ქუთაისის ლადო მესხიშვილის თეატრში სპექტაკლ „ლივ შტაინზე“ დასწრება გლობალური კამპანიის ერთ-ერთი შთამბეჭდავი აქტივობა გახდა ქალთა ფონდი „სოხუმის“ წარმომადგენლებისთვის. სპექტაკლის შემდეგ Art Cafe Martini-ს სპეციალურად მოწყობილ სივრცეში მთავარი როლის შემსრულებელ ენდი ძიძავასთან გაიმართა შეხვედრა.
მსახიობმა ენდი ძიძავამ, მისივე იუბილეზე ნათამაშები „ლივ შტაინი“ მიუძღვნა საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“, რომლის სლოგანია: „დაარღვიე დუმილი, აღკვეთე ძალადობა“.
დიალოგში „ჩაისთან ერთად“ ესწრებოდნენ მესხიშვილის თეატრის მსახიობები: ნინო ჭოლაძე, მაგდა გერაძე და ირინა გუბელაძე, ფონდი „სოხუმის“ თანამშრომლები და აქტივისტები სხვადასხვა მუნიციპალიტეტიდან.
ქალთა ფონდ „სოხუმის“ თავმჯდომარემ ალლა გამახარიამ დიდი მადლობა გადაუხადა მსახიობებს და ისაუბრა თეატრის მნიშვნელობაზე ფასეულობების პოპულარიზაციისთვის.
შეკრებილები სამომავლო ურთიერთობის სურვილით დაემშვიდობნენ ერთმანეთს.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
16-დღიანი საერთაშორისო კამპანიის ფარგლებში ზუგდიდის დევნილთა დასახლებებში (ლაღიძის და ბარამიას ქუჩებზე) ქალთა ფონდმა „სოხუმმა“ ექიმების ჯგუფი ჩაიყვანა. თერაპევტმა, გინეკოლოგმა და მამოლოგმა უფასო კონსულტაციები გაუწიეს ქალებს. აქციაში მონაწილეობა მიიღეს გამყოფი ხაზის სოფლებში მცხოვრებმა ქალებმაც.
შეკრებილებს დაურიგდათ საინფორმაციო ფურცლები, კალენდრები და ბროშურები „ოჯახში ძალადობის პრევენცია“. მათ ყურადღებით მოისმინეს ექიმებთა რჩევები, რომ საჭიროა ზრუნვა საკუთარ თავზე, რომ ძალადობის ფაქტების დამალვა უარყოფითად მოქმედებს ქალების ჯანმრთელობასა და ფსიქიკაზე.
სასიამოვნოა აქციაში ჩართული ქალების უკუკავშირი:
„ძალიან საჭირო აქციაა, მადლობა ორგანიზატორებს.“
„მოვედი პროფილაქტიკის მიზნით და მივიღე იმაზე მეტი მომსახურება, ვიდრე ველოდი.“
„ქუთაისში რომ ჩავსულიყავი, ფინანსურად ბევრი დამეხარჯებოდა, აქ კი სრულიად უფასოდ გამიწიეს დახმარება.“
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
16-დღიანი კამპანიის ფარგლებში ქალთა ფონდი „სოხუმის“ ფორუმ-თეატრის წარმოდგენები გაიმართა ხონში. გათამაშდა სცენები ძალადობის თემატიკაზე, რამაც აქტიური დისკუსია გამოიწვია. მაყურებლებზე იმოქმედა ნანახმა და დააფიქრა იმაზე, თუ რა იწვევს ძალადობას და როგორ შეიძლება მისი პრევენცია.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
ხონის დევნილთა დასახლებაში ძალადობის წინააღმდეგ მიმართული 16-დღიანი კამპანიის კვირეულში სამედიცინო აქცია ჩატარდა. ექიმები ქალებს ესაუბრნენ იმაზე, რომ ძალადობრივ გარემოში ცხოვრება იწვევს ჯანმრთელობის პრობლემებს. განსაკუთრებით გაესვა ხაზი რეპროდუქციულ ჯანმრთელობაზე ზრუნვის მნიშვნელობას.
აქციის ფარგლებში ქალებს უფასოდ ჩაუტარდათ ოჯახის ექიმის, მამოლოგის, გინეკოლოგის კონსულტაციები და სკრინინგი. მათ აღნიშნეს, რომ არ აქვთ შესაძლებლობა, ჯანმრთელობას ყურადღება დროულად მიაქციონ.
სამედიცინო აქციამ კიდევ ერთხელ დაგვანახა რეპროდუქციული კულტურის დანერგვის საჭიროება. ქალთა მობილიზაციაში მონაწილეობდნენ ადგილობრივი თვითმმართველობის წარმომადგენლები.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
ფონდი „სოხუმი“ განაგრძობს სამედიცინო აქციას ქალებისთვის. სახელმწიფო პროგრამის ფარგლებში კიბოს სკრინინგს ქალთა ჯანმრთელობის ცენტრი „ჰერა“ ახორციელებს. უფასო სკრინინგში შედის: ძუძუს კიბოს სკრინინგი 40-70 წლის ქალებისთვის და მამოგრაფიული გამოკვლევა.
ამჯერად აქცია წალენჯიხაში ჩატარდა. ქალებმა გაიარეს უფასო სამედიცინო კონსულტაციები და სკრინინგი.
