შეხვედრები (639)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
22 ივნისს შედგა საინფორმაციო შეხვედრა შეზღუდული შესაძლებლობების მქონე პირებთან, ისაუბრეს მათთვის აქტუალურ საკითხებზე. აღნიშნეს ფონდი „სოხუმის“ მიერ ორგანიზებული მრგვალი მაგიდის შესახებ, სადაც სხვადასხვა სახელმწიფო სამსახურის წარმომადგენელთან ერთად განხილულ იქნა ქალაქის ბიუჯეტში არსებული პროგრამები.
24 ივნისს საკრებულოს მორიგ სხდომას ფონდი „სოხუმის“ წარმომადგენელთან ერთად შშმ პირებიც დაესწრნენ, რათა უკეთ გაეცნონ ქალაქში მიმდინარე პროცესებს, იმას, თუ რა საკითხები განიხილება და მტკიცდება ადგილობრივი თვითმმართველობის მიერ.
ივნისის სამობილიზაციო შეხვედრები გაიმართა ქუთაისში, ხონში, წყალტუბოში, ფოთში, სენაკში, აგრეთვე სოფლებში; თერნალი (წყალტუბოს მუნიციპალიტეტი), ხორში (სენაკის მუნიციპალიტეტი), ხურჩა და კოკი (ზუგდიდის მუნიციპალიტეტი).
შეხვედრების ციკლი მიეძღვნა ბავშვთა დაცვის საერთაშორისო დღეს. საუბარი გაიმართა ბავშვთა უფლებების საერთაშორისო კონვენციაზე, საქართველოში ბავშვთა უფლებების დარღვევის ფაქტებზე.
მშობლებმა ისაუბრეს შვილებთან ურთიერთობებზე, ურთიერთობებისას გაჩენილ პრობლემებზე და მათ მოგვარებაზე.
შეხვედრები, ძირითადად, ტარდებოდა დევნილთა კოლექტიურ ცენტრებში და ადგილობრივ მოსახლეობასთან.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
18 ივნისს, მორიგ სხდომაზე, ბათუმის გენდერული საკონსულტაციო საბჭო ჩატარებული საჭიროებების კვლევის შედეგებს კიდევ ერთხელ შეეხო და განიხილა გარკვეული წინადადებები და რეკომენდაციები.
სხდომაზე დაანონსდა საბჭოს ახალგაზრდული პროექტი „ახალგაზრდები - არაძალადობრივი საზოგადოებისათვის“. პროექტის ფარგლებში პირველი საჩვენებელი წარმოდგენა ბათუმის 6 სკოლის ჩართვით უკვე შედგა.
სხდომაზე სხვა პროექტების იდეებიც განიხილეს, რომელთაც, საბჭოს წევრების აზრით, აუცილებლად ექნება ადგილობრივი თვითმმართველობის მხარდაჭერა.
სხდომაზე ოზურგეთის გენდერული საკონსულტაციო საბჭოს წევრების მონაწილეობამ მათი საინტერესო გამოცდილება და წარმატებული პროექტები წარმოაჩინა. ითქვა, რომ გამოცდილების გაცვლის სისტემა საბჭოებს დაეხმარება, უფრო საინტერესო და მრავალმხრივი გახადონ თავისი საქმიანობა.
პროექტი ხორციელდება აშშ სახელმწიფო დეპარტამენტის მხარდაჭერით
18 ივნისს ფონდი „სოხუმის“ ორგანიზებით ქუთაისის დემოკრატიული ჩართულობის ცენტრში ჩატარდა მრგვალი მაგიდა. შეხვედრაში მონაწილეობდნენ შეზღუდული შესაძლებლობის მქონე პირები, ქალაქის მერიის და საკრებულოს ჯანდაცვისა და სოციალურ საკითხთა სამსახურის და სოციალური მომსახურების სააგენტოს წარმომადგენლები. მათ ისაუბრეს ქალაქის ბიუჯეტის პროგრამებისა და ქვეპროგრამების შესახებ, უპასუხეს დამსწრეთა შეკითხვებს.
