პროექტის „იძულებით გადაადგილებული ქალები და გოგონები - საჭიროებაზე ორიენტირებული ადგილობრივი პოლიტიკის შემუშავების აქტორები ქუთაისში” ფარგლებში გრძელდება საინფორმაციო ხასიათის შეხვედრები დევნილთა თემში -სამოქალაქო ჩართულობის ფორმებზე.
პროექტის მონაწილემ ეკატერინა სილაგაძემ ტრენინგენზე მიღებული ცოდნა ზაქარიაძის 21-ში მცხოვრებ დევნილებს გაუზიარა.
დასახლების მთავარ პრობლემას დაზიანებული ფასადი წარმოადგენს, ასევე გამოიკვეთა ძელსკამების საჭიროება. პრობლემის აღმოსაფხვრელად საინიციატივო ჯგუფი წერილს შეიმუშავებს და შესაბამის ადგილობრივ სახელმწიფო სამსახურებს მიმართავს რეაგირებისთვის.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისში, ნიკეას 21-ში, საინფორმაციო შეხვედრა გაიმართა პრობლემების ადვოკატირების და სამოქალაქო ჩართულობის საკითხებზე.
საინიციატივო ჯგუფის წევრი მარიკა პაპავა, რომელმაც ქალთა ფონდ „სოხუმში“ გაიარა ტრენინგები, ცდილობს, თავის თემში არსებული პრობლემები განიხილოს და ყველა ბერკეტი გამოიყენოს მათ გადასაჭრელად.
დევნილთა თემში მთავარი პრობლემებია: სანიაღვრე სისტემის გაუმართაობა, დატბორილი სარდაფი და დანესტილი ფასადი.
საინიციატივო ჯგუფმა მოამზადა წერილი, რომელიც შესაბამის უწყებებს წარედგინება. რეაგირების შემდეგ უნდა მოგვარდეს პრობლემები, რომლებიც საფრთხის ქვეშ აყენებს მოსახლეობის ჯანმრთელობას.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ძელსკამების და გარე განათების არარსებობა, მიუსაფარი ძაღლები, ერთადერთი ტრანსპორტი, დიდი სიჩქარით მოძრავი ავტომობილები - ეს არის იმ პრობლემების მცირე ჩამონათვალი, რომლებიც შერვაშიძის ქუჩის №53-ის მე-2 კორპუსში მცხოვრებ დევნილებს აწუხებთ და აღნიშნეს კიდეც შეხვედრაზე.
რიმა კალანდია დევნილთა თემის წარმომადგენელია. ქუთაისის ქალთა საინიციატივო ჯგუფის წევრებთან ერთად მან გაიარა ტრენინგები ადვოკატირების საკითხებზე და ახლა ინფორმაციას აწვდის თემის სხვა წევრებს. მისი აზრით, ადამიანები აქტიურად უნდა ჩაერთონ საკუთარი საჭიროებების მოგვარებაში. ქალთა საინიციატივო ჯგუფი ქუთაისის მერიის სახელზე ამზადებს წერილს.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
შეხვედრაზე იმსჯელეს დასახლებაში მოსაგვარებელ საკითხებზე: დაზიანებული ურნები, გაუმართავი სანიაღვრე სისტემა, გზაზე შემაკავებელი ბარიერების არარსებობა.
საინფორმაციო შეხვედრა ქუთაისში, ნიკეას ქუჩის პირველი შესახვევის №13-ში, მეორე კორპუსში მცხოვრებ ქალებთან გაიმართა.
საინიციატივო ჯგუფის წევრი, ტრენინგების აქტიური მონაწილე ლია გოლეთიანი თავის გამოცდილებას თამამად უზიარებს დასახლების მცხოვრებთ. შეხვედრის მონაწილეები აღნიშნავენ, რომ აქტიურად უნდა ჩაერთონ საკუთარი პრობლემების მოგვარებაში - ეს სამოქალაქო პასუხისმგებლობის ნიშანია.
საინიციატივო ჯგუფის წევრებმა წერილების მომზადება უკვე დაიწყეს და შემდგომი რეაგირებისთვის ქუთაისის მერიას გადასცემენ.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
პროექტის „იძულებით გადაადგილებული ქალები და გოგონები - საჭიროებაზე ორიენტირებული ადგილობრივი პოლიტიკის შემუშავების აქტორები ქუთაისში“ ფარგლებში ჩატარდა შეხვედრა 10 ქალთან (ნიკეას ქუჩის 1-ლი შესახვევი №13).
ქალთა საინიციატივო ჯგუფის წევრმა ლია გოლეთიანმა ადვოკატირების საკითხებზე თავისი გამოცდილება გაუზიარა დევნილებს და სამოქალაქო პასუხისმგებლობის ამაღლებისკენ მოუწოდა.
