკვიეს, რა ფაქტორები განსაზღვრავს პრობლემის აქტუალობას, რა გზას გადის პრობლემა იდენტიფიცირებიდან მოგვარებამდე, რა უზრუნველყოფს ადვოკატირების წარმატებას.
ადვოკატირების არსში გარკვევის შემდეგ მათ პრობლემის „ხის მეთოდით“ შედეგები და გამომწვევი მიზეზები განიხილეს. SWOT ფორმის გამოყენებით კი შეძლეს ძლიერი და სუსტი მხარეების, შესაძლებლობების და რესურსების გაანალიზება, მოსალოდნელი რისკების განსაზღვრა.
ტრენინგის მეორე ნაწილში მონაწილეები სამ ჯგუფად განაწილდნენ და ჯგუფებში კონკრეტული პრობლემის ადვოკატირების სამოქმედო გეგმაზე იმუშავეს.
უკუკავშირით დასტურდება, რომ ისინი მზად არიან, მიღებული ცოდნა პრაქტიკაში გამოიყენონ:
„გავეცანით ადვოკატირების პროცესს. ჩვენთვის ყველა ინფორმაცია აუცილებელია“.
„ვიმუშავეთ ადვოკატირების გეგმის შედგენაზე, ყველა აქტივობა გავწერეთ, რისკები გავთვალეთ. ყველა მასალას პრაქტიკულად გამოვიყენებთ.“
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
„დღეს გავაცნობიერე, რა უფლებები გვაქვს და ვის უნდა მივმართოთ საჭიროების შემთხვევაში. მნიშვნელოვანია სწორი კომუნიკაცია და ქმედებები“.
„ტრენინგმა დამანახა ქალთა ლიდერობის მნიშვნელობა. საკუთარი რესურსებიც გავთვალე პრობლემების ადვოკატირების პროცესში.“
„ზოგჯერ არც კი ვიცით მუნიციპალური პროგამების შესახებ, ზოგჯერ იმაზე დიდი საჭიროებები გვაქვს, ვიდრე ადგილობრივი თვითმმართველობის ბიუჯეტშია მოაზრებული. ასეთი ტრენინგები სწორ მოქალაქეობრივ პოზიციას გვიყალიბებს“.
ასეთი იყო მონაწილეთა უკუკავშირი ტრენინგის ბოლოს. ქუთაისში მცხოვრები დევნილი ქალებისა და გოგონებისთვის ტრენინგი ჩატარდა აქტუალურ თემაზე: „ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები“.
დევნილ ქალთა ჩართულობა ადგილობრივი პოლიტიკის ფორმირების პროცესში მნიშვნელოვნად გაიზრდება პროექტით დაგეგმილი აქტივობების შედეგად.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
„ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები“ - ქალთა ფონდი „სოხუმის“ ოფისში ამ თემაზე ჩატარდა ტრენინგი ქუთაისის სხვადასხვა თემში მცხოვრები დევნილი ქალებისა და გოგონებისთვის.
ინფორმაციის ნაკლებობა, მიგრაცია, პასიურობა, უპასუხისმგებლობა, დროის სიმცირე, გულგრილობა - მონაწილეებმა აღნიშნეს, რომ ეს მოკლე ჩამონათვალია იმის, რაც უშლის ხელს სამოქალაქო ჩართულობას ადგილობრივ დონეზე.
ტრენინგზე ისაუბრეს იმაზე, თუ როგორ უნდა ამაღლდეს ლიდერული უნარები, კომუნიკაციის ხარისხი და მოტივაცია, რათა გაიზარდოს მოქალქეთა ჩართულობა ადგილობრივი პოლიტიკის ფორმირებაში
მონაწილეთა უკუკავშირიდან:
„ძალიან საინტერესო ტრენინგი იყო.“
„ლიდერი მარტო ვერაფერს იზამს გუნდის გარეშე და პირიქით, ამიტომ საჭიროა ყველამ თავისი შესაძლებლობები გამოიყენოს საერთო საქმის კეთების დროს.“
„საჭირო ინფორმაციები მივიღე. გავეცანი მოქალაქეთა ჩართულობის ფორმებს“
„მიღებულ ცოდნას ხშირად გამოვიყენებ.“
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
„ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები“ - ამ თემებზე გაიარეს ტრენინგი დევნილმა ქალებმა და გოგონებმა. მასში 20 ადამიანი მონაწილეობდა დევნილთა სხვადასხვა ჩასახლებიდან.