როგორც ბენეფიციარებმა აღნიშნეს, მათ ძალიან საჭირო და საინტერესო ინფორმაცია მიიღეს.
ქუთაისის, ხონის, წყალტუბოს, სენაკის, ფოთის და ხურჩა/კოკის (ზუგდიდის მუნიციპალიტეტი ქალთა მხარდაჭერის ცენტრის მობილიზატორები ყოველთვიურად ესწრებიან საკრებულოს სხდომებს, რათა მეტად ფლობდნენ ინფორმაციას ადგილობრივი თვითმმართველობის მიერ ინიცირებული პროგრამების შესახებ. ამის თაობაზე შემდგომ ცნობას აწვდიან ქალებს სამობილიზაციო შეხვედრების თუ ქალთა მხარდაჭერის ცენტრებში ჩატარებული ღონისძიებების დროს.
მობილიზატორები სისტემატურად ხვდებიან ადგილობრივი სოციალური სამსახურის და საკრებულოს წარმომადგენლებს, აცნობენ მათ ინფორმაციას ქალთა მხარდაჭერის ცენტრების მუშაობისა და სერვისების (უფასო იურიდიული და ფსიქოლოგიური კონსულტაციები) შესახებ.
ივნისის შეხვედრებზე ქუთაისში, ხონში, წყალტუბოში, სენაკში, ფოთსა და ზუგდიდში აქცენტი გაკეთდა ადგილობრივი თვითმმართველობის პროგრამებზე სოციალურად დაუცველთათვის და დევნილებისათვის.
ასეთი შეხვედრები აფართოებს სამთავრობო და არასამთავრობო სტრუქტურების თანამშრომლობას.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ფონდი „სოხუმის“ წარმომადგენელი ბათუმის ადლიის ქუჩის მე-2 შესახვევის (ყოფილი სამხედრო დასახლების) მცხოვრებლებს შეხვდა და მათ პრობლემებს გაეცნო. ბესიკ სიხარულიძე აცხადებს, რომ რეაბილიტაციას საჭიროებს საკანალიზაციო სისტემა, დასაგებია ასფალტი, მოსაწესრიგებელია სანიაღვრე სისტემა.
- წვიმის დროს აქ პატარა ვენეციაა. იტბორება ეზოები, ხშირად კი წყალი სახლში შემოგვდის მოსახლეობას. ბოტების გარეშე გადაადგილება პრაქტიკულად შეუძლებელია. ინესტება, იობება სახლების კედლები, რაც სხვადასხვა დაავადებას იწვევს.
ადგილობრივი მოსახლეობა არსებულ პრობლემებზე რეაგირებას თხოვს ბათუმის გენდერულ საკონსულტაციო საბჭოს და ადგილობრივ სახელმწიფო სტრუქტურებს.
პროექტი ხორციელდება აშშ სახელმწიფო დეპარტამენტის მხარდაჭერით
გენდერული საკონსულტაციო საბჭოს სხდომაზე განიხილეს ორგანიზაციული საკითხები, დებულებაში შესატანი ცვლილებები. ძირითადი დრო კი დაეთმო ადგილობრივი გენდერული საჭიროებების კვლევის შედეგების შეჯამებას. საბჭოს წევრებმა წარმოადგინეს მოკლე ანგარიშები იმ ტენდენციებზე, რომლებიც გამოიკვეთა მათ მიერ ჩატარებული კვლევის დროს. გამომდინარე იქედან, რომ წინა კვლევა ჩატარდა ქალაქ ოზურგეთში და მიმდინარე კი - მუნიციპალიტეტის სოფლებში, მათ ჰქონდათ პარალელების გავლების საშუალება. აქცენტი გაკეთდა ბიუჯეტის საკითხებთან დაკავშირებით ინფორმირებულობის დაბალ დონეზე.
