შეხვედრები (646)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ფოთის ქალთა მხარდაჭერის ცენტრის პროექტის „ძალადობის პრევენცია ჯანსაღი ცხოვრების წესის პოპულარიზებით“ ფარგლებში ჩატარდა სპორტული ღონისძიება სლოგანით „ჯანსაღი ცხოვრების წესი - ძალადობის წინააღმდეგ!“
1-ლი დღე მიეძღვნა შმმ პირთა შორის შეჯიბრებას შაშში, ნარდსა და ჭადრაკში.
11 ივლისს ჩატარდა შეჯიბრება ხელბურთში, ჭიდაობაში.
ღონისძიებები ჩატარდა ქალაქ ფოთის მერიის ახალგაზრდული სამსახურის მხარდაჭერით და მათი თანადგომით. მოწვეულნი იყვნენ დევნილი და ადგილობრივი ახალგაზრდები, ქალაქ ფოთის მერიის წარმომადგენლები.
ყველა მონაწილეს გადაეცა მაისური, სერტიფიკატი, გამარჯვებულებს - დიპლომები.
10 დეკემბერი ადამიანის უფლებათა საერთაშორისო დღეა. ამ დღეს სრულდება კამპანია „16 აქტიური დღე ქალთა მიმართ ძალადობის წინააღმდეგ“. სწორედ ამ თარიღს დაუკავშირა ფოთის ქალთა მხარდაჭერის ცენტრმა თავისი მინი-პროექტი „ჯანსაღი ცხოვრება - არაძალადობრივი საზოგადოებისათვის“.
ცენტრის აქტივისტებმა ჩაატარეს მოსამზადებელი მუშაობა, დაბეჭდეს პოსტერი-კალენდარი მოწოდებით „გავერთიანდეთ ქალთა მიმართ ძალადობის წინააღმდეგ!“. პოსტერის ფოტოზე არის ქალაქ ფოთის ჭიდაობის სკოლის თავისუფალი სტილის მოჭიდავეთა გუნდი „ფალავანი“.
ქალთა მხარდაჭერის ცენტრმა 10 დეკემბერს ორგანიზება გაუკეთა შეჯიბრებას ჭიდაობაში. ეს იყო პროექტის ფინალური ღონისძიება - საინტერესო, შთამბეჭდავი და საკმაოდ ეფექტური. დარიგდა საინფორმაციო მასალები - ყველამ გაიგო 16-დღიანი კამპანიის შესახებ და იმაზე, რომ შეუძლიათ და უნდა შეიტანონ წვლილი ძალადობის პრევენციის პროცესში.
11 სექტემბერს ფონდ „სოხუმს“ ესტუმრნენ საერთაშორისო ორგანიზაცია International Alert-ის ევრაზიის პროგრამების მენეჯერი სოფია პაგსლი და თანამშრომელი კამილ მარკეტი. ამ ორგანიზაციის მხარდაჭერით ფონდ „სოხუმს“ არაერთი საინტერესო პროექტი აქვს განხორციელებული. სტუმრები გაეცნენ ჩვენი ორგანიზაციის მიმართულებებს, სამშვიდობო საქმიანობას, სამომავლო გეგმებს.
ქუთაისის გენდერული საკონსულტაციო საბჭოს პროექტის ფარგლებში ქუთაისის უნივერსიტეტში გაიმართა სტუდენტური კონფერენცია თემაზე: „საზოგადოების სხვადასხვა სეგმენტი გენდერულ პრიზმაში - სტუდენტური მიდგომები, პრობლემების მოგვარების ეფექტური მექანიზმები“.
მოხსენებებში სტუდენტებმა სხვადასხვა მიმართულებით არსებულ გენდერულ დისკრიმინაციაზე გააკეთეს აქცენტი: ქვოტების სისტემა, საპენსიო ასაკი, დისბალანსი ქართულ პოლიტიკაში. კონფერენციაზე მოწვეულნი იყვნენ ადგილობრივი ხელისუფლების წარმომადგენლები, გენდერული საკონსულტაციო საბჭოს წევრები, უნივერსიტეტის ლექტორები...
კონფერენცია დისკუსიით გაგრძელდა. მონაწილეთა აზრით, გენდერული თემით სტუდენტების დაინტერესება მნიშვნელოვანია, რათა ის საკითხები, რომლებიც დღეს ასე მწვავედ დგას ჩვენს საზოგადოებაში, ახალგაზრდებისთვის პრიორიტეტული იყოს.
