იურისტის შეხვედრები ივნისში კომბინირებული ფორმატით გაიმართა - იყო დისტანციური, ონლაინ კონსულტაციებიც და უშუალო შეხვედრებიც რეგიონებში, სხვადასხვა ჯგუფთან. ბენეფიციარების საჭიროებების მიხედვით შეხვედრების ორგანიზება გააკეთეს ხონის, სენაკის, ფახულანის (წალენჯიხის მუნიციპალიტეტი), წყალტუბოს, ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრების მობილიზატორებმა.
პირველად გაიმართა იურისტის შეხვედრა ქობულეთში, რადგან აქ ახლა გაიხსნა ქალთა მხარდაჭერის ცენტრი და დაიწყო პირველი აქტივობები.
იურისტმა უპასუხა შეხვედრების მონაწილეთა შეკითხვებს, ასევე გასცა ინდივიდუალური რჩევები.
პროექტი ხორციელდება ორგანიზაცია Brot für die Welt - Evangelischer
Entwicklunsdienst მხარდაჭერით (გერმანია)