შეხვედრები (650)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ქუთაისის გენდერულმა საბჭომ დაიწყო ახალი პროექტი „გენდერული ასპექტების გაძლიერება ადგილობრივი გენდერული პოლიტიკის ფორმირებაში აქტიური ჩართვისათვის“. პროექტი ხორციელდება ქუთაისის მერიისა და ფონდი „სოხუმის“ თანადაფინანსებით.
21 აპრილს პროექტის ფარგლებში „გრანდ პალასში“ რეგიონალური კონფერენცია გაიმართა თემაზე „გენდერული კომპონენტები ადგილობრივ ბიუჯეტში - არსებული რეალობა, პოზიტიური ცვლილებები, მომავლის პერსპექტივები“.
კონფერენციაში მონაწილეობდნენ დასავლეთ საქართველოს 17 მუნიციპალიტეტის - ქუთაისის, ბათუმის, ოზურგეთის, სენაკის, ზუგდიდის, ფოთის, წყალტუბოს, ხონის, ვანის, სამტრედიის, ხარაგაულის, ზესტაფონის, თერჯოლის, ტყიბულის, ქობულეთის, ჩოხატაურის, ლანჩხუთის ადგილობრივი თვითმმართველობის წარმომადგენლები, გენდერული საკონსულტაციო საბჭოს წევრები, უნივერსიტეტების რექტორები, პროფესორები, სტუდენტები, არასამთავრობო ორგანიზაციების, მედიის წარმომადგენლები.
კონფერენციის პირველ ნაწილში ქუთაისის, ბათუმის, ოზურგეთის და სენაკის გენდერული საკონსულტაციო საბჭოების წარმომადგენლებმა ადგილობრივ თვითმმართველობებთან თანამშრომლობით გენდერული მიმართულებით მიღებულ შედეგებზე ისაუბრეს.
კონფერენციის მეორე ნაწილში მომხსენებლებმა თანასწორობის თემა სხვადასხვა კონტექსში განიხილეს. კონფერენცია დასრულდა მოხსენებით: სტუდენტთა გენდერული საჭიროებები და მათი ჩართულობა ადგილობრივი ბიუჯეტის ფორმირებაში.
პროექტის პირველი ეტაპი დასრულდა. კონფერენციაზე განხილულ საკითხებზე დისკუსიები ქუთაისის უნივერსიტეტებში გაგრძელდება.
პროექტი ხორციელდება გაეროს ქალთა ორგანიზაციის
ოზურგეთის გენდერული საკონსულტაციო საბჭო ადგილობრივი გენდერული საჭიროებების კვლევას იწყებს. სხდომაზე შერჩეულ იქნა სამიზნე ჯგუფები ფოკუს-ჯგუფებისა და გამოკითხვისთვის, ასევე რესპონდენტები ჩაღრმავებული ინტერვიუსთვის.
ჯგუფის წევრებმა მაქსიმალურად მოიცვეს ყველა ჯგუფი, ვისი საჭიროებაც ნაკლებადაა ასახული ბიუჯეტში. გამოკითხვა ჩატარდება სოციალურად დაუცველ ქალბატონებთან, ახალგაზრდებთან, ეთნიკური უმცირესობების წარმომადგენლებთან და მცირე ბიზნესით დაკავებულ ქალებთან. ფოკუს-ჯგუფები დააფიქსირებს დევნილთა, პედაგოგთა და სამედიცინო სფეროს წარმომადგენელთა, მარტოხელა და მრავალშვილიან დედათა საჭიროებებს. ფოკუს-ჯგუფის ჩატარება გადაწყდა თემის ლიდერებთან, რათა უფრო მეტი პრობლემა გამოვლინდეს. ინტერვიუსთვის შეირჩა ექსპერტები ჯანდაცვის, განათლების, სოფლის მეურნეობის და შშმ პირთა საკითხებში.
ბათუმის საჯარო ბიბლიოთეკაში გაიმართა მწერლისა და საზოგადო მოღვაწის, პროფესორ რამაზ სურმანიძის წიგნის „ბავშვთა და მოზარდთა ასაკობრივ-სქესობრივი აღზრდის საფუძვლები“ წარდგენა. წიგნი ფონდი „სოხუმის“ ფინანსური მხარდაჭერით გამოიცა. ღონისძიება შესავალი სიტყვით გახსნა ბიბლიოთეკის დირექტორმა გენადი მახარაძემ და მიულოცა ბატონ რამაზს 71-ე წიგნის გამოცემა.
წიგნის შესახებ ისაუბრეს რედაქტორმა, პროფესორმა აკაკი ბერიძემ, რეცენზენტებმა პროფესორმა შორენა ვაშაძემ და განათლების დოქტორმა მარინე გურგენიძემ, ფონდი „სოხუმის“ წარმომადგენელმა ნათია კიკვაძემ, აჭარის არ უმაღლესი საბჭოს თავმჯდომარემ ავთანდილ ბერიძემ, ქალაქ ბათუმის საკრებულოს წევრმა ნატო ზოიძემ, პოეტმა ცისანა ანთაძემ, მწერალმა ანა დუნდუამ.