მომდევნო სხდომაზე შემუშავდება რეკომენდაციები ადგილობრივი თვითმმართველობისთვის წარსადგენად.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ქუთაისის გენდერული საკონსულტაციო საბჭოს მორიგ სხდომაზე საბჭოს წევრები ანგარიშით წარსდგნენ, როგორ ჩატარდა კვლევა. იმსჯელეს შედეგებზე და აღნიშნეს, რომ საინტერესო მასალა დაგროვდა ადგილობრივი გენდერული საჭიროებების გამოსავლენად. პარალელი გაავლეს გასულ წელს ჩატარებულ კვლევასთან. ითქვა, რომ ისევ პრობლემად რჩება საზოგადოების ინფორმირება ადგილობრივ ბიუჯეტთან დაკავშირებით.
დაიგეგმა: მომდევნო თვეში იმ რეკომენდაციებზე იმსჯელონ, რომლებიც კვლევის ანალიზის შედეგად შემუშავდება.
სხდომა დღის წესრიგით გათვალისწინებული მომდევნო საკითხით გაგრძელდა. საბჭოს წევრებმა მოისმინეს ინფორმაცია პროექტზე „ოლიმპიადა თანაბარ შესაძლებლობებს იძლევა“. პროექტი გენდერული საკონსულტაციო საბჭოსა და მერიის თანადაფინანსებით ხორციელდება და მიზნად ისახავს საზოგადოების ცნობიერების ამაღლებას სპორტულ არენაზე გენდერული კომპონენტების დასამკვიდრებლად.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
სენაკის გენდერული საკონსულტაციო საბჭოს მორიგი სხდომა მიეძღვნა საბჭოს წევრების მიერ მაისში ადგილობრივი გენდერული საჭიროებების შეფასების შედეგების შეჯამებას.
რომელ სამიზნე ჯგუფებთან ჩატარდა კვლევა, რა გენდერული საჭიროებები გამოვლინდა, რა დასკვნებისა და რეკომენდაციების გაკეთება შეიძლება რესპონდენტთა პასუხებიდან გამომდინარე - საბჭოს წევრებმა წარმოადგინეს ჩატარებული კვლევის მოკლე ანგარიშები.
საბჭოს წევრებმა აღნიშნეს, რომ მონაწილეები კმაყოფილები არიან შეხვედრების ფორმატით, რადგან ჰქონდათ თავიანთი აზრის გამოთქმის და მათთვის საინტერესო საკითხების განხილვის საშუალება.
რესპონდენტებმა გამოხატეს სურვილი, რომ სისტემატურად გაიმართოს მსგავსი შეხვედრები.
გადაწყდა, რომ შემდგომი სხდომა მიეძღვნება რეკომენდაციების შემუშავებას 2016 წლის ადგილობრივი ბიუჯეტისთვის.
სხდომაზე აგრეთვე განიხილეს ფორუმ-პრეზენტაციის მოსამზადებელი სამუშაოები პროექტის „სამოქალაქო განათლება გენდერული თანასწორობისა და ჯანსაღი გარემოსათვის სენაკის სკოლამდელი აღზრდის გაერთიანებაში“ ფარგლებში.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
2 ივნისს ქ. ზუგდიდში გაიხსნა ამერიკის დღეებისადმი მიძღვნილი ფესტივალი. ღონისძიებაზე წარმოდგენილი იყო აშშ სახელმწიფო დეპარტამენტის მიერ საქართველოში მხარდაჭერილი და მიმდინარე პროექტების პრეზენტაცია.
უამრავ ღონისძიებათა შორის იყო ფონდი „სოხუმის“ მიერ ორგანიზებული, თანამედროვე ცეკვების ჯგუფის Sea2Sea-ს შოუ.
ღონისძიებას ესწრებოდნენ საქართველოს პრემიერ-მინისტრი ირაკლი ღარიბაშვილი, ცენტრალური და ადგილობრივი ხელისუფლების წარმომადგენლები, აშშ ელჩი საქართველოში და სამოქალაქო საზოგადოების წარმომადგენლები.
დასასრულს კონცერტი გამართა ამერიკიდან სპეციალურად მoწვეულმა ბენდმა "Dangerflow" Sea2Sea მონაცეკვავეების თანხლებით.
მსგავსი ღონისძიებები გაიმართება ახალციხეში (3 ივნისს), გორში (4 ივნისს), თბილისში (6 ივნისს).
