„მე-6 კლასში ვიყავი, დედა საბერძნეთში რომ წავიდა, ახლა თექვსმეტის ვარ, მაგრამ მაშინდელი ემოციები მაინც მახსოვს. შინაგანი კონფლიქტი ყოველთვის მქონდა, ამ თემაზე არავისთან ვსაუბრობდი“.
„დედა თურქეთში დადის სამუშაოდ, პირველად მე მითხრა, უნდა წავიდე, სხვა გამოსავალი არ გვაქვსო. დავეთანხმე. მაგრამ მისი წასვლის მერე ოჯახში ყველაფერი შეიცვალა, არაფერი მაკლია მაგრამ თითქოს სიმშვიდე დამეკარგა, სულ გაღიზიანებული ვარ“.
ასეთი რეალური ისტორიების განხილვით მიმდინარეობდა დისკუსიები ახალგაზრდებთან თემაზე „ქალთა მიგრაცია - კავშირი ოჯახურ კონფლიქტებთან“. მონაწილეების აზრით, მიგრაცია ხშირად ქმნის ფონს სხვადასხვა ტიპის კონფლიქტის განვითარებისათვის, ამიტომ ამ საკითხებზე მსჯელობა და გამოსავალზე ფიქრი მნიშვნელოვანია.
ვორკშოპები გაიმართა თერჯოლაში, ფოთსა და ლანჩხუთში.