ბათუმის კულტურის ცენტრთან არსებულმა ქალთა ვოკალურმა ანსამბლმა „ბათუმმა“ შეასრულა სიმღერები.
დასასრულ, რამაზ სურმანიძემ უპასუხა დასმულ შეკითხვებს.
სენაკის გენდერული საკონსულტაციო საბჭოს მორიგი სხდომა მიეძღვნა ადგილობრივი გენდერული საჭიროებების კვლევის სამიზნე ჯგუფების და მეთოდების განსაზღვრას. კვლევა დასრულდება მაისში და მიღებული შედეგების გაანალიზებით, საბჭო შეიმუშავებს რეკომენდაციებს 2017 წლის ბიუჯეტისთვის.
სხდომაზე დაიგეგმა ღონისძიებები საბჭოს ახალი, ადგილობრივი თვითმმართველობისა და ფონდი „სოხუმის“ მიერ დაფინანსებული პროექტის ფარგლებში, რომელიც მიმართულია ოჯახში ძალადობის პრევენციისკენ სოფლებში. პირველი საორგანიზაციო შეხვედრა გამგებლის წარმომადგენლებთან და მაჟორიტარ დეპუტატებთან გაიმართება 25 აპრილს, შემდეგ კი სენაკის მუნიციპალიტეტის 14 ტერიტორიულ ერთეულში ჩამოყალიბდება გენდერული საინიციატივო ჯგუფები. პროექტის ძირითადი მიზანია ქალებისა და ახალგაზრდების როლის გაძლიერება ოჯახში ძალადობის პრევენციის პროცესში.
კოპიტნარის N8 საბავშვო ბაღში ამ დღეს ნამდვილი დღესასწაული იყო: მთლიანად შეიცვალა ინვენტარი - მაგიდები, სკამები, კარადები, შეივსო ბიბლიოთეკა ახალი წიგნებით.
აქცია ფონდმა „სოხუმმა“ განახორციელა პროექტის „გაუმჯობესებული პირობები დევნილთა თემისათვის“ ფარგლებში.
პროექტის თანახმად, ინვენტარი გადაეცა 3 საბავშვო ბაღს (წყალტუბოს N1, N2 და კოპიტნარის N8 საბავშვო ბაღები). ამ სკოლამდელი დაწესებულებების შერჩევა დევნილი ბავშვების რაოდენობის პრინციპით მოხდა. კოპიტნარის საბავშვო ბაღი 65 აღსაზრდელზეა გათვლილი, მათი უმეტესობა დევნილთა ოჯახიდანაა.
ღონისძიებას ესწრებოდნენ ადგილობრივი თვითმმართველობის წარმომადგენლები, საბავშვო ბაღების გაერთიანების ხელმძღვანელი პირები.
6 აპრილს ფონდი „სოხუმი“ წყალტყუბოში იმყოფებოდა. №2 ბაღს გადაეცა: ტანსაცმლის კარადა - 3 ერთეული, 2 თარო წიგნებისათვის, პედაგოგების სკამები - 12 ცალი, საბავშვო სკამები - 100 ცალი, საბავშვო მაგიდები - 20 ცალი და სასწავლო-სააღმზრდელო წიგნები.
ინვენტარის გადაცემა მოხდა პროექტის „გაუმჯობესებული პირობები დევნილთა თემისათვის“ ფარგლებში (ჩეხური არასამთავრობო ორგანიზაცია PIN-ის პროექტი „ახალგაზრდული ჩართულობა და სოციალური ანგარიშვალდებულება“, მსოფლიო ბანკის მხარდაჭერით).
ღონისძიებას ესწრებოდნენ წყალტუბოს მუნიციპალიტეტის საკრებულოს წევრები, აიპი წყალტუბოს საბავშვო ბაღების გაერთიანების ხელმძღვანელი და ადმინისტრაცია, ბაღის მენეჯერი და პედაგოგები.
თვითმმართველობის წარმომადგენლებმა და ბაღების გაერთიანების თანამშრომლება აღნიშნეს, რომ პროექტი პირდაპირაა მიმართული ბავშვების სააღმზრდელო გარემოს გაუმჯობესებისაკენ, მომავალზე ზრუნვა კი მეტად მნიშვნელოვანია.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)
პროექტის „გაუმჯობესებული პირობები დევნილთა თემისათვის“ ფარგლებში ფონდმა „სოხუმმა“ წყალტუბოს №1 ბაღს გადასცა ინვენტარი: ტანსაცმლის კარადა - 7 ერთეული, 2 კარადა სათამაშოებისათვის, 3 მაგიდა პედაგოგებისათვის, წიგნების თარო - 2 ცალი, პედაგოგების სკამები - 12 ცალი და სასწავლო-სააღმზრდელო წიგნები.
ღონისძიებას ესწრებოდნენ წყალტუბოს მუნიციპალიტეტის გამგებელი, ადგილობრივი თვითმმართველობის წარმომადგენლები, აიპი წყალტუბოს საბავშვო ბაღების გაერთიანების ხელმძღვანელი და ადმინისტრაცია, ბაღის მენეჯერი და პედაგოგები.
