შეხვედრები (650)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
„კანონის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ მონიტორინგის ფარგლებში თებერვალში ჩატარდა ორი ჩაღრმავებული ინტერვიუ ქალაქ ფოთის შსს საქალაქო სამმართველოს უბნის ინსპექტორ-გამომძიებელთან და ლანჩხუთის მუნიციპალიტეტის შინაგან საქმეთა სამინისტროს საქალაქო სამმართველოს უფროსთან და ინსპექტორ გამომძიებლებთან. თვისობრივი ინფორმაციის მიღების მიზნით გაიმართა ფოკუს ჯგუფი საზოგადოებისა და შსს წარმომადგენლების ჩართულობით. მოხდა ინფორმაციის გამოთხოვა შსს-დან შემაკავებელი ორდერების გამოცემისა და დარღვევის სტატისტიკასთან დაკავშირებით. ღონისძებების მიზანი იყო იმის გამოკვეთა, თუ როგორია შსს ჩართულობა კანონის იმპლემენტაციაში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდ „სოხუმში“ მოქმედებს საკონსულტაციო ჯგუფი გენდერულ საკითხებში. ჯგუფის კონსულტანტი შეხვდა ლანჩხუთის მუნიციპალიტეტში მერიის გენდერულ თანასწორობაზე პასუხისმგებელ პირს და გენდერული თანასწორობის საბჭოს წევრებს. საუბარი შეეხო გენდერული თანასწორობის საბჭოს სტრუქტურას და სამომავლო გეგმებს, რაც მოიაზრებს ფონდ „სოხუმთან“ მჭიდრო თანამშრომლობას.
პროექტი ხორციელდება ვიშეგრადის ფონდის მხარდაჭერით
ფონდ „სოხუმში“ აქტიურად მოქმედებს საკონსულტაციო ჯგუფი გენდერულ საკითხებში. ჯგუფის წევრები შეხვდნენ ბაღდათის მუნიციპალიტეტის მერიის გენდერულ თანასწორობაზე პასუხისმგებელ პირს სოფიკო ნატრიაშვილს, რომელსაც გაეწია კონსულტაცია ადგილობრივი გენდერული პოლიტიკის კუთხით. საუბარი შეეხო გენდერული თანასწორობის საბჭოს მიერ განსახორციელებელ ღონისძიებებს, საბჭოსა და ფონდ „სოხუმს“ შორის სამომავლო თანამშრომლობას და გეგმებს.
პროექტი ხორციელდება ვიშეგრადის ფონდის მხარდაჭერით
2 თებერვალს ფონდ „სოხუმს“ სტუმრობდნენ შვედეთის ქალთა ორგანიზაციის Kvinna till Kvinna-ს წარმომადგენლები: ელისაბედ ბრანდბერგი (რეგიონალური მენეჯერი სამხრეთ კავკასიაში) და ჯოანა არკასენი (საველე წარმომადგენელი საქართველოში).
სტუმრებმა მოისმინეს ინფორმაცია ფონდის მუშაობასა და მიღწეულ შედეგებზე. შეხვედრის ბოლოს მათ გამოხატეს თავიანთი შთაბეჭდილებები.
ელისაბედ ბრანდბერგი: „ჩემთვის ძალიან საინტერესოა თქვენი საქმიანობის გაცნობა. მნიშვნელოვანია, რომ ყველა მიმართულებით ცდილობთ ქალთა უფლებების დაცვას. ცდილობთ, შეახსენოთ ხელისუფლებას საკუთარი ვალდებულებები საზოგადოებასთან მიმართებაში.“
ჯოანა არკასენი: „უკვე მეორედ ჩამოვედი ფონდ „სოხუმში“. ვიცი და მომწონს თქვენი აქტიურობა. სამშვიდობო საქმიანობა რთულია, მაგრამ აუცილებელი. კარგად ჩანს, რასაც აკეთებთ ქალთა მხარდასაჭერად. საინტერესოა თქვენთან მუშაობა.“
Kvinna till Kvinna ფონდი „სოხუმის“ მხარდამჭერია 2002 წლიდან, რაც სამშვიდობო მიმართულებით სისტემატიური მუშაობის საშუალებას იძლევა.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ფონდი „სოხუმის“ საინფორმაციო-საკონსულტაციო სამსახურმა შეიმუშავა 2018 წლის გეგმა და მუშაობის კონცეფცია, რომელიც მოიცავს: იურისტის და ფსიქოლოგის კონსულტაციებს, შეხვედრებს კონფლიქტოლოგთან, საინფორმაციო შეხვედრებს ახალგაზრდებთან, მუშაობას ოჯახურ წყვილებთან, კრიზისული ოჯახების წარმომადგენლებთან და ძალადობის მსხვერპლებთან.
იანვარში ფსიქოლოგმა უკვე ჩაატარა ინდივიდუალური კონსულტაციები. ერთ ბენეფიციართან გაიმართა სამი სეანსი. მეორე შემთხვევაში - ჯერჯერობით მიმდინარეობს პრობლემის დიაგნოსტიკა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
თერჯოლა - ახალი მუნიციპალიტეტია, სადაც ფონდი „სოხუმი“ იანვრიდან ინტენსიურ მუშაობას იწყებს ახალი პროექტის „ქალთა გაძლიერება დასავლეთ საქართველოში“ ფარგლებში. გაიმართა შეხვედრა თერჯოლის ადგილობრივი თვითმმართველობის წარმომადგენლებთან. ფონდის თანამშრომლებმა მათ პროექტის მიზნები და ამოცანები გააცნეს.
