ერთ-ერთი საკითხად გამოიყო საერთაშორისო საინფორმაციო კამპანია „16 აქტიური დღე ქალთა მიმართ ძალადობის წინააღმდეგ“. მონაწილეებმა ნახეს ელექტრონული პრეზენტაცია „კამპანიის გაკვეთილები“, სადაც წარმოდგენილი იყო ფონდი „სოხუმის“ აქტივობები კამპანიის ფარგლებში. და ტრენინგის ფინალურ ნაწილში, რა თქმა უნდა, შეხვედრების და სხვადასხვა აქტივობის ჩატარების ტექნიკასაც გაეცნენ.
მერე კი, 25 ნოემბერს დაიწყო კამპანია. 16 დღის მანძილზე სენაკში ჩატარდა აქციები, კინოჩვენებები, დისკუსიები, გამოფენები, საინფორმაციო შეხვედრები, პრეზენტაციები, პერფორმანსები...
მასწავლებლების საქმიანობა გასცდა სკოლის ფარგლებს, მოიცვა ვირტუალური სივრცე, საზოგადოების წევრები. მოსწავლეები გადიოდნენ ქუჩაში, მართავდნენ აქციებს, ატარებდნენ გამოკითხვებს.
კამპანიის შესახებ ინფორმაცია მივიდა 6000-მდე მოქალაქესთან.
„16 დღის განმავლობაში 26 სკოლა, ფონდ „სოხუმთან“ ერთად, მჭიდროდ თანამშრომლობდა სენაკის ქალთა მიმართ ძალადობის აღკვეთის უწყებათაშორისი კომისიასთან, ჯანმრთელობისა და სოციალური დაცვის სამსახურთან, ბავშვთა უფლებების დაცვისა და მხარდაჭერის განყოფილებასთან. სენაკის უწყებათაშორისი კომისიის მიერ ჩატარებული კამპანია ქალთა მიმართ ძალადობის პრევენციის კარგი მაგალითია. ვისურვებდი, ეს მუხტი გადაედოს სხვა მუნიციპალიტეტებსაც და აქტიურად დაინერგოს უწყებათაშორისი თანამშრომლობის პრაქტიკა“, – აღნიშნავს თეა გოლეთიანი (ქალთა ფონდი „სოხუმის“ მონიტორინგისა და ადვოკატორების ჯგუფის წევრი, სენაკის მუნიციპალიტეტის ქალთა მიმართ ძალადობის აღკვეთის უწყებათაშორისი კომისიის წევრი).
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
