ქალთა მხარდაჭერის ცენტრები (533)
ქალთა მხარდაჭერის ცენტრი – ეს არის ფონდი „სოხუმის“ ფილიალები ქუთაისში, წყალტუბოში, ხონში, თერჯოლაში, სენაკში, ფოთში, ხურჩა/კოკში (ზუგდიდის მუნიციპალიტეტი), ლანჩხუთში, ოზურგეთში - შეიქმნა 2009 წლიდან. ცენტრების დანიშნულებაა ქალთა გაძლიერება, სოციალური, ფსიქოლოგიური, იურიდიული დახმარების გაწევა ძალადობის მსხვერპლი ქალებისთვის და კრიზისული ოჯახებისათვის, რომლებიც რთულ ცხოვრებისეულ მდგომარეობაში აღმოჩნდნენ. ქალთა მხარდაჭერის ცენტრები ხელს უწყობს ქალთა უფლებების დაცვას და მათ სოციალურ-ფსიქოლოგიურ რეაბილიტაციას.
დასრულდა ქუთაისის ქალთა მხარდაჭერის ცენტრის მინიპროექტი, რომელიც მიეძღვნა საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“.
დასაწყისში გაიმართა საინფორმაციო შეხვედრები ქუთაისის მერიის თორმეტივე ადმინისტრაციული ერთეულის წარმომადგენლებთან. ქალთა მხარდაჭერის ცენტრის მობილიზატორმა მათ გააცნო კამპანიის მნიშვნელობა, ფონდი „სოხუმის“ საქმიანობა ძალადობის პრევენციისა და მსხვერპლის დახმარებისთვის და თვითმმართველობების გაზრდილი პასუხისმგებლობა ამ საქმეში. დარიგდა საინფორმაციო ფურცლები.
8 დეკემბერს ადმინისტრაციული ერთეულების წარმომადგენლები მერიის სხდომათა დარბაზში შეიკრიბნენ ტრენინგზე „ოჯახში ძალადობის პრევენცია და ძალადობის მსხვერპლის დახმარება; თვითმმართველობის კომპეტენციას მიკუთვნებული საკითხები“. ტრენინგის ბოლოს შემუშავდა რეკომენდაციები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
საინტერესო მინი-პროექტი განახორციელა ხონის ქალთა მხარდაჭერის ცენტრმა სამ სოფელში: გოჩა ჯიხაიშში, დიდ კუხსა და ნახახულევში. პროექტი „სანიტარულ-ჰიგიენური კულტურა - ჰარმონიული ოჯახის საწინდარი“ მიეძღვნა საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“. პროექტის ფარგლებში დაიბეჭდა საინფორმაციო ფურცლები, ჩატარდა საინფორმაციო შეხვედრები ექიმთან. შეხვედრებს ესწრებოდნენ მხოლოდ ქალები (25 წლიდან), რადგან სანიტარულ-ჰიგიენური ნორმების აუცილებლობისა და სეზონური პრობლემების (გაციება, გრიპი) გარდა აქცენტი გაკეთდა სკრინინგის პოპულარიზაციაზე (საშვილოსნოს ყელის და ძუძუს), რადგან ბევრმა არ იცის, რომ უფასოა და თან ასე ახლოს, ქუთაისში.
სოფლად მცხოვრებ ქალებს არა აქვთ მსგავსი შეხვედრების ფუფუნება და მათი აზრით, ეს იყო გამორჩეული პროექტი, ექიმის მიერ მოწოდებული საინტერესო თემებით.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
სენაკის ქალთა მხარდაჭერის ცენტრმა დაასრულა მუშაობა მინი-პროექტზე „თეატრალიზებული ქალთა უფლებები“, რომელიც მიეძღვნა საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“. პროექტი განხორციელდა სამ სოფელში: ახალსოფელში, თეკლათსა და ნოსირში. ამას წინ უძღოდა შეხვედრები სოფლის რწმუნებულებთან და მაჟორიტარებთან. რაც მთავარია, მუშაობა რეჟისორთან და მსახიობებთან, რომელთაც დადგეს სცენები ოჯახში და ქალთა მიმართ ძალადობის თემაზე. ჩვენებებს ახლდა აქტიური დისკუსიები. თეატრის ენით ნათქვამი სიმართლე იყო ძალიან ეფექტური, გასაგები და შთამბეჭდავი.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
დიდი სტუმრიანობა იყო ფონდი „სოხუმის“ ოფისში 1 დეკემბერს. ხურჩა/კოკის ქალთა მხარდაჭერის ცენტრის მობილიზატორებმა ქუთაისში ჩამოიყვანეს ქალები ზუგდიდის მუნიციპალიტეტიდან. ისინი გაეცნენ ორგანიზაციას, რომელიც ყოველთიურად ჩადის ქალთა მხარდაჭერის ცენტრში და ხელს უწყობს ქალებს გააქტიურებაში, ეხმარება ფსიქოლოგიური თუ იურიდიული პრობლემების მოგვარებაში. იმ დღეს მათთვის ჩატარდა გასვლითი ვორკშოპი-ექსკურსია. დაათვალიერეს ბაგრატის ტაძარი, გელათი და მოწამეთა.
ეს იყო ნაწილი ქალთა მხარდაჭერის ცენტრის მინი-პროექტის „არა ძალადობას!“. პროექტში ჩაერთო 4 სოფელში (კოკი, ხურჩა, ორსანტია, ახალკახათი) მცხოვრები ქალები რისკ ფაქტორის მქონე ოჯახებიდან, ადგილობრივი მთავრობა, სკოლის და სამედიცინო სფეროს წარმომადგენლები.
