შეხვედრები (646)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ფონდი „სოხუმის“ ორგანიზებით გაიმართა საინფორმაციო შეხვედრა ლანჩხუთის მუნიციპალიტეტის გენდერული თანასწორობის საბჭოსთან.
შეხვედრაზე იმსჯელეს ფონდი „სოხუმის“ მიერ შემუშავებულ ადგილობრივი გენდერული პოლიტიკის სტრატეგიულ გზამკვლევზე, კერძოდ: გენდერული მეინსტრიმინგის დანერგვა ადგილობრივ დონეზე, რა უნდა გაითვალისწინონ ამ მიმართულებით მომუშავე ადამიანებმა, რას ნიშნავს გენდერული აქცენტები ბიუჯეტში და ა.შ. განიხილეს აგრეთვე გენდერული თანასწორობის საბჭოს სამუშაო გეგმის პროექტი. გამოიკვეთა ის მიმართულებები, რაზეც საბჭომ უნდა იმუშაოს.
შეხვედრა ჩატარდა პროექტის „ვიშეგრადის გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
შესაძლებლობა - სამხრეთ კავკასიის და ცენტრალური აზიის სამოქალაქო საზოგადოების ორგანიზაციებმა იმუშაონ სამშვიდობო კუთხით, კონფლიქტების ტრანსფორმაციისა და სამშვიდობო განათლებისთვის, ითანამშრომლონ და ერთმანეთს გაუზიარონ მოწინავე პრაქტიკა, მიღებული გაკვეთილები როგორც ინტერნეტში, ასევე ავტონომიურ რეჟიმში. აგრეთვე განიხილონ სამოქალაქო საზოგადოებასთან დაკავშირებული ძირითადი საკითხები. ამ მიზნით 28-31 მაისს თბილისში ჩატარდა რეგიონული სამშვიდობო პლატფორმის მეორე შეხვედრა.
პლატფორმაში შევიდა ორი ორგანიზაცია სომხეთიდან, ორი - საქართველოდან და ერთი - ყირგიზეთიდან. შეხვედრაზე განიხილეს და მიიღეს თანამშრომლობის მემორანდუმი. შეხვედრაში მონაწილეობდნენ ფონდი „სოხუმის“ თავმჯდომარე ალლა გამახარია და ასისტენტი ლარისა შენგელია.
არასამთავრობო ორგანიზაციათა პარტნიორობა, ორგანიზებული ორგანიზაცია „ქალები განვითარებისათვის“ მიერ (სომხეთი) BfdW (გერმანია) მხარდაჭერით
ფონდი „სოხუმის“ ინიციატივით, ტყიბულის მუნიციპალიტეტში ჩატარდა შეხვედრა ადგილობრივი თვითმმართველობის პირველი პირების, საკრებულოსა და მერიის თანამშრომლების, სოციალური მომსახურების სააგენტოს ადგილობრივი სამსახურის, მუნიციპალიტეტის გენდერული თანასწორობის საბჭოს წევრების, ადგილობრივი არასამთავრობო ორგანიზაციების მონაწილეობით.
შეხვედრაზე მოხდა ფონდის მიერ შექმნილი ადგილობრივი გენდერული სტრატეგიის გზამკვლევის, მისი ზოგადი პრინციპების გაცნობა. გაიმართა საინტერესო დისკუსია მუნიციპალიტეტის გენდერულ პოლიტიკასა და პრაქტიკაზე, გამოცდილებასა და გამოწვევებზე. მონაწილეებმა ისაუბრეს საჭიროებებზე, რომლებიც იკვეთება სოციალური პოლიტიკის მეტი ეფექტურობის კუთხით.
როგორც გამოჩნდა, მუნიციპალიტეტს აქვს ძალიან კარგი პრაქტიკა ადგილობრივი მოწყვლადი ჯგუფებისთვის სოციალური სერვისების დანერგვის, ქალების, ახლგაზრდების, განსაკუთრებით ხანდაზმულების სოციალური ინტეგრაციის ხელშეწყობისთვის. ფონდი „სოხუმის“ წარმომადგენლების შეფასებით, გენდერულად მგრძნობიარე მიდგომების დანერგვა ადვილია იქ, სადაც არის სამართლიანი, მოწყვლად ჯგუფებზე ორიენტირებული სოციალური პრაქტიკა, რისი მაგალითიც ბლომად არის ტყიბულში - ორგანიზაცია PIN-ის სოციალური ჩართულობის პროექტის დამსახურებით, რომელსაც დახვდა შესაბამისი პოლიტიკური ნება ადგილობრივი თვითმმართველობისგან.
