ევროკავშირმა წამოიწყო ახალი ციკლი პრიორიტეტების განახლებული სიით გლობალური მასშტაბითა და რეგიონალურ დონეზე. ასევე გადახედა აღმოსავლური პარტნიორობის 6 ქვეყნის როლს. ძირითად პრობლემებს წარმოადგენს: კორუფციის მაღალი დონე, კანონის უზენაესობის არარსებობა, ეკონომიკის ცუდი მდგომარეობა, უსაფრთხოებისა და გამჭვირვალობის საკითხები. ეს და მრავალი სხვა საკითხი იქნება განხილული აღმოსავლეთ პარტნიორობის სამოქალაქო საზოგადოების ფორუმის რიგით მე-11 ყოველწლიურ ასამბლეაზე. ფორუმს ესწრება ფონდი „სოხუმის“ თავმჯდომარე ალლა გამახარია. ფორუმი ტარდება ბრიუსელში (ბელგია) 4-დან 6 დეკემბრამდე.
22 ნოემბერს სახალხო დამცველის ქუთაისის ოფისში გაიმართა სამოქალაქო საზოგადოების ორგანიზაციების (სსო) ფორუმის პირველი შეხვედრა და ტრენინგი თემაზე „საჯარო მმართველობის რეფორმის საგზაო რუკა და საგზაო რუკის მონიტორინგში სამოქალაქო საზოგადოების ჩართვის შესაძლებლობები“, რომელშიც მონაწილეობდნენ ფორუმის წევრი 16 ორგანიზაციის წარმომადგენლები გურიიდან, იმერეთიდან და რაჭა-ლეჩხუმიდან.
სამოქალაქო საზოგადოების ორგანიზაციების ფორუმის 44 წევრმა მიიღო ინფორმაცია პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგისათვის“ მიზნებზე, ამოცანებსა და აქტივობებზე.
ფორუმის ყველა წევრი მზადაა, ითანამშრომლოს პროექტის ფარგლებში და თავისი წვლილი შეიტანოს საგზაო რუკის მონიტორინგში რეფორმის განხორციელების გაუმჯობესებისათვის ადგილობრივ დონეზე.
პროექტის დირექტორმა ალლა გამახარიამ შეაჯამა ფორუმის პირველი შეხვედრისა და ტრენინგის შედეგები: „დღეს საკმაოდ მნიშვნელოვანი პირველი ნაბიჯი გადაიდგა პროექტისთვის. ჩვენ აქ შევკრიბეთ სამოქალაქო საზოგადოების სხვადასხვა ორგანიზაცია პროექტის სამიზნე რეგიონებიდან. დღევანდელი მუშაობის მთავარ შედეგად შეიძლება მივიჩნიოთ ის, რომ ფორუმის წევრები ინფორმირებულები არიან, რამდენად მნიშვნელოვანია რეფორმა მათი მუშაობისთვის და საერთოდ საზოგადოებისთვის. ჩვენ მოუთმენლად ველოდებით ახალ ტრენინგებს და საპროექტო აქტივობებს ჩვენს სამიზნე რვა მუნიციპალიტეტში“.
პროექტი ხორციელდება ევროკავშირის მხარდაჭერით
ფონდმა „სოხუმმა“ ბაღდათის მუნიციპალიტეტის სამედიცინო სფეროს წარმომადგენლებთან საინფორმაციო შეხვედრა გამართა თემაზე „ქალთა მიმართ და ოჯახში ძალადობა - ექიმების როლი ძალადობის პრევენციასა და მსხვერპლთა დახმარების კუთხით“.
შეხვედრაზე მუნიციპალიტეტის ადმინისტრაციულ-ტერიტორიული ერთეულების ამბულატორიებში მომუშავე მედიკოსები ოჯახში ძალადობის პრევენციასა და მსხვერპლთა დახმარების შესახებ მათთვის საინტერესო ინფორმაციებს გაეცნენ.
