აქციები (51)
აქცია - ეს არის საშუალება, დაისახოს კონკრეტული მიზნები და ამოცანები გარკვეული პრობლემის ადვოკატირებისთვის. ფონდი „სოხუმი“ მართავს სამშვიდობო აქციებს, აქციებს გენდერული თანასწორობისათვის, ჰუმანიტარულ აქციებს სოციალურად დაუცველი ადამიანებისთვის. 2001 წლიდან, ყოველწლიურად, ტარდება საინფორმაციო აქციები კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში.
დაიწყო ყოველწლიური საერთაშორისო-საინფორმაციო კამპანია ქალთა მიმართ ძალადობის წინააღმდეგ ლოზუნგით „ბოლო მოვუღოთ ქალთა მიმართ ძალადობას“. ბოლო წლებში კამპანია ხორციელდება სლოგანით „სახლში მშვიდობიდან - მსოფლიოში მშვიდობამდე“.
წელს ფონდი „სოხუმისთვის“ კამპანიის სახეა - 2015-2016 წლების სუპერლიგის გამარჯვებული - საკალათბურთო კლუბი „ქუთაისი - 2010“. დაიბეჭდა ასობით საინფორმაციო ფურცელი, კალენდრები.
ფონდი „სოხუმი“ - ორგანიზაციის ქალთა მხარდაჭერის 6 ცენტრი, ამომრჩეველ ქალთა 8 კლუბი, 3 გენდერული საკონსულტაციო საბჭო, 6 ახალგაზრდული კლუბი, ფორუმ-თეატრი - 16 აქტიური დღის განმავლობაში დასავლეთ საქართველოს ქალაქებსა და სოფლებში ჩაატარებს ათობით ღონისძიებას...
ძალადობის მიმართ 16-დღიანი კამპანია აქციით გაიხსნა წყალტუბოში.
იგრძენი პასუხისმგებლობა - შეაჩერე ძალადობა! ქალს აქვს უფლება,იცხოვროს ძალადობის გარეშე! - ასეთი შინაარსის სლოგანებით სპორტის სასახლის წინ შეკრებილებმა საკუთარი პროტესტი დააფიქსირეს ქალთა მიმართ ძალადობის წინააღმდეგ. აქციაში მონაწილეობდნენ ადგილობრივი ხელისუფლების წარმომადგენლები საკრებულოდან, გამგეობიდან, ფონდი „სოხუმის“ ქალთა მხარდაჭერის ცენტრის აქტივისტები, ამომრჩეველ ქალთა კლუბის წევრები.
საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“ გამოეხმაურნენ ფოთშიც - ქალთა მხარდაჭერის ცენტრის აქტივისტები და ახალგაზრდული კლუბის წევრები. მათი ერთ-ერთი მთავარი სლოგანი იყო „ჯანსაღი ცხოვრება - არაძალადობრივი გარემოსთვის“.
ქალთა მხარდაჭერის ცენტრი და ახალგაზრდული კლუბი კამპანიის დღეებში სხვა ღონისძიებების ჩატარებასაც გეგმავენ.
დაიწყო 16-დღიანი კამპანია ქალთა მიმართ ძალადობის წინააღმდეგ. კამპანიის პირველ დღეს ხონში გაიმართა აქცია. აქციაზე გამოვიდნენ ხონის ქალთა მხარდაჭერის ცენტრის და ახალგაზრდული კლუბის აქტივისტები, ამომრჩეველ ქალთა კლუბის წევრები.
აქციას შეუერთდნენ ადგილობრივი თვითმმართველობის წარმომადგენლები, რომლებიც აქტიურად თანამშრომლობენ ჩვენს ორგანიზაციასთან.
შეაჩერე ძალადობა! ქალს აქვს ბედნიერების უფლება! - მსგავსი შინაარსის სლოგანებით მდუმარედ გამოხატეს შეკრებილებმა პროტესტი ქალთა მიმართ ძალადობის წინააღმდეგ.
ფონდი „სოხუმის“ ქუთაისის ქალთა მხარდაჭერის ცენტრის აქტივისტები, გენდერული საკონსულტაციო საბჭოს და ამომრჩეველ ქალთა კლუბის წევრები, ფორუმ-თეატრის მსახიობები, ახალგაზრდული კლუბის მოხალისეები, პარტნიორი ორგანიზაციების წარმომადგენლები, ჟურნალისტები, ქალაქის მცხოვრებნი თუ სტუმრები - ყველა მათგანი გააერთიანა ხალხმრავალმა აქციამ, რომელიც ქუთაისის ცენტრში გაიმართა.