გამოკვლევების მიმდინარეობას წალენჯიხის მუნიციპალიტეტის მერის მოადგილე თამარ ბელქანია აკვირდებოდა და კმაყოფილება გამოხატა ასეთი სასარგებლო აქციისთვის.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
ხშირად ქალებს საკუთარი ჯანმრთელობისთვის ყურადღების მისაქცევად არც ფინანსები რჩებათ და არც დრო, სწორედ ამიტომ ქალთა ფონდმა „სოხუმმა“ მასშტაბური სამედიცინო აქცია ჩაატარა კამპანიის „16 აქტიური დღე ქალთა მიმართ ძალადობის წინააღმდეგ“ ფარგლებში.
პირველი იყო წყალტუბო - დევნილმა ქალებმა უფასოდ მიიღეს ოჯახის ექიმის, მამოლოგის, გინეკოლოგის კონსულტაციები და ჩაუტარდათ სკრინინგი.
ექიმების ჯგუფი ქალებს ესაუბრა ძალადობის ნეგატიურ ზეგავლენაზე, რეპროდუქციული ჯანმრთელობის, ძუძუს კიბოს ადრეული დიაგნოსტიკის მნიშვნელობასა და სკრინინგ-პროგრამებზე.
სამედიცინო აქციამ დიდი დაინტერესება გამოიწვია დევნილთა თემში. ქალებმა კმაყოფილება და მადლიერება გამოხატეს.
აქციაში ჩართულნი იყვნენ მერიის, გენდერული საბჭოს და წყალტუბოში მომუშავე სამედიცინო ცენტრის წარმომადგენლები.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
ფორუმ-თეატრი აქტიურად ჩაერთო კამპანიაში „16 აქტიური დღე ქალთა მიმართ ძალადობის წინააღმდეგ“.
წყალტუბოში ჩატარდა ფორუმ-თეატრის წარმოდგენები, გათამაშდა მინი-სცენები ძალადობის სხვადასხვა ფორმის გამოვლინებით. მაყურებელი აქტიურად ჩაერთო თამაშში - მოხდა მსახიობების ჩანაცვლება დამსწრეების მხრიდან. დისკუსიაც საინტერესოდ გაიმართა.
საჭიროა საზოგადოების მეტი ინფორმირებულობა ძალადობის პრევენციის ხელშესაწყობად - ეს იყო ფორუმ-თეატრის მთავარი მესიჯი.
კამპანია ხორციელდება ევროკავშირისა და გაეროს განვითარების პროგრამის (UNDP) მხარდაჭერით, EU4Dialogue პროექტის ფარგლებში.
შერიგებისა და სამოქალაქო თანასწორობის საკითხებში სახელმწიფო მინისტრმა - თეა ახვლედიანმა, უწყების ინიციატივით დაარსებული „შერიგებისა და ჩართულობის პოლიტიკის საკითხებზე მომუშავე ექსპერტთა საკონსულტაციო საბჭოსა“ და ,,მშვიდობის მშენებლობის პროცესში ქალთა ეფექტიანი მონაწილეობის გაძლიერების საკითხებზე საკონსულტაციო პლატფორმის“ წევრებთან შეხვედრა გამართა. შეხვედრას ესწრებოდა ქალთა ფონდი „სოხუმის“ თბილისის ოფისის ხელმძღვანელი - ეკატერინე გამახარია.
საბჭოსა და პლატფორმის წევრებმა გააზიარეს მოსაზრებები იმ აუცილებელი ნაბიჯების შესახებ, რაც სამშვიდობო პოლიტიკის ეფექტიანობის გაძლიერებას მოემსახურება. ფონდი „სოხუმის“ წარმომადგენელმა ხაზი გაუსვა პლატფორმის ფარგლებში თემატური შეხვედრების გამართვის და მათი რაოდენობის გაზრდის აუცილებლობას, რაც საკითხებზე თვისებრივი და დროული განხილვის შესაძლებლობას მისცემდა მონაწილეებს. ასევე, აღნიშნა თემატურ შეხვედრებში სხვადასხვა დარგობრივი უწყების ჩართვის შესახებ, რაც სამოქალაქო სექტორის მიერ სამშვიდობო ინიციატივების ირგვლივ წამოჭრილ საკითხებზე და კონფლიქტით დაზარალებული ადამიანების ინტერესებსა და საჭიროებებზე სათანადო და დროული რეაგირების ხარისხს გაზრდიდა.
ქალებზე, მშვიდობასა და უსაფრთხოებაზე გაიმართა გაეროს ღია კარის დღე, რომელიც გაეროს სააგენტოების წარმომადგენლებსა და სამოქალაქო საზოგადოებას, დევნილ და კონფლიქტის შედეგად დაზარალებულ ქალებსა და ახალგაზრდებს შორის დიალოგის წარმართვასა და ადგილებზე არსებული საჭიროებების და გამოწვევების შესახებ ინფორმაციის გაცვლას ემსახურება.
შეხვედრაში ქალთა ფონდი „სოხუმი“ წარმოდგენილი იყო დევნილ და კონფლიქტით დაზარალებულ ლიდერ ქალებთან, რომლებთან ერთად, ქალების გაძლიერებასა და არსებული პრობლემების გადაწყვეტის პროცესში მათ აქტიურ ჩართვაზე წლებია, მუშაობს.
ამ მოწოდებით უერთდება ქალთა ფონდი „სოხუმი“ საერთაშორისო საინფორმაციო კამპანიას „16 აქტიური დღე ქალთა მიმართ ძალადობის წინააღმდეგ“.
კამპანია 25 ნოემბერს დაიწყო და 10 დეკემბერს დასრულდება.
ჩვენი ორგანიზაცია 21 წელია, კამპანიის აქტიური მონაწილეა.
ეს საინფორმაციო ფურცელი კამპანიისთვის მომზადდა და დიდი ტირაჟით დაიბეჭდა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)