როგორც აღინიშნა, არსებული საკანონმდებლო ბაზა ქალთა მიმართ/ოჯახში და ძალადობის აღმოფხვრის საქმებში ექიმებს გარკვეულ ვალდებულებებს აკისრებს. შეხვედრას მედიკოსებთან ერთად დაესწრნენ ადგილობრივი თვითმმართველობის წარმომადგენლები, რომლებიც ნათლად ხედავენ თავიანთ როლს ამ პროცესში.
დაიწყო საერთაშორისო კამპანია „16 აქტიური დღე ქალთა მიმართ ძალადობის წინააღმდეგ“.
წლევანდელი კამპანიის ლოზუნგია „შევაჩეროთ ძალადობა ქალთა მიმართ შრომის სამყაროში!“
ფონდ „სოხუმს“ კამპანიის კალენდარში 80-მდე ღონისძიება აქვს გაწერილი.
25 ნოემბერი - 10 დეკემბერი - „16 აქტიური დღე ქალთა მიმართ ძალადობის წინააღმდეგ“
ფონდი „სოხუმი“ წელსაც აქტიურად ერთვება საერთაშორისო საინფორმაციო კამპანიაში, რომლის ძირითადი ლოზუნგია „ბოლო მოვუღოთ ქალთა მიმართ ძალადობას“.
16 აქტიური დღის განმავლობაში გაიმართება შეხვედრები და მრგვალი მაგიდები სახელისუფლებო სტრუქტურებთან, საზოგადოების სხვადასხვა ჯგუფთან. მოეწყობა ფილმების ჩვენება და დისკუსიები, ფორუმ-თეატრის და ჩრდილების თეატრის წარმოდგენები, ნახატების გამოფენა და სხვა უამრავი აქტივობა.
წლევანდელი კამპანიის ლოზუნგია „შევაჩეროთ ძალადობა ქალთა მიმართ შრომის სამყაროში!“
ფონდ „სოხუმს“ კამპანიის კალენდარში 80-მდე ღონისძიება აქვს გაწერილი.
ფონდი „სოხუმის“ კონსულტანტმა ბენედიქტ ივანოვსმა თანამშრომლებისთვის ახალი პროექტის პრეზენტაცია გააკეთა. პროექტი ითვალისწინებს ხმის მიცემის პირველი ონლაინ-მრიცხველის შემოღებას საქართველოში 2020 წლის საპარლამენტო არჩევნებისთვის. შეხვედრის მონაწილეებმა მიიღეს დაწვრილებითი ინფორმაცია ხმის მიცემის ონლაინ მრიცხველის აპლიკაციის შესახებ.
30-ზე მეტი ადამიანი შეიკრიბა სამედიცინო კლინიკა „თერჯოლა მედიში“ - სხვადასხვა პროფილის ექიმები, ფსიქოლოგი, სოციალური მუშაკი, იურისტი, საკრებულოს წარმომადგენლები...
საინფორმაციო შეხვედრების ციკლის რიგით მესამე შეხვედრა თერჯოლაში გაიმართა თემაზე „ქალთა მიმართ და ოჯახში ძალადობა - ექიმების როლი ძალადობის პრევენციასა და მსხვერპლთა დახმარების კუთხით“.
ქალთა მიმართ/ოჯახში ძალადობის საკითხს არაერთგვაროვანი რეაქცია მოჰყვა, თუმცა მონაწილეები ერთხმად აღიარებენ, რომ პრობლემა აქტუალურია და სამედიცინო პერსონალსაც თავისი მისია გააჩნია მისი მოგვარების მხრივ. ისინი აღნიშნავენ, რომ სამედიცინო დაწესებულებებმა ადგილობრივ თვითმმართველობასთან და არასამთავრობო სექტორთან ერთად აქტიურად უნდა იმუშაოს არა მარტო ძალადობის იდენტიფიკაციის, არამედ პრევენციის მიზნითაც.