ეს უფრო ხშირად ხდება, ვიდრე ჩვენ გვგონია! არ არსებობს მიზეზი, რომელიც გაამართლებს ძალადობას! გავერთიანდეთ ქალთა მიმართ ძალადობის წინააღმდეგ! - ამ და სხვა მოწოდებებმა მიიქცია გამვლელების ყურადღება.
მედიის წარმომადგენლებმა ჩაიწერეს ინტერვიუები და თავიანთ მასალებში კიდევ ერთხელ გააკეთეს აქცენტი გენდერული ძალადობის პრობლემაზე.
დასავლეთ საქართველოს 8 ქალაქში გამართულ ერთდროულ მდუმარე აქციებს ქალთა მიმართ ძალადობის წინააღმდეგ შეუერთდნენ ხობის ამომრჩეველ ქალთა კლუბის წევრები. აქცია მოეწყო ახალგაზრდობის სახლის წინ.
„ქალს აქვს ბედნიერების უფლება!“ „ძალადობა ბოროტებაა!“ „შევაჩეროთ ზალადობა ქალთა მიმართ!“ - ასეთი იყო აქციის ძირითადი სლოგანები.
ინფორმაცია აქციის შესახებ გაშუქდა ხობის გამგეობის პრეს-სამსახურის მიერ.
http://khobi-info.blogspot.com/2016/11/16.html
პროექტი ხორციელდება აშშ საელჩოს მხარდაჭერით
პროტესტის აქცია გაიმართა ქალაქ ზუგდიდის ცენტრში. მასში მონაწილეობა მიიღეს ფონდი „სოხუმის“ ხურჩა/კოკის ქალთა მხარდაჭერის ცენტრის აქტივისტებმა, ახალგაზრდული კლუბის და ზუგდიდის ამომრჩეველ ქალთა კლუბის წევრებმა.
ისინი შეუერთდნენ დასავლეთ საქართველოს კიდევ 8 ქალაქში მიმდინარე აქციებს და გამოხატეს სოლიდარობა საერთაშორისო კამპანიისადმი „16 აქტიური დღე ქალთა მიმართ ძალადობის წინააღმდეგ“.
ტრადიციულად, წელსაც გამოხატეს სენაკში მცხოვრებმა ადამიანებმა თავიანთი სოლიდარობა საერთაშორისო კამპანიისადმი „16 აქტიური დღე ქალთა მიმართ ძალადობის წინააღმდეგ“.
აქციაზე გვერდიგვერდ იდგნენ ქალთა მხარდაჭერის ცენტრის აქტივისტები, გენდერული საკონსულტაციო საბჭოს, ახალგაზრდული კლუბის და ამომრჩეველ ქალთა კლუბის წევრები. სწორედ ასე ერთიანად დაუჭირეს მათ მხარი კამპანიის სლოგანს „სახლში მშვიდობიდან - მსოფლიოში მშვიდობისკენ“.
ფონდი „სოხუმის“ ახალგაზრდული კლუბი და ფორუმ-თეატრი შეუერთდნენ საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“. 25 ნოემბერს ახალგაზრდებმა საზოგადოებრივი თავშეყრის ადგილებში მოსახლეობას გადასცეს საინფორმაციო ფურცლები, ლენტები. გადაიღეს ფოტოები, რომლითაც ადამიანებმა გამოხატეს სოლიდარობა, დაგმეს ძალადობა და აღნიშნა, რომ მხარს უჭერენ სლოგანს „სახლში მშვიდობიდან - მსოფლიოში მშვიდობამდე“.
ფონდი „სოხუმის“ ქალთა საინიციატივო ჯგუფი წყალტუბოში აქტიურად ჩაერთო კამპანიაში „16 აქტიური დღე ქალთა მიმართ ძალადობის წინააღმდეგ“. მისი ინიციატივით 25 ნოემბერს წყალტუბოს მუნიციპალიტეტის საკრებულოს სხდომა გაიხსნა ინფორმაციით კამპანიის შესახებ. საკრებულოს წევრებმა პროტესტი ცალსახად დააფიქსირეს და სოლიდარობა გამოხატეს.