ტრენინგი მიზნად ისახავდა ქალთა გაძლიერებას და გააქტიურებას მათი ინფორმირების გზით. მონაწილეებმა სუბიექტური პოზიციიდან იმსჯელეს ლიდერობის მახასიათებლებზე. დაასაბუთეს, რა აუცილებელი თვისებები სჭირდება ქალს წარმატებული ლიდერობისთვის. ჯგუფური მუშაობის პროცესში კი დააფიქსირეს ფაქტორები, რომლებიც ხელს უშლის ქალთა აქტიურობას.
მონაწილეებმა ასევე მოისმინეს ინფორმაციები სამოქალაქო ჩართულობის ფორმებზე: გაიხსენეს პრაქტიკული მაგალითები, რა ფორმით, რა მეთოდებით ჰქონიათ კომუნიკაცია ადგილობრივ თვითმმართველობასთან, რამდენად არიან ჩართულები ადგილობრივი პოლიტიკის ფორმირების პროცესში და როგორია მათი ჩართულობის ხარისხი.
მონაწილეთა შეფასებით, ტრენინგზე მიღებული ინფორმაციები, ფონდი „სოხუმის“ მხარდაჭერა დაეხმარება მათ, უფრო მეტად იყვნენ მოტივირებულები და აქტიურად გამოიყენონ სამოქალაქო ჩართულობის ფორმები თავიანთი პრობლემების მოსაგვარებლად.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისის სხვადასხვა თემში მცხოვრები სამიზნე სამუშაო ჯგუფის წევრი დევნილი ქალებისა და გოგონების მონაწილეობით ჩატარდა ტრენინგი თემაზე „ქალთა ლიდერობა, კომუნიკაციის ფორმები, სამოქალაქო ჩართულობის მექანიზმები.“
სატრენინგო პროგრამა მოიცავდა ლექციურ ნაწილს და პრაქტიკულ სავარჯიშოებს. მონაწილეებს შესაძლებლობა ჰქონდათ, ჯგუფებში ემუშავათ საკითხებზე: რა უშლის ხელს სამოქალაქო ჩართულობას ადგილობრივ დონეზე, როგორ უნდა ამაღლდეს მოქალაქეთა მოტივაცია, რათა გაიზარდოს მათი ჩართულობა ადგილობრივი პოლიტიკის ფორმირებაში.
მონაწილეებმა ინტერაქტიულ რეჟიმში ერთმანეთს გაუზიარეს საკუთარი გამოცდილება, პოზიციები და შეხედულებები განსახილველ თემებზე. როგორც აღინიშნა, სატრენინგო თემები მათთვის მნიშვნელოვანი და საჭირო იყო: „ლიდერობის მახასიათებლებზე დავფიქრდი, საკუთარ შესაძლებლობებს გადავხედე, ახალი რესურსები აღმოვაჩინე.“
„ძალიან საინტერესო ინფორმაციები მივიღეთ. გავეცანით მოქალაქეთა ჩართულობის ფორმებს. აუცილებელია, რომ ასეთი ინფორმაცია რაც შეიძლება მეტმა ადამიანმა იცოდეს. “
„რაც ვისწავლე, აუცილებლად გამოვიყენებ პრაქტიკაში. პასუხისმგებლობა ვიგრძენი და უფრო მეტად ჩავერთვები მუნიციპალიტეტში მიმდინარე პროცესებში.“
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
