„ოჯახური ძალადობის მსხვერპლთა დახმარების მუნიციპალური სერვისები და სამომავლო პერსპექტივები“ – ამ თემაზე გაიმართა ონლაინ მრგვალი მაგიდა ფონდი „სოხუმისა“ და სამეგრელო-ზემო სვანეთის სამხარეო ადმინისტრაციის თანამშრომლობით. მონაწილეობდნენ: ზუგდიდის, წალენჯიხის, მარტვილის, ფოთის, ხობის, სენაკის, ჩხოროწყუს, აბაშის, მესტიის ადგილობრივი თვითმმართველობის წარმომადგენლები.
- რა პროგრამებით პასუხობს თვითმმართველობა ოჯახში ძალადობის მსხვერპლთა დახმარების კუთხით არსებულ გამოწვევებს; რა ცვლილებები ინერგება მომდევნო წლის ბიუჯეტში, როგორია მზაობა ადგილობრივ დონეზე გენდერული პოლიტიკის გაძლიერების თვალსაზრისით - შეხვედრაზე, ძირითადად, ამ საკითხებზე გაკეთდა ფოკუსირება.
მონაწილეებმა კოვიდპანდემიით შექმნილ პრობლემებზეც გააკეთეს აქცენტი და გამოწვევების საპასუხოდ რეაგირების კუთხით არსებული გამოცდილება გაუზიარეს ერთმანეთს.
აღინიშნა, თუ რამდენად მნიშვნელოვანია სამხარეო ადმინისტრაციის მხარდაჭერა მუნიციპალიტეტებს შორის თანამშრომლობის გაფართოების თვალსაზრისით.
შეხვედრას ფასილიტირებას უწევდა ფონდი „სოხუმის“ მონიტორინგის ჯგუფი.
ხონში ახალი სამოქალაქო საზოგადოების ორგანიზაცია დარეგისტრირდება. ეს იქნება პირველი ორგანიზაცია ხონში, რომელიც იმუშავებს შშმ პირთა უფლებების დაცვისა და მათი ინტეგრირებისათვის საზოგადოებაში.
ამჟამად მიმდინარეობს აქტიური ონლაინ შეხვედრები და კონსულტაციები. მომავალი ორგანიზაციის ხელმძღვანელს შეხვდნენ პროექტის პარტნიორი სამოქალაქო საზოგადოების ორგანიზაციები ხონში: განათლებისა და განვითარების ცენტრი „ედელვაისი“ და დევნილთა საინიციატივო ჯგუფი. ეს ორგანიზაციები მენტორობას გაუწევენ ახალ ორგანიზაციას და დაეხმარებიან იურიდიული საკითხების მოგვარებაში. შეხვედრაზე ისაუბრეს ორგანიზაციის რეგისტრაციასა და წესდებაზე.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ლობირების თემაზე გამართულ ტრენინგში მონაწილეობა მიიღეს სამოქალაო საზოგადოების ფორუმისა და სამუშაო ჯგუფების წარმომადგენლებმა.
ტრენინგი ჩატარდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში. ელისაბედ სოფრომაძემ, რომელმაც ონლაინ რეჟიმში ჩაატარა ტრენინგი, მნიშვნელოვანი ყურადღება დაუთმო ლობისტური საქმიანობის რეგულირებისა და საქართველოში არსებული პრაქტიკის საკითხებს. ტრენინგი ინტერაქტიურ ხასიათს ატარებდა. მონაწილეებმა სასარგებლო ცოდნა შეიძინეს ლობირების მიზნებისა და ფორმების შესახებ, რაც გამოყენებული იქნება პროექტის მიზნების მისაღწევად. ონლაინ ტრენინგს ორგანიზება გაუკეთა პროექტის ერთ-ერთმა პარტნიორმა, იმერეთის მხარის მეცნიერთა კავშირმა „სპექტრი“.
