8 ივნისს ფონდი „სოხუმის“ იურისტი შეხვდა სენაკში, ყოფილი პროფსასწავლებელის კოლექტიურ ცენტრში მცხოვრებ დევნილებს, გააცნო მათ ფონდის და სენაკის გენდერული საკონსულტაციო საბჭოს საქმიანობა.
რადგან მათ მთავარ პრობლემას განსახლება წარმოადგენს, დამსწრეთა თხოვნით, მათ მიიღეს იურისტისგან ინფორმაცია ამ საკითხის და დევნილთა კანონის შესახებ. შეხვედრის შედეგად მონაწილეებმა გაიგეს აპლიკაციის შევსების და სოფლად სახლის ყიდვის პროგრამის არსებობის შესახებ. ასევე გაიცა ინდივიდუალური კონსულტაციები საკითხებზე: სოციალურად დაუცველი პირის კრიტერიუმები, ქულების შეჯამების წესები, იგპ სტატუსის აღდგენა, ომის ვეტერანის დოკუმენტის აღდგენის აუცილებლობა და მისი პროცედურები...
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ფონდი „სოხუმის“ იურისტი 7 მაისს სენაკში შეხვდა კომპაქტურად ჩასახლებულ დევნილებს. მათ მიეწოდათ ინფორმაცია ფონდი „სოხუმის“ და სენაკის გენდერული საბჭოს მუშაობის შესახებ. საუბრის მთავარ თემას წარმოადგენდა საქართველოს შრომის, ჯამრთელობისა და სოციალურად დაცვის მინისტრის ბრძანება #141/ნ სოციალურად დაუცველი ოჯახების სოციალურ-ეკონომიკური მდგომარეობის შეფასების წესსა და პროცედურებზე.
შეხვედრის დროს გამოიკვეთა სხვადასხვა პრობლემა. იურისტმა გააცნო დევნილი ოჯახის წევრებს სოციალურად დაუცველთა ბაზის აუცილებელი ეტაპები და პროცედურები. მომზადდა განცხადება ერთ-ერთი ოჯახის საცხოვრებელი პრობლემის მოგვარების მიზნით.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ფონდი „სოხუმის“ იურისტმა გამართა შეხვედრა ქუთაისის მუსიკალური სკოლის კოლექტიურ ცენტრში მცხოვრებ დევნილ ქალებთან. მათ ბინები კერძო საკუთრებაში დაუკანონდათ, მაგრამ აქვთ წყალგაყვანილობის, ავტოფარეხის და სხვა პრობლემები.
შეხვედრის მონაწილეებმა მიიღეს რეკომენდაცია, შექმნან ამხანაგობა, კოლექტიური განცხადებით მიმართონ ქუთაისის მერიას და მოითხოვონ დახმარება პრობლემების გადაჭრაში. საკითხზე მონიტორინგი გაგრძელდება მომავალში.
შეხვედრაზე ასევე გაიცა ერთი ინდივიდუალური კონსულტაცია.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ქუთაისში ერთ-ერთმა ბენეფიციარმა, რომელიც ძალადობის მსხვერპლია, ქუთაისის თავშესაფრის იურისტთან ერთად ფონდი „სოხუმის“ იურისტს დახმარებისთვის მიმართა, რათა მიეღო მსხვერპლის სტატუსი, რაც მას თავშესაფარში დარჩენის და სარეაბილიტაციო კურსის გაგრძელების საშუალებას მისცემდა. მომზადდა ყველა საჭირო დოკუმენტი და გადაეგზავნა მსხვერპლის სტატუსის მიმნიჭებელ კომისიას თბილისში. 17 თებერვალს ჩატარდა სხდომა, ქალბატონს მიენიჭა მსხვერპლის სტატუსი, მას უკვე შეუძლია თავშესაფარში იცხოვროს და გააგრძელოს ფსიქორეაბილიტაცია.
ეს ერთ-ერთი ქეისია ქუთაისის ქალთა მხარდაჭერის იურისტის ანგარიშიდან.
ამას გარდა მან თებერვალში ჩაატარა 12 საინფორმაციო-საკონსულტაციო შეხვედრა დევნილთა კოლექტიურ ცენტრებში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქუთაისში დევნილთა საერთო საცხოვრებლებში ჩატარდა იურისტის საინფორმაციო-საკონსულტაციო შეხვედრები. ესწრებოდა 53 სხვადასხვა ასაკის მოქალაქე. იურისტის სასაუბრო თემას, მათი ინტერესებიდან გამომდინარე, წარმოადგენდა კანონი დევნილთა შესახებ, ადამიანი და მისი ძირეული უფლებები, მოქალაქეთა მიერ ადგილობრივი თვითმმართველობის განხორციელების უფლება, ოჯახში ძალადობის მსხვერპლის დაცვის მექანიზმები და ა. შ.