პროექტი ხორციელდება ვიშეგრადის ფონდის მხარდაჭერით
ფონდმა „სოხუმმა“ ზესტაფონის მუნიციპალიტეტში მრგვალი მაგიდის ფორმატში შეხვედრა გამართა. თემა - „გენდერული მიდგომების დანერგვა ადგილობრივ პოლიტიკაში (გენდერული მეინსტრიმინგი)“. ადგილობრივი მუნიციპალიტეტის წარმომადგენლების, სამოქალაქო ჯგუფების გარდა, შეხვედრას დაესწრნენ ხარაგაულის და ბაღდათის მუნიციპალიტეტების წარმომადგენლები.
შეხვედრაზე მოხდა ფონდის მიერ შექმნილი ადგილობრივი გენდერული სტრატეგიის გზამკვლევის პრინციპების და ოთხი ძირითადი მიმართულების გაცნობა: რა საკითხები უნდა აისახოს ადგილობრივ პოლიტიკურ სტრატეგიასა და სამოქმედო გეგმებში, ვინ შეიძლება იყვნენ გზამკვლევის მომხმარებლები.
მრგვალ მაგიდაზე გაიმართა საინტერესო დისკუსიები მუნიციპალიტეტების გენდერულ პოლიტიკასა და პრაქტიკაზე, გამოცდილებებსა და გამოწვევებზე. მონაწილეებმა ისაუბრეს საჭიროებებზე, რომელიც იკვეთება პერსონალის გენდერული განათლების, გენდერული ბიუჯეტირების, საჭიროებათა კვლევების მეთოდოლოგიის კუთხით და ხაზი გაუსვეს კვალიფიციურ არასამთავრობო სექტორთან თანამშრომლობის აუცილებლობას. გამოიკვეთა სამომავლო მუშაობის კონტურები. გაჟღერდა რეკომენდაციები, რომელთა გათვალისწინება მონაწილეთა აზრით, აუცილებლად აისახება ქალთა ახალგაზრდების, და სხვა ჯგუფების მდგომარეობაზე.
შეხვედრა გაიმართა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
27 მაისს ფონდ „სოხუმს“ ავსტრიის პროფკავშირების 18 წარმომადგენელი ესტუმრა. ისინი დიდი ინტერესით გაეცნენ 20-წლიანი ისტორიის მქონე ორგანიზაციის მუშაობის ძირითად მიმართულებებს. სტუმრებმა ისაუბრეს თავიანთ საქმიანობაზე, მიმდინარე პროექტებზე და გამოთქვეს მომავალი თანამშრომლობის სურვილი.
ადგილობრივი ხელისუფლების ჩართვა კანონის იმპლემენტაციაში: ძალადობის აღკვეთა, მსხვერპლის დახმარება, პრევენცია. „კანონის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ მონიტორიგის ფარგლებში ჩატარდა ფოკუს-ჯგუფები და ჩაღრმავებული ინტერვიუ წყალტუბოში, ხონსა და ქუთაისში. გამოვლინდა მუნიციპალიტეტების გენდერული თანასწორობის საბჭოების პოზიცია.
ამომწურავი თვისობრივი ინფორმაციის მიღების მიზნით ჩაღრმავებული ინტერვიუ გაიმართა საქართველოს რეგიონალური განვითარების და ინფრასტრუქტურის სამინისტროს ადგილობრივი თვითმართველობების ორგანოებთან ურთიერთობის დეპარტამენტის მრჩეველთან გენდერულ საკითხებში, რომელზეც დაფიქსირდა სამინისტროს პოლიტიკა ამ კუთხით.