„როგორ დავარეგისტრიროთ სამოქალაქო საზოგადოების ორგანიზაცია“ - ამ თემაზე გაიმართა ონლაინ ტრენინგი პროექტის სამიზნე მუნიციპალიტეტებში გამოვლენილი დაინტერესებული ჯგუფებისათვის, რომელთაც სამოქალაქო საზოგადოების ორგანიზაციის დარეგისტირირება სურთ.
მონაწილეებს მიეწოდათ დეტალური ინფორმაცია შემდეგ საკითხებზე - იურიდიული პირი, რეგისტრირებული და არარეგისტრირებული იურიდიული პირები; არასამეწარმეო არაკომერციული იურიდიული პირის სახელწოდება, ხელმძღვანელობა, წარმომადგენლობა, საქმიანობის სახელმწიფო კონტროლი; რეგისტრაციის წესი, რეგისტრაციისათვის საჭირო დოკუმენტაცია, სავალდებულო მოთხოვნები; რეორგანიზაცია, ლიკვიდაცია.
ტრენინგი ჩატარდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
სამოქალაქო საზოგადოების ორგანიზაციების ფორუმის მორიგ შეხვედრას ესწრებოდნენ პროექტის პარტნიორი ორგანიზაციების და სამიზნე მუნიციპალიტეტებში შექმნილი სამუშაო ჯგუფების წევრები. განხილულ იქნა სამუშაო ჯგუფების საქმიანობის საკითხი. სამუშაო ჯგუფების ხელმძღვანელებმა გააკეთეს პრეზენტაციები, ისაუბრეს მიღწეულ შედეგებსა და სამომავლოდ დაგეგმილ ღონისძიებებზე. აღსანიშნავია ერთობლივი ძალისხმევა და თანამშრომლობა, რომელსაც არ იშურებენ ადგილობრივი თვითმმართველობებისა და სამოქალაქო საზოგადოების ორგანიზაციების წარმომადგენლები საჯარო მმართველობის განვითარებისათვის ყველა იმ მუნიციპალიტეტში, სადაც პროექტი ხორციელდება.
ფორუმის შეხვედრა ონლაინ რეჟიმში, Zoom პლატფორმაზე გაიმართა. ორგანიზატორი: პროექტის ერთ-ერთი პარტნიორი - იმერეთის მხარის მეცნიერთა კავშირი „სპექტრი“.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
ოზურგეთის, ლანჩხუთის, ჩოხატაურის და ქობულეთის ადგილობრივი თვითმმართველობის წარმომადგენლებთან შეხვედრაზე განხილული იყო მუნიციპალიტეტებში გენდერული პოლიტიკის დანერგვის, ქალთა მიმართ და ოჯახში ძალადობის გამოვლენის, ძალადობის პრევენციის და მსხვერპლთა დაცვის მიმართულებით განხორციელებული საქმიანობა.
აღინიშნა კოვიდ-19-ის პირობებში შექმნილი ახალი რეალობის საპასუხო ღონისძიებების საჭიროება, მათ შორის გენდერული ბიუჯეტირება, პროგრამების შეფასება.
ფონდი „სოხუმის“ მონიტორინგის ჯგუფის წევრებმა მონაწილეებს წარუდგინეს ჩატარებული კვლევები: პანდემიით გამოწვეული პრობლემები, ძალადობის მსხვერპლთა და რისკ-ჯგუფების მდგომარეობა კოვიდ-19-ის პირობებში, სხვადასხვა სტრუქტურისთვის შემუშავებული რეკომენდაციები.
შეხვედრაზე ხაზი გაუსვეს სამხარეო ადმინისტრაციის მნიშვნელოვან როლს გენდერული თანასწორობის პოლიტიკის კოორდინაციის კუთხით.
ფონდი „სოხუმის“ ინიციატივით Zoom-ის პლატფორმაზე მრგვალი მაგიდის ფორმატით შეხვედრა გაიმართა თემაზე „კონფლქიტების ადრეული გაფრთხილების სისტემის დანერგვა კოვიდ-19 პანდემიით გამოწვეულ კრიზისზე საპასუხოდ - სათემო ლიდერების როლი კრიზისზე რეაგირების პროცესში".