იგეგმება შეხვედრები ლანჩხუთისა და ოზურგეთის ადგილობრივ თვითმმართველობებშიც. ფონდის მუშაობა ამ მუნიციპალიტეტებშიც გავრცელდება იმ 6 მუნიციპალიტეტების პარალელურად, სადაც ბოლო წლებში უამრავი აქტივობა განხორციელდა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხონის საკრებულოს სხდომათა დარბაზში ხონის სოციალურ საკითხებში მრჩეველთა საბჭოს მორიგი სხდომა გაიმართა.
საბჭოს წევრებმა განიხილეს საბჭოს დღის წესრიგით გათვალისწინებული საკითხები:
ხონის სოციალური ჩართულობის სტრატეგიის მიზნების და ამოცანების შესრულების ანალიზი (2017 წლის სამოქმედო გეგმის მონიტორინგის შედეგებზე დაყრდნობით); ხონის მუნიციპალიტეტის სოციალური ჩართულობის სტრატეგიის 2018 წლის სამოქმედო გეგმისთვის პრიორიტეტული მიმართულებების გამოკვეთა.
სხდომაზე პოზიტიურად შეფასდა 2017 წლის სამოქმედო გეგმის შესრულება და წარმოდგენილი იქნა არაერთი საინტერესო იდეა 2018 წლის სამოქმედო გეგმაში ინტერგირებისთვის, რომელზეც საბჭოს წევრები ორგანიზაცია «Реоplе in Need»-ის თაოსნობით უახლოეს მომავალში იმუშავებენ.
რა მიმართულებით უნდა მოხდეს საბჭოს საქმიანობის ფოკუსირება, რომელ საკითხებში საჭიროებენ საბჭოს წევრები უნარების გაძლიერებას, რათა სამოქმედო გეგმას რეალური განხორციელება მოყვეს - აქცენტი ამ საკითხებზეც გაკეთდა.
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
ახალი წლიდან მუშაობა განაახლა ფონდი „სოხუმის“ მონიტორინგის ჯგუფმა, რომელიც „ოჯახში/ქალთა მიმართ ძალადობის აღმოფხვრის, ოჯახში ძალადობის მსხვერპლთა დაცვისა და დახმარების შესახებ“ საქართველოს კანონის განხორციელებას ადევნებს თვალ-ყურს. ჯგუფმა შეისწავლა ეროვნული სამოქმედო გეგმის სამუშაო ვარიანტი. შეირჩა პრიორიტეტები, შესაბამისი უწყებები მონიტორინგის თემებისა და მიზნების მიხედვით. შემუშავდა მუშაობის კონცეფცია და 2018 წლის გეგმა.
კანონის მონიტორინგის ჯგუფი რეფერალური მექანიზმის სუბიექტებთან ჩატარებული ფოკუს-ჯგუფების, ჩაღრმავებული ინტერვიუების და ანკეტირების მეშვეობით მოამზადებს რეკომენდაციათა პაკეტს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
რესტორან „ამირანში“ გაიმართა შეფასებითი ვორქშოფი, რომელზეც ფონდი „სოხუმის“ საქმიანობა შეაფასეს პარტნიორი არასამთავრობო ორგანიზაციების და ადგილობრივი ხელისუფლების წარმოადგენლებმა, ფონდის აქტივისტებმა, ბენეფიციარებმა.
მუშაობის ფოკუსი იყო ორგანიზაციის საქმიანობის აქტუალურობა; პარტნიორების მიერ დანახული ცვლილებები და მიღწევები; ხედვა ორგანიზაციის პოტენციალზე და ინსტიტუციური ზრდის დინამიკის შენარჩუნების სურვილი; გამოწვევები, რომელთა საპასუხოდ ისურვებდნენ ფონდი „სოხუმის“ ძალისხმევის მიმართვას.
ფონდის ხელმძღვანელებმა თანამშრომლობისთვის გულწრფელი მადლობა გადაუხადეს პარტნიორებს, ბენეფიციარებს. ითქვა, რომ ძალიან მნიშვნელოვანია, საკუთარ საქმიანობას შეხედო „გვერდიდან“ და მოისმინო საქმიანი რჩევები სამომავლო სტრატეგიაში გასათვალისწინებლად.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქუთაისში, დემოკრატიული ჩართულობის ცენტრში ფონდი „სოხუმის“ მიერ პროექტის - „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ – ფარგლებში ორგანიზებული იყო ინფორმაციის გაცვლის შეხვედრა. თემა - „ადგილობრივი გენდერული პოლიტიკა - პერსპექტივები და გამოწვევები“.
შეხვედრას იმერეთისა და სამეგრელოს მუნიციპალიტეტების გენდერულ პოლიტიკაზე პასუხისმგებელი საჯარო მოხელეები, თვითმმართველობის ხელმძღვანელი პირები, სამოქალაქო სექტორის, მედიის წარმომადგენლები ესწრებოდნენ.
რა მიღწევები არსებობს გენდერული პოლიტიკის კუთხით მუნიციპალურ დონეზე, რა გამოწვევების წინაშე დგას ადგილობრივი გენდერული თანასწორობის საბჭოები, რა მიმართულებით ისურვებდნენ მხარდაჭერას ადგილობრივი ხელისუფლებისგან, საპარლამენტო გენდერული თანასწორობის საბჭოსგან, სამინისტროებისგან ადამიანები, ვისაც შეხება აქვს ადგილებზე გენდერული დღის წესრიგის დანერგვასთან?
საინტერესო დისკუსიების შემდეგ შეხვედრის მონაწილეები ჩამოყალიბდნენ რეკომენდაციებზე, რაც საფუძველს დაუდებს დიალოგს ადგილობრივი გენდერული სტრატეგიის შემუშავებისა და მნიშვნელოვანი რეფორმების დანერგვისათვის.
პროექტი ხორციელდება ვიშეგრადის ფონდის მხარდაჭერით