პროექტის ფარგლებში დაიბეჭდა ბუკლეტი, რომელიც დაურიგდა შეხვედრების მონაწილეებს ოთხივე სოფელში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ნოემბრის შეხვედრები დაემთხვა საერთაშორისო კამპანიას „16 აქტიური დღე ქალთა მიმართ ძალადობის წინააღმდეგ“. ამიტომაც, რა თქმა უნდა, საუბრის და განსჯის ძირითადი თემა იყო ძალადობა ოჯახში და ძალადობა ქალთა მიმართ. ქუთაისის, წყალტუბოს, ხონის, ფოთის, სენაკის და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრების მიერ ჩატარებული იურიდიული საინფორმაციო-საკონსულტაციო შეხვედრების მონაწილეები საუბრობდნენ ძალადობის მიზეზებზე, დამცავ მექანიზმებზე, ადამიანის უფლებებსა და თავისუფლებაზე. ისინი აქტიურად ერთვებოდნენ დისკუსიებში, მოჰყავდათ კონკრეტული მაგალითები, სვამდნენ შეკითხვებს და იღებდნენ კომპეტენტურ პასუხებს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ოჯახური ცხოვრება - ეს ორი ადამიანის ყოველდღიური მუშაობაა ჰარმონიული ურთიერთობების მისაღწევად. როგორ ავაწყოთ ჰარმონიული ურთიერთობები ოჯახში - ამ თემაზე გაიმართა ფსიქოლოგიური საკონსულტაციო შეხვედრები ქუთაისის, ხონის, წყალტუბოს, სენაკის, ფოთის და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრებში.
ფსიქოლოგის რჩევა:
ურთიერთობები უნდა აიგოს შემდეგ პრინციპებზე დაყრდნობით: უსმინეთ ერთმანეთს. ყოველთვის მოუყევით ერთმანეთს განვლილი დღის შესახებ. აუცილებლად ჰკითხეთ ბავშვებსაც. არ იჩხუბოთ წვრილმანებზე. არ გამოიტანოთ განსახილველად ყველა პრობლემა. ხშირად მოეხვიეთ ერთმანეთს. ტრადიციად აქციეთ ოჯახური დასვენება უქმეებში და შვებულებებზე. ეს დაგაახლოებთ და დაგეხმარებათ ჰარმონიული ურთიერთობების აგებაში.
ამ ძირითადი თემის გარდა, მონაწილეებმა მიიღეს ინფორმაცია კამპანიის „16 აქტიური დღე ქალთა მიმართ ძალადობის წინააღმდეგ“ შესახებ.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ჯგუფური ფსიქოლოგიური საკონსულტაციო შეხვედრების თემები იყო - „როგორ ავაწყოთ ჰარმონიული ურთიერთობები ოჯახში“ და ინფორმაცია კამპანიის „16 აქტიური დღე ქალთა მიმართ ძალადობის წინააღმდეგ“ შესახებ.
- ერთმანეთის გაგება, ურთიერთპატივისცემა, ყურადღება - ეს ყოველი ოჯახის ღირებულებებია. თუ ყურს მიუგდებთ პარტნიორის გრძნობებს, მიიღებთ მყარ ოჯახს და სიყვარულსა და ნდობაზე დამყარებულ ურთიერთობებს - ასეთი იყო ფსიქოლოგის რჩევა აქტიური დისკუსიების შემდეგ.
ნოემბერში ქუთაისში გაიმართა 9 ფსიქოლოგიური საკონსულტაციო შეხვედრა დევნილთა კომპაქტურ დასახლებებში (63 მონაწილე). ამას გარდა ჩატარდა სამი ინდივიდუალური კონსულტაცია ოჯახურ კრიზისთან დაკავშირებით.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ნოემბრის თვის საინფორმაციო-სამობილიზაციო შეხვედრები მიეძღვნა ძალადობის თემას დ განსაკუთრებული აქცენტი გაკეთდა საერთაშორისო კამპანიაზე „16 აქტიური დღე ქალთა მიმართ ძალადობის წინააღმდეგ“.
3 შეხვედრა გაიმართა ქუთაისში, 6-6 - წყალტუბოს, ხონის, ფოთის, ზუგდიდის და სენაკის მუნიციპალიტეტებში. როგორც წინა თვეებში, ქალთა მხარდაჭერის ცენტრების მობილიზატორებმა ნოემბერშიც 33 სამობილიზაციო შეხვედრა ჩაატარეს ქალაქებსა და სოფლებში, დევნილთა დასახლებებში,
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
- როგორ შუქდება ძალადობის პრობლემა მედიაში, როგორ მიეწოდება საზოგადოებას ინფორმაცია ძალადობის ფაქტებზე და რამდენად ემსახურება ძალადობის პრევენციას - ამ საკითხებზე გაიმართა დისკუსიები ქალების ჯგუფთან ქუთაისში, სენაკში, წყალტუბოში. ვორკშოპები ჩატარდა ქალთა მხარდაჭერის ცენტრების ორგანიზებით.
მონაწილეებმა დააფიქსირეს, რომ მედიასაშუალებები, ძირითადად, მაშინ ინტერესდებიან ამ ფაქტებით, როცა მკვლელობა ხდება, როცა მომხდარს უკვე არაფერი შველის.
მონაწილეთა აზრით, მედია ერთ-ერთი სერიოზული ინსტრუმენტია ძალადობის პრევენციაში და მისი გამოყენება უფრო ეფექტურად უნდა ხდებოდეს.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრის ინიციატივით სოფელში ჩატარდა ჰუმანიტარული აქცია - სოციალურად დაუცველ და მრავალშვილიან ოჯახებს დაურიგდა ტანსაცმელი, ფეხსაცმელი და საოჯახო ნივთები.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)