ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
2, 3 და 8 დეკემბერს ფსიქოლოგის კონსულტაციები ჩატარდა ფოთის, წყალტუბოს და ხონის ქალთა მხარდაჭერის ცენტრებში.
ფოთსა და წყალტუბოში ჯგუფური შეხვედრის თემა იყო „გენდერული თანასწორობა - ქართველი ქალის კულტი“.
შეხვედრის ბოლოს გაიმართა დისკუსია, თუ როგორ უნდა მოხდეს აბსტრაქტული და „დამახინჯებული“ სტერეოტიპების ცვლილება და ქალთა ცნობიერების ამაღლება გენდერულ საკითხებში.
ხონში ჩატარდა ინდივიდუალური შეხვედრები ახალგაზრდა ქალბატონთან და მის ვაჟთან - პოსტ ტრავმულ სინდრომზე სამუშაოდ.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ხონის ქალთა მხარდაჭერის ცენტრში გაიმართა იურისტის შეხვედრა ადგილობრივ და დევნილ ქალებთან. მათ მიეწოდა ინფორმაცია ძალადობის წინააღმდეგ მიმდინარე 16-დღიანი კამპანიის შესახებ. ბენეფიციარების კითხვები ეხებოდა დამცავ მექანიზმებს და პრევენციულ ღონისძიებებს.
იყო ინდივიდუალური კონსულტაცია უძრავი ქონების კანონიერ შესყიდვასთან და განქორწინების შემდეგ ქონების გაყოფასთან დაკავშირებით.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
სენაკის, ხურჩის და ქუთაისის ქალთა მხარდაჭერის ცენტრებში გაიმართა 3 ჯგუფური და 2 ინდივიდუალური შეხვედრა ფსიქოლოგთან. დამსწრეთა რაოდენობა იყო 34 ქალბატონი 22-დან 64 წლამდე.
საუბრის თემა: როგორ შევქმნათ თბილი საოჯახო მიკროკლიმატი, რა უწყობს ხელს ძალადობის პრევენციას.
ოჯახური ცხოვრება - ეს არის სექსუალური, ინტიმურ-ფსიქოლოგიური და სამეურნეო-ყოფითი სიახლოვე. ამიტომ ამ ურთიერთობაში შესვლამდე უნდა გაირკვეს ბევრი საკითხი - ტემპერამენტული შეთავსება, როლები ოჯახში, ცხოვრებისეული მიზნები და ფასეულობები და ისე დაადგეთ თქვენი ოჯახის ჩამოყალიბების ახალ გზას.
იურისტებმა განიხილეს კანონი ოჯახში ძალადობის წინააღმდეგ, დამცავი და შემაკავებელი ორდერი და მოქმედების მექანიზმები, აგრეთვე სავარაუდო ცვლილებები კანონში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქალთა მიმართ ძალადობის წინააღმდეგ 16-დღიანი კამპანიის ფარგლებში ქუთაისის ქალთა მხარდაჭერის ცენტრში გაიმართა შეხვედრა პრობაციონერ ქალებთან. იურისტმა გააცნო მათ კანონი ოჯახში ძალადობის წინააღმდეგ და ახალი შესწორებები. ფსიქოლოგმა ისაუბრა სტრესსა და ტრავმაზე, რა პრობლემებითაც მიმართავენ მას ქალები. თბილმა გარემომ გულახდილობისკენ უბიძგა ქალებს და თავიანთი პირადი პრობლემები გაანდეს ერთმანეთს. მათ მიიღეს რეკომენდაციები, ბროშურები რჩევებით, საინფორმაციო ფურცლები, კალენდრები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ნოემბერში იურისტმა ჩაატარა შეხვედრა ოზურგეთის დუმბაძის ქუჩის მცხოვრებლებთან. მათ 3 პრობლემა გამოყვეს: არ არის საკანალიზაციო სისტემა; ქუჩის დასაწყისი და ბოლო ახალი ასფალტის საფარითაა დაფარული, ხოლო შუა ნაწილი, დაახლოებით 200 მეტრი სიგრძის მონაკვეთი ამორტიზირებულია; ქუჩას არ აქვს შესაბამისი სიღრმისა და სიგანის სანიაღვრე არხები, ამის გამო საშუალო დონის წვიმის დროს წყალი ქუჩაზე გადმოდის.
შემუშავდა განცხადება ქ. ოზურგეთის მერიის სახელზე, რაც შეხვედრაზე დასმული პრობლემატური საკითხების მოგვარებისკენაა მიმართული.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ხურჩის (ზუგდიდის მუნიციპალიტეტი) ქალთა მხარდაჭერის ცენტრში გაიმართა ჯგუფური ფსიქოლოგიური კონსულტაცია. ესწრებოდა 13 ქალბატონი (5 ადგილობრივი და 8 დევნილი). თემა - აგრესია, მისი ფორმები, სახეები და მიზეზები. ითქვა, რომ აგრესიის შემცირება ხელს უწყობს ოჯახში ძალადობის პრევენციას. შეკრებილმა ქალბატონებმა აღნიშნეს, რომ დღემდე ომის საფრთხე აქვთ და „აგრესია“ მათთვის ყველაზე საშიში სიტყვაა
ქალთა მხარდაჭერის ცენტრის იურისტმა ქალებთან განქორწინებისა და ალიმენტის დანიშვნაზე ისაუბრა. მათ ჰქონდათ ინდივიდუალური შეკითხვები და იურისტისგან კომპეტენტური პასუხები მიიღეს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქუთაისის ქალთა მხარდაჭერის ცენტრში გაიმართა ფსიქოლოგიური და იურიდიული კონსულტაციები. პირველად მიიღო მონაწილეობა ოთხმა ქალბატონმა და ერთმა მამაკაცმა. ფსიქოლოგიური საუბრის თემა იყო აგრესია, მისი ფორმები, სახეები, მიზეზები და გამოვლინება. აღინიშნა, რომ აგრესია ხელს უწყობს ოჯახურ ძალადობას. ჩატარდა მუშაობა ბასა-დარკის აგრესიულობის კითხვარის მიხედვით. პასუხებმა გააკვირვა ქალები. ვერ იჯერებდნენ, რატომ არიან ასეთი აგრესიულები, საიდან ამდენი დაფარული აგრესია! ფსიქოლოგმა შესთავაზა საშუალებები საკუთარ თავზე მუშაობისათვის.