ქუთაისის გენდერული საკონსულტაციო საბჭოს მორიგ სხდომაზე მონაწილეებმა მოკლე ანგარიშები წარმოადგინეს სხვადასხვა სამიზნე ჯგუფთან ჩატარებულ კვლევებთან დაკავშირებით. ადგილობრივი გენდერული საჭიროებები და საზოგადოების სხვადასხვა ჯგუფის რეკომენდაციები - ამ კითხვებზე პასუხი კვლევის შედეგების ანალიზის შემდეგ გახდება ცნობილი.
შეხვედრაზე საბჭოს წევრებმა მოისმინეს ინფორმაცია მიმდინარე პროექტის ფარგლებში სტუდენტების ჯგუფთან გამართულ ტრენინგზე. საბჭოს მუშაობის გაცნობის მიზნით სხდომას პროექტში ჩართული სტუდენტებიც დაესწრნენ.
დღის წესრიგის მიხედვით, საბჭოს წევრებმა სხდომის დასასრულს დააფიქსირეს ახალი პროექტის იდეები, რომელთა ირგვლივ მუშაობა საინიციატივო ჯგუფში გაგრძელდება.
ფონდი „სოხუმის“ და ადგილობრივი თვითმმართველობის მხარდაჭერით სენაკში აღინიშნა 6 აპრილი - სპორტის საერთაშორისო დღე განვითარებისა და მშვიდობისათვის. ღონისძიებაში აქტიურად ჩაერთნენ ფონდი „სოხუმის“ სენაკის გენდერული საკონსულტაციო საბჭო, სენაკის ქალთა მხარდაჭერის ცენტრი და ახალგაზრდული კლუბი.
ქუთაისის ქალთა საინიციატივო ჯგუფმა გენდერული საბჭოს პროექტის ფარგლებში შექმნილი თოჯინების ჩრდილების სპექტაკლ „პირიმზეს“ ჩვენება მოაწყო საბავშვო ბაღ „ვარსკვლავებში“. სცენარი მეგობრობის, სიყვარულის, სიკეთის, თანასწორობის პროპაგანდას ემსახურება. მთავარი გმირი „პირიმზე“ამსხვრევს საზოგადოებრივ სტერეოტიპებს. სპეკტაკლი მოზარდებში სწორი გენდერული აზროვნების ჩამოყალიბებას ისახავს მიზნად. მისი ჩვენება 16-დღიან კამპანიას მიეძღვნა.
სოციალური მომსახურების სააგენტოს ხონის წარმომადგენლობაში ჩატარდა შეხვედრა თემაზე „დევნილთა რეფორმა“. მონაწილეებმა განიხილეს დევნილთა რეფორმის ფარგლებში განხილული სხვადასხვა ვერსია და საკუთარი პოზიციები დააფიქსირეს.
(PIN-ის პროექტი „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ -დაფინანსებულია ევროკავშირის და ჩეხეთის საგარეო საქმეთა სამინისტროს მიერ).
პროექტი ხორციელდება ჩეხური ორგანიზაცია „ადამიანი გაჭირვებაში“ PIN მხარდაჭერით
სოფლად მცხოვრებ ქალთა საერთაშორისო დღეს, 17 ოქტომბერს სოფელ კოკში (ზუგდიდის მუნიციპალიტეტი) ხურჩა/კოკის ქალთა მხარდაჭერის ცენტრმა გამართა შეხვედრა სოფლად მცხოვრებ ქალბატონებთან. შეხვედრის დროს ისაუბრეს სოფელში არსებულ სიტუაციაზე, ქალთა პრობლემებზე, ქალთა მხარდაჭერის ცენტრის მუშაობაზე.
შეხვედრაზე მიწვეული იყო სპეციალისტი ქუთაისიდან - გინეკოლოგ-რეპროდუქტოლოგი ლორიტა მიქავა. მან მონაწილეებს მიაწოდა ინფორმაცია სხვადასხვა ასაკის ქალთა პრობლემებზე და დაავადებებზე, ყოველწლიური გამოკვლევის მნიშვნელობაზე, არსებულ უფასო კვლევებზე.
მონაწილეებს საშუალება ჰქონდათ, ინდივიდუალურად გასაუბრებოდნენ სპეციალისტს და მიეღოთ რჩევები.