შეხვედრაში მონაწილეობდნენ დასავლეთ საქართველოს 11 მუნიციპალიტეტის (ქუთაისი, წყალტუბო, თერჯოლა, ხონი, სენაკი, ფოთი, ზუგდიდი, წალენჯიხა, ოზურგეთი, ლანჩხუთი, ქობულეთი) ადგილობრივი თვითმმართველობის წარმომადგენლები: ვიცემერები, ჯანდაცვისა და სოციალური სამსახურის და ადმინისტრაციული სამსახურების ხელმძღვანელები, გენდერული თანასწორობის საბჭოს წევრები, ასევე თემის ლიდერები, ფონდი „სოხუმის“ მოდერატორები.
- რა გამოწვევები შეიქმნა პანდემიის შედეგად, როგორ პასუხობს ადგილობრივი თვითმმართველობა, რეაგირების რა მექანიზმები არსებობს ადგილობრივ დონეზე და რამდენად იცნობენ მოქალაქეები ამ პროგრამებს - ფოკუსირება, ძირითადად, ამ საკითხებზე გაკეთდა. შეხვედრის დასაწყისში მონაწილეებმა მოისმინეს ინფორმაცია ფონდი „სოხუმის“ ჩატარებული კვლევის შედეგებზე და ტენდენციებზე. მუნიციპალიტეტებს შორის ინფორმაციის გაცვლამ საინტერესო გარემო შექმნა დებატებისთვის. გამოიკვეთა მოქალაქეთა ინფორმირების მიზნით სათემო ლიდერების გააქტიურების აუცილებლობა.
მრგვალი მაგიდა გაიმართა პროექტის „კონფლიქტების ადრეული გაფრთხილების სისტემა - თეორია და პრაქტიკა “ ფარგლებში და ამ აქტივობით მონაწილეთა ჯგუფი შეუერთდა კამპანიას „16 აქტიური დღე ქალთა მიმართ ძალადობის წინააღმდეგ“.
თერჯოლის მუნიციპალიტეტის საუშაო ჯგუფთან ჩატარებულ ონლაინ შეხვედრაზე სამოქალაქო საზოგადოების ორგანიზაციებმა საჯარო მმართველობის რეფორმის საგზაო რუკის მეორე მონიტორინგის პრეზენტაცია წარმოადგინეს.
შეხვედრაზე განიხილეს სამოქალაქო ბიუჯეტის და ანტიკორუფციული გეგმის საკითხები. სამოქალაქო ბიუჯეტზე მსჯელობაში აქტიური მონაწილეობა მიიღეს ფინანსური სამსახურის წარმომადგენლებმა.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ვანის პარტნიორ სამოქალაქო ორგანიზაციების წარმომადგენლებთან ჩატარდა ონლაინ შეხვედრა, სადაც განიხილეს ახალი ორგანიზაციების რეგისტრაციის საკითხი და კითხვარი, რომელიც დაინტერესებულმა ჯგუფებმა უნდა შეავსონ. მუნიციპალიტეტში მინიპროექტების ფარგლებში ჩამოყალიბდა ორი საინიციატივო ჯგუფი, რომელთა წევრებსაც აქვთ დარეგისტრირების და უფრო აქტიური მუშაობის სურვილი.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ბაღდათის სამუშაო ჯგუფის მეხუთე შეხვედრა გაიმართ ონლაინ რეჟიმში. განხილულ იქნა სამოქმედო გეგმა და გეგმის ფარგლებში განსახორციელებელი ღონისძებები. ჯგუფი შეიმუშავებს ეთიკის კოდექსს და შეხვედრაზე იმსჯელეს იმ ფორმატზე, თუ როგორ უნდა ჩართონ ამ პროცესში მერიის წარმომადგენლები. ასევე განიხილეს დამატებები, რომლებიც გეგმაში ადგილობრივ დონეზე საჯარო მმართველობის რეფორმის საგზაო რუკის განხორციელების მეორე მონიტორინგის შედეგად შემუშავებული რეკომენდაციების საფუძველზე შეიტანეს.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით