Kvinna till Kvinna-ს კოორდინატორი საქართველოში ეთუნა ნოღაიდელი, საერთაშორისო ექსპერტი ფელიპე დაზა და ფონდი „სოხუმის“ წარმომადგენლები კონფლიქტისპირა სოფლებში - ხურჩასა (ზუგდიდის მუნიციპალიტეტი) და ფახულანში (წალენჯიხის მუნიციპალიტეტი) ჩავიდნენ.
- როგორ მუშაობენ საველე მონიტორები კონფლიქტის გამყოფ ხაზთან, რა სირთულეებია, როგორ ხდება ბენეფიციართა შერჩევა, მონაცემთა შეგროვების პროცესში რამდენად არის დაცული რესპონდენტთა კონფიდენციალობა, როგორ ხდება ინფორმაციის გაგზავნა - შეხვედრებზე, ძირითადად, ამ საკითხებზე გაკეთდა ფოკუსირება.
სტუმრებმა ფახულანში მოქმედი გამშვები პუნქტი და ხურჩაში უკვე გაუქმებული პუნქტის ახლომდებარე ტერიტორიებიც დაათვალიერეს. მიღებული ინფორმაციები ორგანიზაციის ანგარიშებში ჰპოვებს ასახვას.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)