შვედეთის ქალთა ორგანიზაციის Kvinna till Kvinna-ს მხარდაჭერით ფონდი „სოხუმი“ 2002 წლიდან მუშაობს. 2 მაისს ფონდ „სოხუმში“ საქმიანი ვიზიტით იმყოფებოდა Kvinna till Kvinna-ს საველე წარმომადგენელი საქართველოში ჯოანა არკასენი. შეხვედრას ესწრებოდნენ ორგანიზაციის ხელმძღვანელები, პროექტში ჩართული პირები.
შეხვედრის მონაწილეებმა მიმდინარე პროექტის დეტალებზე და მომავალი თანამშრომლობის გაფართოების პერსპექტივებზე ისაუბრეს.
11 მაისს თბილისში გაიმართა კონფერენცია „ვიშეგრადის „V4“ ქვეყნებისა და საქართველოს გამოცდილება ადგილობრივ დონეზე თანაბარი, ინკლუზიური და დემოკრატიული მმართველობისათვის“. კონფერენციის მუშაობაში მონაწილეობა მიიღეს საელჩოების, საერთაშორისო და ადგილობრივი არასამთავრობო ორგანიზაციების, სახელმწიფო სტრუქტურების და დასავლეთ საქართველოს 15 მუნიციპალიტეტის წარმომადგენლებმა. ექსპერტებმა პოლონეთიდან, უნგრეთიდან, ჩეხეთიდან, სლოვაკეთიდან და საქართველოდან წარმოადგინეს 8 პრეზენტაცია გადაწყვეტილების მიღების დონეზე საზოგადოების ჩართულობის, გენდერული მეინსტრიმინგის, მონაწილეობითი ბიუჯეტირების და სხვა აქტუალურ საკითხებზე.
მონაწილეებმა შეკითხვები დაუსვეს ექსპერტებს და მიიღეს პასუხები 5 ქვეყნის გამოცდილების გათვალისწინებით.
პროექტი ხორციელდება ვიშეგრადის ფონდის მხარდაჭერით
საერთაშორისო ორგანიზაცია „ფიფლ-ინ ნიდის“ (PIN) თაოსნობით თბილისში პროექტის „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ დასკვნითი კონფერენცია გაიმართა - სამიზნე ორგანიზაციების, მათ შორის ფონდი „სოხუმის“, ბენეფიციარების, საქართველოში აკრედიტებული საელჩოების, სამთავრობო სტრუქტურების მონაწილეობით.
ღონისძიება მოიცავდა სამიზნე მუნიციპალიტეტების წარმომადგენლების, პროექტის განმახორციელებელი გუნდის პრეზენტაციებს.
კონფერენციაზე პროექტის მნიშვნელობისა და შედეგების შესახებ ისაუბრა ხონის მუნიციპალიტეტის მერმა ლადო ჯურხაძემ, რომელმაც პოზიტიურად შეაფასა „ფიფლ ინ ნიდის“, ფონდი „სოხუმის“, ხონის მრჩეველთა საბჭოს წარმომადგენელთა ძალისხმევა და წარმოაჩინა ცვლილებები, რომლებიც ადგილობრივ სოციალურ პოლიტიკაში გამოჩნდა.
„ქალები განვითარებისათვის“ - ასე ჰქვია ფონდი „სოხუმის“ პარტნიორ ორგანიზაციას, რომელიც სომხეთის ქალაქ გიუმრიში მუშაობს.
30 აპრილს ორგანიზაციის წარმომადგენლები არმინე შიროიანი და არპინე ნიკოლიანი ქუთაისში ჩამოვიდნენ და შეხვდნენ ფონდი „სოხუმის“ თანამშრომლებს. ვიზიტის ნაწილი დაეთმო შეხვედრას ხონის ქალთა მხარდაჭერის ცენტრის მობილიზატორებთან და აქტივისტებთან. ბოლოს კი გაეცნენ ფორუმ-თეატრის წარმოდგენებს. სომეხი კოლეგების თქმით, ფონდი „სოხუმი“სხვადასხვა მეთოდებით საკმაოდ ეფექტურად მუშაობს ქალთა მიმართ ძალადობის პრევენციისთვის. მათ სურვილი აქვთ, სომხეთში მიიწვიონ ახალგაზრდა მსახიობები და თავიანთ ფორუმ-თეატრს შეახვედრონ, რადგან გამოცდილების გაზიარება მეტად მნიშვნელოვანია აგვნითარებისა და უკეთესი შედეგებისთვის.