იურისტმა უპასუხა შეხვედრის მონაწილეთა ინდივიდუალურ შეკითხვებს, აგრეთვე მათთან ერთად განიხილა საკითხები ანდერძისა და მემკვიდრეობის შესახებ. შეკრებილებს აინტერესებდათ შინაურული და დახურული ანდერძის საკითხები, აგრეთვე მემკვიდრეობის განაწილება იმ შემთხვევაში, როცა მემკვიდრე გონებრივად შეზღუდულია. მათ ყველა შეკითხვაზე მიიღეს შესაბამისი პასუხი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
წყალტუბოს ქალთა მხარდაჭერის ცენტრის ფსიქოლოგმა და იურისტმა 12 ნოემბერს კონსულტაციები ჩაატარეს სანატორიუმ „მედეას“ კოლექტიურ ცენტრში მცხოვრებ დევნილებთან.
ფსიქოლოგის თემა საინტერესო იყო შეკრებილთათვის - ძალადობის სოციალურ-ფსიქოლოგიური ასპექტები, ოჯახში ძალადობაზე რეაგირების აუცილებლობა - ინტერვენცია და პრევენცია.
ქალბატონები აქტიურად ჩაერთნენ თემის ირგვლივ მსჯელობაში და სასარგებლო რჩევებიც მიიღეს ფსიქოლოგისგან.
იურისტმა ისაუბრა საქართველოს კონსტიტუციაზე, ადამიანთა ძირითად უფლებებსა და თავისუფლებებზე. ქალები დაინტერესდნენ საკითხებით - როგორ ხდება მოქალაქეობის მოპოვება, დაკარგვა, ჩამორთმევა. აღინიშნა, რომ საქართველოს ყველა მოქალაქე კანონის წინაშე თანასწორია.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
5 ნოემბერს ხონის ქალთა მხარდაჭერის ცენტრმა საინფორმაციო-საკონსულტაციო შეხვედრა მოაწყო სოფელ გოჩა ჯიხაიშში.
ფსიქოლოგის თემა ეხებოდა ძალადობას და მის სოციალურ-ფსიქოლოგიურ ასპექტებს, ოჯახში ძალადობაზე რეაგირების აუცილებლობას-ინტერვენციასა და პრევენციას.
შეხვედრის მონაწილე ქალბატონებს იურისტმა მიაწოდა ინფორმაცია კანონზე „ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ“. ასევე გაიცა იურიდიული კონსულტაცია, რომელიც ეხებოდა განქორწინების შემდეგ წარმოშობილ ქმრის ვალდებულებას თანასაკუთრებისა და ალიმენტის გადახდის თაობაზე.
ბოლოს ქალბატონებმა გულწრფელი კმაყოფილება გამოხატეს და ითხოვეს, რომ შესაძლებლობის ფარგლებში ფონდმა „სოხუმმა“ გააგრძელოს მათთან სერიული შეხვედრები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
მონაწილეთა რაოდენობა: 10 ქალი 22-დან 60 წლამდე.
პირველად მონაწილეობდა: 7 ადამიანი.
ფსიქოლოგის საუბრის თემა: აგრესია, მისი ფორმები, სახეები და მიზეზები.
იურისტის საუბრის თემა: შესწორებები კანონში ძალადობის წინააღმდეგ.
თემები ერთმანეთთან იყო დაკავშირებული. აგრესია არის გზა ძალადობისკენ. და -კანონი, რომელიც 2006 წელს მიიღეს, ჯერაც განიცდის ცვლილებებს და კიდევ ვერ გახდა მძლავრი მექანიზმი ძალადობის წინააღმდეგ.
მონაწილეები ერთხმად ამბობდნენ, რომ ჩვენი საზოგადოება აგრესიულია. რომ სისასტიკე, ღვარძლი, თავხედობა, შური, ბოროტება, ყვირილი - ჩვენი ურთიერთობის სიმპტომებია. რისი შეცვლაა შესაძლებელი? როგორ? რისი გაკეთება შეუძლიათ ქალებს? - სწორედ ამაზე საუბრობდნენ ფსიქოლოგისა და იურისტის შეხვედრაზე სენაკის ქალთა მხარდაჭერის ცენტრში.
ქალებმა არა მარტო ახალი ინფორმაცია მიიღეს, არამედ პრაქტიკული რჩევებიც და პასუხებიც მათთვის საინტერესო კითხვებზე.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)