„ქალები, მშვიდობა, უსაფრთხოება, გაეროს რეზოლუცია 1325-ის სამოქმედო გეგმის ადგილობრივ დონეზე განხორციელების ხელშეწყობა“ - ქალთა ფონდმა „სოხუმმა“ ამ თემაზე გამართა სამოქალაქო ფორუმი ქუთაისში, სასტუმრო „ბაგრატში“.
ფორუმში მონაწილეობდნენ ქუთაისის, წყალტუბოს, ხონის, სენაკის და ზუგდიდის მუნიციპალიტეტების საკანონმდებლო და აღმასრულებელი სტრუქტურების წარმომადგენლები, ქალთა სამუშაო ჯგუფების წევრები.
მონაწილეები გაეცნენ იგპ და კონფლიქტით დაზარალებულ თემებში საჭიროებათა შეფასების მიზნით ჩატარებული კვლევის შედეგებს და რეზოლუცია 1325-ის სამოქმედო გეგმის ლოკალიზაციის პროცესის დინამიკას ხუთივე მუნიციპალიტეტის მაგალითზე. მათ მიეწოდათ ინფორმაცია დევნილ ქალთა სამუშაო ჯგუფების წარმატებულ ადვოკატირებაზე. ასევე მოისმინეს რეზოლუცია 1325-ის ეროვნული სამოქმედო გეგმის შესახებ.
ფორუმის მეორე ნაწილში, ჯგუფური მუშაობის დროს განისაზღვრა გაეროს რეზოლუცია 1325-ის სამოქმედო გეგმის ლოკალიზაციის სამომავლო პერსპექტივები ცალკეულ მუნიციპალიტეტებში.
ფორუმის დასასრულს ხუთივე მუნიციპალიტეტის წარმომადგენლებს გადაეცათ მადლობის სიგელი აქტიური თანამშრომლობისათვის.
პროექტი ხორციელდება
გაეროს ქალთა ორგანიზაციის მხარდაჭერით
ქალთა ფონდმა „სოხუმმა“ მონაწილეობა მიიღო უკრაინის მთავრობისა და გაეროს ქალთა ორგანიზაციის მიერ ორგანიზებულ 2023 წლის ქალთა სტატუსის კომისიის (CSW) 67-ე სესიის მოსამზადებელ კონსულტაციაში თემაზე: „ინოვაცია, ტექნოლოგიური ცვლილებები და განათლება ციფრულ ეპოქაში გენდერული თანასწორობის მისაღწევად და ქალებისა და გოგოების გასაძლიერებლად“.
კონსულტაციებში მონაწილეობდნენ შესაბამისი სახელმწიფო უწყებები, საერთაშორისო ორგანიზაციები და ქალთა არასამთავრობო ორგანიზაციები. შეხვედრის დროს ხაზი გაესვა ომის გენდერულ შედეგებს ქალებსა და გოგონებზე, როგორც უკრაინის შიგნით, ისე მის ფარგლებს გარეთ, ასევე მათ წამყვან როლს ცვლილებების განხორციელების პროცესში.
პანელური დისკუსიების დროს განხილულ იქნა, თუ რა როლს ასრულებენ ტექნოლოგიები და ციფრული გადაწყვეტილებები ომით დაზარალებული ქალების სოციალურ-ეკონომიკური საჭიროებების დაკმაყოფილებაში მთელს რეგიონში და რამდენად შეუძლია ტექნოლოგიებს და ციფრულ ეკონომიკას გენდერულად ორიენტირებული აღდგენის და განვითარების ხელშეწყობა და არსებული გენდერული ციფრული ხარვეზების შემცირება.
ქსელმა WAVE-მა, OSCE-ის ევროპაში უსაფრთხოებისა და თანამშრომლობის ორგანიზაციის მხარდაჭერით, თავის ოთხ წევრთან (სექსუალური ძალადობის კრიზისული ცენტრი (ერევანი, სომხეთი), ქალთა ფონდი „სოხუმი“ (ქუთაისი და თბილისი, საქართველო), ფონდი „გაერთიანებული ქალები ბანია ლუკა“ (ბანია ლუკა, ბოსნია-ჰერცოგოვინა) და ცენტრი „ქალთა პერსპექტივები“ (ლვოვი, უკრაინა), თანამშრომლობით შეიმუშავა პრაქტიკული სახელმძღვანელო.
სახელმძღვანელო ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა სამოქალაქო საზოგადოების ორგანიზაციების (სსო) სპეციფიკურ ცოდნასა და გამოცდილებას. ის ასახავს არა მარტო კონფლიქტების შედეგად წარმოქმნილ ზიანსა და გამოწვევებს, არამედ წარმოუდგენს მკითხველს პერსპექტიულ პრაქტიკულ გამოცდილებას, კონკრეტული მაგალითებითა და რეკომენდაციებით.
ბათუმში გაიმართა ტრენინგი ორგანიზაციული განვითარების მიზნით. ტრენინგზე განხილული იყო შემდეგი თემები: როგორი სქემითაა ორგანიზაციაში როლები, ავტორიტეტები და პასუხისმგებლობები, როგორ განისაზღვრება მენეჯმენტის განსხვავებულ დონეებს შორის ინფორმაციის გაცვლის წესი, როგორია დასაქმებულთა ოპტიმალური რაოდენობა, რა უნარ-ჩვევებია საჭირო თანამშრომელთათვის და როგორ შეიძლება გავზარდოთ ფონდის საქმიანობის შედეგები.