პროექტის ფარგლებში იგეგმება წყალტუბოს №2 ბაღის - №1 და კოპიტნარის ბაღის აღჭურვა ინვენტარით აპრილის დასაწყისში.
ადგილობრივი თვითმმართველობის წარმომადგენლებმა აღნიშნეს, რომ არასამთავრობო სექტორთან თანამშრომლობა და მსგავსი პროექტები ძალიან მნიშვნელოვანია მუნიციპალიტეტისთვის.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)
ოზურგეთის გენდერული საკონსულტაციო საბჭოს სხდომა განსხვავებული ფორმატით შედგა. მეტი მედიარეზონანსისთვის შეხვედრაში მონაწილეობა მიიღეს ჟურნალისტებმა, ადგილობრივი თვითმმართველობის პრეს-სამსახურის სპეციალისტებმა.
საბჭოს თავმჯდომარემ ლელა ნაცვალაძემ წარმოადგინა ანგარიში მუნიციპალიტეტის „სოფლის მხარდაჭერის პროგრამის“ ფარგლებში მიმდინარე შეხვედრებზე. ხაზგასმულ იქნა, რომ ამ შეხვედრებში ქალთა ჩართულობა ძალიან დაბალია, შესაბამისად - გენდერული საჭიროებების წამოწევაც არ ხდება. დაფიქსირდა მოსაზრება, რომ აუცილებელია მსგავს შეხვედრებზე გენდერული ბალანსის დაცვა, რაც ხელს შეუწყობს გენდერული პროექტების განხორციელებას.
საბჭოს იურისტმა სხდომაზე წარმოადგინა ჩატარებული საქმიანობის ანგარიში. ყურადღება გამახვილდა ისეთ პრობლემებზე, რომელთა ადვოკატირებაც რთულად მიმდინარეობს. გადაწყდა, რომ ამ საკითხებზე რეაგირებისთვის პროცესში აქტიურად ჩაერთვებიან გენდერული საკონსულტაციო საბჭოს წევრები და ჟურნალისტები.
საინფორმაციო შეხვედრას ოზურგეთის №1 საბავშვო ბაღში ფონდი „სოხუმის“ წარმომადგენელთან ესწრებოდა საკრებულოს დეპუტატი, გენდერული საკონსულტაციო საბჭოს წევრი ირინა საჯაია.
ბაღის თანამშრომლებმა აღნიშნეს, რომ აღსაზრდელები უზრუნველყოფილნი არიან კარგი პირობებით, აქვთ სათამაშოები, თბილი და მზრუნველი გარემო, გულისტკივილი გამოთქვეს თავიანთი დაბალი ანაზღაურების გამო და ასევე ისაუბრეს იმაზე, რომ დიდი ინტერესით დაესწრებოდნენ ტრენინგებს გენდერულ თუ სხვა მათთვის საინტერესო თემაზე.
აქტიური ქალბატონები მოწვეულ იქნენ ამომრჩეველ ქალთა კლუბის სხდომაზე, რომელიც ჩანიშნულია აპრილში. ხოლო შეხვედრაზე დასმული საკითხი იმავე დღეს განხილული იყო გენდერული საკონსულტაციო საბჭოს სხდომაზე. დაფიქსირდა, რომ უახლოეს თვეებში შეიმუშაონ სატრენინგო პროგრამა საბავშვო ბაღებისთვის.
ქუთაისის საკრებულოს სხდომათა დარბაზში ფონდი „სოხუმის“ მიერ ჩატარებული კვლევის „ქალთა ადამიანური უსაფრთხოების ხარისხის კვლევა დასავლეთ საქართველოში“ - პრეზენტაცია გაიმართა. ღონისძიებას ესწრებოდა საზოგადოების ფართო სპექტრი, ასევე შვედეთის ორგანიზაცია Kvinna till Kvinna-ს წარმომადგენლები სამხრეთ კავკასიაში. შეხვედრის მონაწილეები ინტერესით გაეცნენ კვლევის შედეგებს, რომელიც ერთობლივი ქართულ-აფხაზური პროექტის ფარგლებში ჩატარდა. დაისვა ბევრი შეკითხვა, რომელთაც კიდევ ერთხელ გამოკვეთეს რისკის ფაქტორრბი, რომლებიც საერთოა ქართველი და აფხაზი ქალებისათვის. ასევე - განსხვავებული ხარისხი ჯანმრთელობისა და სოციალური დაცვის, ოჯახში ძალადობისაგან დაცვის და სხვა საკითხებში.
მონაწილეთა მიერ გაკეთდა შეფასებები, რომ აშკარაა კვალიფიკაცია და შრომა, რომელიც გასწია ფონდმა „სოხუმმა“ კვლევაზე მუშაობისას. მათ გამოკვეთეს საკითხები, რომლებიც სერიოზულ ზიანს აყენებს კონფლიქტის ზონაში მცხოვრები ადამიანების უსაფრთხოებას, მათ შორის მშობლიურ ენაზე განათლების მიღების შეზღუდვა.