„ქალთა მიმართ და ოჯახში ძალადობა - ექიმების როლი ძალადობის პრევენციასა და მსხვერპლთა დახმარების კუთხით“ - ამ თემაზე გაიმართა საინფორმაციო შეხვედრა სამედიცინო პერსონალთან ხონის საკრებულოს სხდომათა დარბაზში. შეხვედრას ესწრებოდნენ: ოჯახის ექიმები, სასწრაფო დახმარების ექიმები, პოლიკლინიკისა და სოფლის ამბულატორიების მედპერსონალი, გენდერული თანასწორობის საბჭოს წევრები.
მთავარი აქცენტი გაკეთდა სამედიცინო პერსონალის როლზე ძალადობის მსხვერპლთა იდენტიფიკაციისა და მსხვერპლის დახმარების კუთხით, ექიმების ჩართვაზე ადგილობრივი ჯანდაცვის პროგრამების ფორმირების პროცესში. დაიგეგმა შეხვედრები სამედიცინო პერსონალთან, სადაც დეტალურად გაეცნობიან ჯანდაცვის ადგილობრივ პროგრამებს.
ფონდმა „სოხუმმა“ მეწარმე ქალთა ფონდთან და იმერეთის მეცნიერთა კავშირ „სპექტრთან“ პარტნიორობით დაიწყო მუშაობა პროექტზე „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“.
პროექტის ფარგლებში შეიქმნება სამოქალაქო საზოგადოების ფორუმი, რომელიც მონიტორინგს გაუწევს საჯარო მმართველობის რეფორმის განხორციელებას დასავლეთ საქართველოს რვა მუნიციპალიტეტში. მეწარმე ქალთა ფონდი იმუშავებს ამბროლაურსა და ცაგერში (რაჭა-ლეჩხუმი), „სპექტრი“ - ოზურგეთსა და ლანჩხუთში (გურია), ხოლო ფონდი „სოხუმისთვის“ საპროექტო არეალია იმერეთის ოთხი მუნიციპალიტეტი: ხონი, თერჯოლა, ვანი და ბაღდათი.
ოქტომბერში გაიმართა მოსამზადებელი სამუშაოები, გაცნობითი სახის შეხვედრები ყველა მუნიციპალიტეტის ადგილობრივი სამოქალაქო საზოგადოების ორგანიზაციების და საინიციატივო ჯგუფის წევრებთან, ადგილობრივი თვითმმართველობების წარმომადგენლებთან, მათ შორის გენდერულ საკითხებზე პასუხისმგებელ პირებთან.
შეხვედრებზე აღინიშნა, რომ ადგილებზე ყველანაირი მხარდაჭერა იქნება პროექტის განხორციელებისას, რადგან ეს მუშაობა მეტად მნიშვნელოვანი და საპასუხისმგებლოა.
15 ოქტომბერს გაიმართა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ პარტნიორების პირველი ოფიციალური შეხვედრა.
ფონდმა „სოხუმმა“ - წამყვანმა ორგანიზაციამ - პარტნიორებთან - მეწარმე ქალთა ფონდთან და იმერეთის მეცნიერთა კავშირ „სპექტრთან“ ერთად იმსჯელა პროექტის წლიურ გრაფიკზე და ხელი მოაწერა შეთანხმებას თანამშრომლობის შესახებ.
პროექტის ფარგლებში გათვალისწინებულია სამოქალაქო საზოგადოების ორგანიზაციების გაძლიერება დასავლეთ საქართველოს რვა მუნიციპალიტეტში (ხონი, ბაღდათი, თერჯოლა, ვანი, ამბროლაური, ცაგერი, ოზურგეთი, ლანჩხუთი). ეს ორგანიზაციები საერთო ფორუმში გაერთიანდებიან და ჩაერთვებიან სახელმწიფო მმართველობის რეფორმის განხორციელების მონიტორინგში რვავე სამიზნე მუნიციპალიტეტში.