- ერთ-ერთ მუნიციპალიტეტში, ქალთა მხარდაჭერის ცენტრის ჯგუფურ შეხვედრაზე შევხვდი ქალს, რომელმაც ორკვირიანი კურსი გაიარა ჩვენს სარეაბილიტაციო ცენტრში, - ამბობს მანანა გოცირიძე. - ის ახლა ბევრად უკეთესადაა ფინანსურადაც და ემოციურადაც. ცენტრში მოსვლისას მოწყენილი იყო, რცხვენოდა თავის პრობლემებზე ლაპარაკი. განსაკუთრებით ადარდებდა აგრესია ერთ-ერთი შვილის მხრიდან. ამ შეხვედრაზე კი სიამოვნებით ლაპარაკობდა თავის წარმატებაზე. მან შეხვედრის მონაწილეებს გაუზიარა თავისი განცდები. ის, რომ მუშაობა დაიწყო და კარგადაა. ის, რომ შვილს, რომელიც ადანაშაულებდა, ახლა განსაკუთრებით უყვარს. ამ სიკეთეში ქალთა ფონდ „სოხუმს“ ემადლიერებოდა და უკვე სხვებს სთავაზობდა დახმარებას.
დახმარება კი ნამდვილად სჭირდება ბევრ ქალს, რომელიც მოუთმენლად ელოდება ფსიქოლოგთან შეხვედრას, რადგან იცის, შეძლებს ემოციების მართვას, ისწავლის „დამიწების“ ტექნიკას. ფსიქოლოგი გაიგებს მის ტკივილს და ერთად მოაგვარებენ პრობლემებს. ისე, როგორც არაერთი პრობლემა მოგვარებულა...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)