სპორტული მოედანი, სახურავის შეღებვა-შეკეთება, ძელსკამების შეკეთება - ამ საჭიროებებზე გაამახვილეს ყურადღება შეხვედრის მონაწილეებმა. მზადდება წერილები დასახელებულ პრობლემებზე და საინიციატივო ჯგუფის სახელით ქუთაისის მუნიციპალიტეტის მერიას გადაეცემა.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისის ახალგაზრდული კლუბის წევრებმა ივლისის თვის ტრადიციული შეხვედრაზე განხორციელებული პროექტის- “ახალგაზრდები მშვიდობისთვის” დეტალები განიხილეს.მათ ერთმანეთს პროექტის ფარგლებში მიღებული გამოცდილება გაუზიარეს, მიღწეული შედეგები განიხილეს, ასევე პროექტის ფარგლებში არსებული პრობლემებისა და გამოწვევების გადაჭრის გზებზე იმსჯელეს. კლუბის ლიდერმა წევრებს პროექტის საბოლოო შედეგები გააცნო. შეხვედრაზე სამომავლოდ განსახორციელებელ აქტივობებზეც ისაუბრეს. შეგახსენებთ, ქუთაისის ახალგაზრდული კლუბი მიმდინარე წლის მაისი-ივნისის პერიოდში USAID-ის მიერ მცირე საგრანტო კონკურსის ფარგლებში დაფინანსებულ პროექტს- “ახალგაზრდები მშვიდობისთვის” ახორციელებდა. ქუთაისის ქალთა საინიციატივო ჯგუფის წევრებმა შეხვედრაზე ადვოკატირების გეგმის შემუშავებაზე ისაუბრეს. გადაინაწილეს უფლება- მოვალეობები და პასუხისმგებლობები. ჯგუფის წევრები საინფორმაციო შეხვედრებს ჩაატარებენ და ახალგაზრდებთნ ნარკოტიკებისა და ალკოჰოლის მავნებლობაზე ისაუბრენენ.
ხონის ახალგაზრდული კლუბის წევრებთან ივლისში ჩატარებულ შეხვედრაზე მონაწილეებმა დასრულებულ პროექტსა და გამოწვევებზე, ასევე იმ მიღწევებზე ისაუბრეს, რასაც პროექტის განხორციელების დროს წააწყდნენ.
შეხვედრას ხონის N 3 საჯარო სკოლა მასპინძლობდა.
ხონის ქალთა საინიციატივო პირველი ჯგუფის წევრებმა, ადვოკატირების პროცესისთვის შერჩეული პრობლემა განიხილეს და უფლება- მოვალეობები და პასუხისმგებლობები გადაინაწილეს. ისინი ეკოლოგიის და ფსიქიკური ჯანმრთელობის მიმართულებით იმუშავებენ.
ხონის ქალთა საინიციატივო მეორე ჯგუფის წევრებმა ადვოკატირების გეგმაზე ისაუბრეს და უფლება- მოვალეობები და პასუხისმგებლობები გადაინაწილეს. ქალბატონები საინფორმაციო შეხვედრებს ჩაატარებენ და ახალგაზრდებთნ ნარკოტიკებისა და ალკოჰოლის მავნებლობაზე ისაუბრებენ.
წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრებმა მორიგ სამუშაო შეხვედრაზე იმ საკითხების მოგვარების შესახებ ისაუბრეს,რომლებიც კვლევის შედეგად გამოიკვეთა.აღინიშნა,რომ ადვოკატირების გეგმის მიხედვით დაგეგმილი აქტივობები წარმატებით ხორციელდება,რაც პრობლემების მოგვარების პროცესში მნიშვნელოვანია.
ქუთაისში, შერვაშიძის №53-ის 4 ახლადაშენებულ კორპუსში 720 დევნილი ოჯახი ცხოვრობს (მალე კიდევ 2 კორპუსი დაემატება).
ქალები საფრთხის შემცველი ღია არხის კაპიტალურად დახურვას და ბეტონის ფილებში მოქცევაზე საუბრობენ. არხი არ არის დახურული და მოსახლეობისთვის საშიშია. ხშირად არხიდან ამოდიან ქვეწარმავლები. იყო შემთხვევა, როცა ბავშვებს ბურთი გადაუვარდათ და მათთვის სახიფათო სიტუაცია შეიქმნა. არხს არ აქვს დამცავი ჯებირები, ამიტომ ადვილად შეიძლება ვინმე ჩავარდეს. ძლიერი ქარის დროს არხი ივსება ნაგვით, ძლიერი წვიმების დროს კი წყალი გადმოდის.
ქალებს, ასევე, აწუხებთ დიდი სიჩქარით მოძრავი ავტომობილები, რისთვისაც გადასასვლელზე სავალდებულო გაჩერების მოთხოვნის ზოლის განთავსებას ითხოვენ
ადვოკატირების საკითხებზე გადამზადებული საინიციატივო ჯგუფის წევრები თავიანთ გამოცდილებას იქ მცხოვრებ ადამიანებს უზიარებენ და ყველას მოუწოდებენ სამოქალაქო პასუხისმგებლობის ამაღლებისკენ.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ნინო გორგოძე ერთ-ერთია იმ ახალგაზრდებს შორის, რომლებიც სამოქალაქო ჩართულობის ფორმებსა და მის აუცილებლობაზე საკუთარ დასახლებებში აგრძელებენ აქტიურ შეხვედრებს. ნიკეას ქუჩის #21-ში მცხოვრები დევნილების პრობლემას წარმოადგენს შენობის დანესტილი კედლები, რომლებიც უხვი ნალექის დროს უფრო ზიანდება და ადამიანების ჯანმრთელობას და თვით შენობასაც საფრთხეს უქმნის. გამოკვეთილი პრობლემის მოსაგვარებლად, ჯგუფის წევრების მიერ მზადდება წერილი და იგეგმება შესაბამის უწყებებთან შეხვედრები, რომელთაც საინიციატივო ჯგუფის აქტიური წევრი უწევს კოორდინირებას.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში