ტრეინინგ-სემინარები (105)
ტრენინგები (train - სწავლება) - ინტერაქტიური სწავლების ერთ-ერთი სახეა. კატეგორიაში ასახულია პროექტების ფარგლებში გამართული ტრენინგები, ასევე ტრენინგები ფონდი „სოხუმის“ თანამშრომლების მონაწილეობით.
23 სექტემბერს, ბათუმში ჩატარდა ტრენინგი ამომრჩეველ ქალთა კლუბის წევრთათვის. ტრენინგის თემატიკამ მონაწილეები დააინტერესა, გამომდინარე იქედან, რომ მათთვის მნიშვნელოვანია გენდერის თემა და ქალთა აქტიურობა. გამოიკვეთა არჩევნებთან დაკავშირებული საკითხების მიმართ ინტერესიც, რადგან თავად მონაწილეები აქტიურად არიან ჩართულები ამ პროცესში. შეხვედრაზე ხაზგასმულ იქნა ქალი-კანდიდატების მხარდაჭერის აუცილებლობა.
პროექტი ხორციელდება აშშ საელჩოს მხარდაჭერით
ხობში ამომრჩეველ ქალთა კლუბის წევრებისთვის გაიმართა ტრენინგი პროექტის „ქალთა აქტიური ჩართულობა საქართველოს პოლიტიკურ ცხოვრებაში, საარჩევნო პროცესების დემოკრატიზაციის გზით“ ფარგლებში.
ტრენინგის თემა „არჩევნები - როგორც დემოკრატიის საფუძველი, პოლიტიკური სისტემა და ქალთა როლი ამ პროცესებში“ საინტერესო აღმოჩნდა მონაწილეებისთვის. ბევრმა მათგანმა აღნიშნა, რომ აქტიურადაა ჩართული საარჩევნო პროცესში და ტრენინგი დაეხმარა, რომ უფრო ღრმად ჩაწვდეს კონკრეტულ საკითხებს და უფრო მომზადებული შეხვდეს არჩევნებს.
პროექტი ხორციელდება აშშ საელჩოს მხარდაჭერით
20 სექტემბერს ზუგდიდში ჩატარდა ტრენინგი ამომრჩეველ ქალთა კლუბის წევრებისთვის შემდეგ თემებზე: არჩევნები დემოკრატიის საფუძველი. საქართველოს საარჩევნო კოდექსი. საქართველოშო მოქმედი პოლიტიკური სისტემა. პოლიტიკური პარტიების პროგრამები, სტრუქტურა, როლი და მნიშვნელობა. გენდერი და გენდერული თანასწორობა. გადაწყვეტილების მიღების პროცესში ქალთა მონაწილეობის მნიშვნელობა. ქალი-კანდიდატების მხარდაჭერა.
თითოეულმა საკითხმა მონაწილეთა დიდი ინტერესი გამოიწვია. კლუბის წევრებმა აღნიშნეს, რომ არჩევნების წინ ამ თემების განხილვა დროული და სასარგებლო იყო.
პროექტი ხორციელდება აშშ საელჩოს მხარდაჭერით
ფონდი „სოხუმის“ ორგანიზებით ქობულეთში, სასტუმრო „სანრაიზში“ სამდღიანი ტრენინგი გაიმართა. მასში მონაწილეობდნენ ქალთა საინიციატივო ჯგუფები ქუთაისიდან, ხონიდან, წყალტუბოდან. ტრენინგის დღის წესრიგით მონაწილეებმა იმუშავეს ადვოკატირების საკითხებზე: როგორ ხდება პრობლემათა იდენტიფიცირება, კამპანიის დაგეგმვა, სლოგანის დამუშავება, მესიჯ-ბოქსების შედგენა, სვოტ-ანალიზზე მუშაობა.
საინტერესო აღმოჩნდა მათთვის ადგილობრივი თვითმმართველობის უფლებამოსილების გაცნობა. მინი-ლექციებს თან ახლდა პრაქტიკული სავარჯიშოები, როლური თამაშები, ინტერაქტიული მუშაობა.
ბოლო დღეს ჯგუფებმა მუნიციპალიტეტების მიხედვით კონკრეტული პრობლემების ადვოკატირების სამოქმედო გეგმაზე იმუშავეს. გამოიკვეთა, რომ მათ აქვთ სათანადო გამოცდილება, რაც მნიშვნელოვანია ადვოკატირებისას.
სამი დღის მანძილზე დიდი იყო მონაწილეთა ინტერესი, რაც უკუკავშირით დაფიქსირდა:
-ჩემთვის ტრენინგი იყო საუკეთესო საშუალება საკუთარი რესურსების და შესაძლებლობების შესაფასებლად
-საინტერესო იყო სხვა მუნიციპალიტეტების გამოცდილების მოსმენა, რაც მომავალში ჩვენს საქმიანობაშიც დაინერგება.
შემდეგ ეტაპზე საინიციატივო ჯგუფები სხვადასხვა პრობლემის ადვოკატირებას პრაქტიკულად შეეცდებიან.
წყალტუბოში ჩამოყალიბებული ამომრჩეველ ქალთა კლუბისთვის ჩატარდა ტრენინგი თემაზე „არჩევნები - როგორც დემოკრატიის საფუძველი, პოლიტიკური სისტემა და ქალთა როლი ამ პროცესებში“. არჩევნები აქტუალური თემაა და მონაწილეებმა ამომწურავი ინფორმაცია მიიღეს მწვრთნელებისგან.
ტრენინგი აქტიური დისკუსიის ფონზე მინდინარეობდა. მონაწილეებმა დააფიქსირეს, რომ თუ ქალები იქნებიან გადაწყვეტილების მიღების დონეზე, წინა პლანზე საჭირბოროტო საკითხები წამოიწევს. ამისათვის თავად ქალებმა უნდა შეუწყონ ხელი იმ აქტიური ქალბატონების წარმოჩენას, რომლებიც მათ თემში არიან.
პროექტი ხორციელდება აშშ საელჩოს მხარდაჭერით
პროექტი ხორციელდება აშშ საელჩოს მხარდაჭერით
სენაკის საკრებულოს სხდომათა დარბაზში გაიმართა ტრენინგი ამომრჩეველ ქალთა კლუბის წევრებისთვის. ეს იყო პირველი ტრენინგი ფონდი „სოხუმის“ ახალი პროექტის „ქალთა აქტიური ჩართვა საქართველოს პოლიტიკურ ცხოვრებაში საარჩევნო პროცესების დემოკრატიზაციის გზით“ ფარგლებში. პროექტი მიმართულია ქალთა აქტივობის განვითარებისა და მათი როლის გაზრდისაკენ საარჩევნო პროცესში.
ტრენინგის 17 მონაწილე გაეცნო ისეთ საკითხებს, როგორებიცაა - საქართველოს საარჩევნო კოდექსი, ქვეყნის პოლიტიკური სისტემა, გენდერის თემა ქალ-კანდიდატთა მხარდაჭერის კუთხით.
ტრენინგის მონაწილეებს შესაძლებლობა ჰქონდათ, მიეღოთ პასუხები მათთვის საინტერესო კითხვებზე. ისინი მზად არიან, ჩაერთონ კლუბის მუშაობაში და თავიანთი წვლილი შეიტანონ პროექტის მიზნების მიღწევაში.
პროექტი ხორციელდება აშშ საელჩოს მხარდაჭერით
დაიწყო ფონდი „სოხუმის“ ახალი პროექტი „ქალთა აქტიური ჩართვა საქართველოს პოლიტიკურ ცხოვრებაში საარჩევნო პროცესების დემოკრატიზაციის გზით“.
გაიმართა პირველი ღონისძიება - ტრენინგიქუთაისის ამომრჩეველ ქალთა კლუბის წევრებისთვის. მონაწილეები გამოცდილი მწვრთნელებისგან ბევრ საინტერესო და მნიშვნელოვან ინფორმაციას გაეცნენ - საარჩევნო კოდექსზე, პოლიტიკურ პარტიებთან თანამშრომლობაზე, გენდერულ თემაზე, ქალი-კანდიდატების მხარდაჭერის კუთხით. ქალბატონებმა კონკრეტულ კითხვებზეც მიიღეს პასუხები. ისინი პროექტის ფარგლებში აქტიურ მუშაობას გეგმავენ.
პროექტი ხორციელდება აშშ საელჩოს მხარდაჭერით
ფონდი „სოხუმის“ წარმომადგენლები 20-22 აგვისტოს, წყალტუბოში ორგანიზაცია PIN-ის მიერ ორგანიზებულ ტრენინგს დაესწრნენ, რომელიც ხონისა და გორის მუნიციპალიტეტების მრჩეველთა საბჭოებისა და პარტნიორი ორგანიზაციების წარმომადგენლებისთვის ჩატარდა.
ტრენინგის მიზანი იყო სტრატეგიული დაგეგმარების უნარების გაღრმავება; ადგილობრივი სოციალური პოლიტიკის სტრატეგიული მიმართულებებისა და ამოცანების, სოციალური პოლიტიკის განვითარების კუთხით არსებული გამოცდილების, გამოწვევების განსაზღვრა ადგილორივი სოციალური ჩართულობის სტრატეგიის დოკუმენტის შესაქმნელად.
PIN-ის პროექტი „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ - დაფინანსებულია ევროკავშირის და ჩეხეთის საგარეო საქმეთა სამინისტროს მიერ.
პროექტი ხორციელდება ჩეხური ორგანიზაცია „ადამიანი გაჭირვებაში“ - PIN მხარდაჭერით
რუხი, ორულუ, ნაწულუკუ, ოდიში, ჩხოუში, ყულიშკარი, რიყე, ურთა - რიგით მეხუთე ტრენინგს ზუგდიდის მუნიციპალიტეტის ამ ადმინისტრაციული ერთეულების წარმომადგენლები დაესწრნენ.
ტრენინგი ფონდი „სოხუმის“ მწვრთნელებმა ჩაატარეს პროექტის „ადგილობრივი თვითმმართველობის თანამშრომლობა - ოჯახში ძალადობის პრობლემის პრევენცია და მსხვერპლის დაცვა“ ფარგლებში (ზუგდიდის მუნიციპალიტეტის გამგეობის დაფინანსებით და ფონდი „სოხუმის“ თანადაფინანსებით).
ტრენინგის მონაწილეები სრული სერიოზულობით მოეკიდნენ განხილულ საკითხებს და გააცნობიერეს ადგილობრივი თვითმმართველობის როლი და პასუხისმგებლობა ოჯახში ძალადობის პრევენციისთვის.