პროექტი ხორციელდება გენდერული თანასწორობის ფონდის მხარდაჭერით (კანადა)
ქალთა ფონდი „სოხუმის“ კოორდინაციით ქუთაისში, ლადო მესხიშვილის სახელობის სახელმწიფო თეატრის წინ გაიმართა ქალთა სოლიდარობის აქცია და ორგანიზაცია ასე შეუერთდა ქალთა მოძრაობის მარშს საქართველოში „ქალები ტოტალური კონტროლის წინააღმდეგ!“.
აქციის მონაწილეები იყვნენ ორგანიზაციის აქტივისტი ქალები, ბენეფიციარები დასავლეთ საქართველოს ოთხი რეგიონიდან, ადგილობრივი სამოქალაქო საზოგადოების ორგანიზაციები და თავისუფალი მოქალაქეები.
აქციის მონაწილეებმა თვალსაჩინო გახადეს საერთო პოზიცია საქართველოს ევროატლანტიკური მომავლის მიმართ, რაც გაცხადებულია საქართველოს კონსტიტუციაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ჩოხატაურის მერიაში მრგვალ მაგიდას ესწრებოდნენ მერიის ხელმძღვანელი პირები, სამართალდამცავები, საგანმანათლებლო სექტორის და სხვადასხვა უწყების წარმომადგენლები, რომლებიც მუშაობენ ოჯახში, ბავშვთა მიმართ და ქალთა მიმართ ძალადობის საკითხებზე და არიან ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისიის წევრები.
შეხვედრის მონაწილეებმა ისაუბრეს ფემიციდის ფაქტებზე, ოჯახში ძალადობის პრობლემაზე და ადგილობრივ სტრუქტურებთან თანამშრომლობის მნიშვნელობაზე.
ყურადღება გამახვილდა რეფერირების გზებზე, უწყებებს შორის თანამშრომლობასა და კოორდინაციაზე, რაც ხელს შეუწყობს ძალადობის პრევენციას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ჩვენი ორგანიზაცია წლების განმავლობაში თანამშრომლობდა ხობის მუნიციპალიტეტთან. მუშაობა ისევ განახლდება. სწორედ ამას ემსახურებოდა ეს შეხვედრა.
ფონდი „სოხუმის“ წარმომადგენლები თეა გოლეთიანი და ხათუნა გოგუა შეხვდნენ ხობის საკრებულოს თავმჯდომარეს ლევან ქავთარაძეს, მერის მოადგილეს დავით ბერაიას, საკრებულოსა და მერიის გენდერული თანასწორობის სპეციალისტებს.
საინფორმაციო შეხვედრის მიზანი იყო თანამშრომლობა მუნიციპალიტეტსა და ქალთა ფონდს შორის ქალთა უფლებების გაძლიერებისა და გენდერული თანასწორობის ხელშეწყობის კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წყალტუბოს ქალთა საინიციატივო ჯგუფი დევნილთა სოციალური პროფილის გაუმჯობესებაზე ზრუნავს - კერძოდ, მოხდა რამდენიმე პრობლემის ადვოკატირება და მოგვარდა კიდეც თვითმმართველობის ჩართულობით.
ქალთა საინიციატივო ჯგუფი ასევე აქტიურად მუშაობს იმ პრობლემების ადვოკატირებაზე, რომლებიც ჯერაც მოსაგვარებელია.
პროექტი ხორციელდება
გაეროს ქალთა ორგანიზაციის მხარდაჭერით
ხონის ქალთა საინიციატივო ჯგუფი აქტიურად მუშაობს დევნილი თემის პირობების გაუმჯობესებისთვის. ჯგუფის წევრებმა ადვოკატირება გაუწიეს რამდენიმე ინფრასტრუქტურულ საკითხს. ასევე თვალს ადევნებენ იმ პრობლემების ადვოკატირებას, რომლებიც ჯერ კიდევ არ არის მოგვარებული.
თებერვალში ჯგუფს აქტიური კომუნიკაცია ჰქონდა დევნილ მოსახლეობასთან, რათა კიდევ გამოკვეთონ საჭიროებები და დაიწყონ მათი ადვოკატირება.
პროექტი ხორციელდება
გაეროს ქალთა ორგანიზაციის მხარდაჭერით
ხონის ცენტრალური ბიბლიოთეკის სამკითხველო დარბაზში ტრენინგი ჩატარდა თემაზე ,, ქალები და ახალგაზრდები სამშვიდობო მოძრაობაში: გაეროს რეზოლუცია 1325 და 2250 იმპლემენტაციის ხელშეწყობა“.
ღონისძიებას ქალთა საინიციატივო ჯგუფის წევრები და ადგილობრივი ხელისუფლების წარმომადგენლები დაესწრნენ.
მონაწილეებს სპეციალური სერტიფიკატები გადაეცათ.
ასევე, ხონის ქალთა საინიციატივო მეორე ჯგუფის წევრები თვისებრივ კვლევას შეუდგენენ.
ამჯერად ისინი "მოსახლეობის ადამიანური უსაფრთხოების ხარისხის და გენდერული საჭიროებების შეფასებაზე"მუშაობენ .
მონაწილეებს ინფორმაცია კვლევის ჩატარების მეთოდებსა და უნარებზე მიეწოდათ,
შეირჩნენ რესპონდენტები და სამიზნე ბენეფიციარები.
აქტიური განხილვა მოჰყვა სცენებს, რომელიც ფონდი "სოხუმის" ფორუმ თეატრის წარმომადგენლებმა ხონის ახალგაზრდული კლუბის წევრებს წარუდგინეს.
ისინი მზად არის მოიფიქრონ სცენარი და რეჟისორის დახმარებით სკოლაში ფორუმ თეატრი ჩამოაყალიბონ.
შეხვედრას სკოლის დირექტორი და პედაგოგები ესწრებოდნენ.