გაიცა ინდივიდუალური კონსულტაციები: სოციალური შემწეობის აღდგენის შესახებ; ჩვილი ბავშვისთვის დევნილობის შემწეობის დანიშვნის პროცედურები; სამინისტროსგან ერთხელ ბინით დაკმაყოფილებულთა უფლებების და ვალდებულებების შესახებ; სოციალურად დაუცველთა შეფასების კრიტერიუმები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ ქალთა მხარდაჭერის ცენტრებში იურისტებმა სხვადასხვა თემაზე ჩაატარეს საინფორმაციო შეხვედრები. ქუთაისში მთავარი თემა იყო საქართველოს კანონი შეზღუდული შესაძლებლობის მქონე პირთა დაცვის შესახებ და ქუთაისის მუნიციპალიტეტის 2015 წლის ბიუჯეტში გათვალისწინებული შშმ პირთა პროგრამები და პრიორიტეტები.
ქორწინება და მასთან დაკავშირებული საკითხები განიხილეს სენაკში. წყალტუბოში ადმინისტრაციულ კოდექსზე ისაუბრეს. მიწით სარგებლობის სამართლებრივ საკითხებს შეეხნენ ხურჩის ქალთა მხარდაჭერის ცენტრში, ფოთში ქალები დაინტერესდნენ ანდერძის პირობებით, ხონის ქალთა მხარდაჭერის ცენტრში კი იურისტის საინფორმაციო შეხვედრა მიეძღვნა ქალტა მიმართ ძალადობის თემას.
ასევე გაიცა ინდივიდუალური კონსულტაციები (მაგ. მარტოხელა მშობლის სტატუსის მისანიჭებელად თუ განქორწინებისთვის საჭირო დოკუმენტები და პროცედურები).
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
5 სექტემბერს ჩატარდა ფონდი „სოხუმის“ იურისტის საინფორმაციო შეხვედრა ქუთაისის ერთ-ერთ კოლექტიურ ცენტრში 10 დევნილი ქალის მონაწილეობით. მათ მთავარ პრობლემას წარმოადგენს განსახლება. განხილული იყო საერთო საკითხები, მათ შორის: დევნილთა განსახლების კრიტერიუმები, ინვალიდობის პენსიის მოთხოვნის გზები და საშუალებები, დევნილ ბავშვზე მშობლების საზღვარგარეთ ყოფნის შემთხვევაში დევნილის სტატუსის და შემწეობის დანიშვნა, დევნილის შემწეობის შეჩერება. მონაწილეებმა მიიღეს კომპეტენტური პასუხი მათთვის საინტერესო საკითხებზე.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
სენაკის ერთ-ერთ კოლექტიურ ცენტრში ჩატარდა იურისტის საინფორმაციო შეხვედრა, სადაც ესწრებოდა 9 დევნილი.
მთავარ თემას წარმოადგენდა საქართველოს სამოქალაქო კოდექსით გათვალისწინებული სამეზობლო სამართალი. მათ მიიღეს საჭირო ინფორმაცია. დევნილთა მთავარ პრობლემას განსახლება, შენობის ნაწილის გაზიფიცირება და დაკანონება წარმოადგენს.
ასევე გაიცა ინდივიდუალური კონსულტაცია შშმ პირთა მეურვეობისათვის საჭირო პროცედურებისა და დოკუმენტაციის შესახებ.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
28 ივლისს სენაკში, რუსთაველის #229-ში გაიმართა იურისტის საინფორმაციო შეხვედრა, რომელსაც ესწრებოდნენ დევნილი და ადგილობრივი მოქალაქეები. მათ მიეწოდათ ინფორმაცია დევნილთა კანონისა და დევნილთა მინისტრის #320 ბრძანების შესახებ, რომელიც ეხება დევნილთა გრძელვადიანი განსახლების კრიტერიუმებსა და პროცედურებს.
დევნილი ოჯახები აღნიშნულ მისამართზე წლებია ცხოვრობენ ქირით, არიან სოციალურად დაუცველები და აქვთ გაუსაძლისი პირობები, უჭირთ ან ვერ იხდიან ქირის თანხას. მომზადდა განცხადება დევნილთა და განსახლების მინისტრის სახელზე თხოვნით, რათა უახლოეს მომავალში მოხდეს ამ ოჯახების ბინით დაკმაყოფილება. ასევე გაიცა კონსულტაცია სხვადასხვა საკითხზე.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ნოემბერში იურისტმა ჩაატარა შეხვედრა ოზურგეთის დუმბაძის ქუჩის მცხოვრებლებთან. მათ 3 პრობლემა გამოყვეს: არ არის საკანალიზაციო სისტემა; ქუჩის დასაწყისი და ბოლო ახალი ასფალტის საფარითაა დაფარული, ხოლო შუა ნაწილი, დაახლოებით 200 მეტრი სიგრძის მონაკვეთი ამორტიზირებულია; ქუჩას არ აქვს შესაბამისი სიღრმისა და სიგანის სანიაღვრე არხები, ამის გამო საშუალო დონის წვიმის დროს წყალი ქუჩაზე გადმოდის.
შემუშავდა განცხადება ქ. ოზურგეთის მერიის სახელზე, რაც შეხვედრაზე დასმული პრობლემატური საკითხების მოგვარებისკენაა მიმართული.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით