მარტის თვეში გამართულ შეხვედრაზე წყალტუბოს ქალთა საინიციატივო ჯგუფის წევრებმა ქალური სოლიდარობის თემასა და მის მნიშვნელობაზე ისაუბრეს.,,სოლიდარობა ნებისმიერ საკითხში მნიშვნელოვანია, ეს არის ძალა, მხარდაჭერა, თანაგრძნობა, რომელიც განსაზღვრას წარმატებას,,.- ასეთი იყო მონაწილეთა განწყობა.
მათი სურვილების დიდი ნაწილი მშვიდობას, მათი ოჯახების და ახლობლების კეთილდღეობასა და უკეთესი გარემოს შექმნას უკავშირდება.
ლიდერი ქალები, რომლებმაც შეცვალეს გარემო. რა არის სოლიდარობა და რისთვის გვჭირდება- ამ საკითხებზე იმსჯელეს წყალტუბოს ახალგაზრდული ჯგუფის წევრებმა წყალტუბოს მეოთხე და პირველ საჯარო სკოლებში.
შეხვედრაზე შესრულდა სავარჯიშოები , გაიმართა დისკუსიაც.
ხონის ქალთა საინიციატივო ჯგუფის წევრებთან საინფორმაციო შეხვედრები ჩატარდა. მონაწილეებმა ინფორმაცია ქალთა სოლიდარობის საერთაშორისო დღის შესახებ მიიღეს. ისაუბრეს თანამედროვე გამოწვევებზე და კიდევ ერთხელ დააფიქსირეს გზავნილი- მშვიდობა, სიმშვიდე და ჯანმრთელობა.
შეხვედრაზე თვისებრივი კვლევის ჩატარებისას გამოვლენილ პრობლემებსა და ხარვეზებზეც აღინიშნა.
დატვირთულად მუშაობს ხონის ახალგაზრდული კლუბიც.
ფორუმ თეატრის საინტერესო სცენა დაიდგა ხონის მესამე საჯარო სკოლის ახალგაზრდული კლუბში, რომლის შექმნაში მთელმა ჯგუფმა მიიღო მონაწილეობა.
ახალგაზრდების თვალით დანახული აქტუალური, მნიშვნელოვანი და მწვავე პრობლემები მონაწილეებმა სცენარად აქციეს და ინტენსიური რეპეტიციების შემდეგ მაყურებლის წინაშეც წარსდგებიან.
რა სურთ ქალებს, რაზე ოცნებობენ , რა მიზნები აქვთ , რას გულისხმობს ქალური სოლიდარობა - სენაკის ქალთა საინიციატივო ჯგუფის წევრებმა მარტის თვის შეხვედრაზე სწორედ ამ საკითხებზე იმსჯელეს. ქალბატონებმა კიდევ ერთხელ დააფიქსირეს საკუთარი გზავნილები-
,,ჩვენთვის უპირველესია მშვიდობა და ჰარმონია ოჯახსა და ქვეყანაში!
ჩვენი სურვილია ახალგაზრდებს ჰქონდეს საკუთარი თავის რეალიზების შესაძლებლობა!
ჩვენ გვინდა ნაკლები იყოს ქალთა მიგრაცია და შვილები არ იზრდებდნენ დედების გარეშე!,,
ბულინგი ახალგაზრდებში, განსხვავებულის აღქმა და მიუღებლობლობა, გაუცხოების სიმწარით მიღებული სტრესი - ამ ისტორიაზე შექმნილი სცენარით სენაკის ახალგაზრდული ჯგუფის წევრებმა საკუთარი სათქმელი ფორუმ-თეატრის ფორმატით გააჟღერეს.
ახალგაზრდებმა მთელი სიცხადით წარმოაჩინეს ეს აქტულური პრობლემა.
ზუგდიდის მუნიციპალიტეტის სოფელ დიდინეძის ქალთა საინიციატივო ჯგუფთან გამართულ მორიგ შეხვედრაზე ქალთა სოლიდარობის საკითხზე იმსჯელეს. დამსწრეთა განცხადებით, სოლიდარობასა და ურთიერთთანადგომას დიდი ძალა აქვს.
შეხვედრა გაიმართა ახალგაზრდულ ჯგუფშიც, სადაც ფორუმ -თეატრის მეთოდით დადგმულ სცენებზე მუშაობა გრძელდება.
ახალგაზრდებმა სცენარი დაწერეს, თემად კი მოზარდებში ბულინგი აირჩიეს.
დასრულდა კამპანია „ქუთაისი დნიპროსთვის“.
ერთი თვის მანძილზე შეგროვდა 30 000 ლარი! თანხა სრულად გადაირიცხა დნიპროს მერიის სოციალური სამსახურის ანგარიშზე.
შემაჯამებელი ღონისძიება ქუთაისის უნივერსიტეტის ეზოში გაიმართა. მოეწყო ნახატების გამოფენა-გაყიდვა. ქალთა ფონდმა „სოხუმმა“ ორგანიზება გაუკეთა უკრაინელი ქალების მონაწილეობას, რომლებმაც გასაყიდად გაიტანეს თავიანთი კულინარიული და საკონდიტრო ნაწარმი. ეს მათი ნახელავის ერთგვარი რეკლამაც იყო.
ჩვენმა ორგანიზაციამ დნიპროს ფონდში 300 ლარი გადარიცხა. თანხები გადარიცხეს ორგანიზაციის ცალკეულმა წევრებმაც.
მშვიდობა და გამარჯვება დნიპროს და მთელ უკრაინას - ასეთია ჩვენი ორგანიზაციის და კამპანიაში ჩართული ყველა მონაწილის სურვილი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საინფორმაციო შეხვედრები ჩატარდა წალენჯიხის მუნიციპალიტეტში. სოფელ ფახულანის ქალთა საინიციატივო ჯგუფის წევრებმა ქალთა სოლიდარობის საერთაშორისო დღის შესახებ ისაუბრეს.
მიმოიხილეს ის თანამედროვე გამოწვევები,რაც დღეს ქალების წინაშე დგას.
შეხვედრაზე გამოთქვეს იმედი, რომ ყველა ადამიანს ექნება მშვიდობა და ჯანმრთელობა
ასევე თვისებრივი კვლევის ჩატარებისას გამოვლენილ პრობლემებსა და ხარვეზებზ ისაუბრეს.
ზუგდიდის მუნიციპალიტეტის სოფელ კოკის ახალგაზრდულ ჯგუფში ფორუმ-თეატრზე მუშაობა გრძელდება.ახალგაზრდებმა ბულინგის თემაზე სცენარი დაწერეს . ეს მათთვის პირველი, დამოუკიდებელი მუშაობაა ფორუმ-თეატრის პრაქტიკაში.
შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.
- ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
- გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
- ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.
(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)
რაც შეეხება ქალთა საინიციატივო ჯგუფს, მათ ამჯერად ქალურ სოლიდარობასა და მის მნიშვნელობაზე , ასევე მშვიდობასა და კეთილდღეობაზე ისაუბრეს.
„ქალები, მშვიდობა, უსაფრთხოება, გაეროს რეზოლუცია 1325-ის სამოქმედო გეგმის ადგილობრივ დონეზე განხორციელების ხელშეწყობა“ - ქალთა ფონდმა „სოხუმმა“ ამ თემაზე გამართა სამოქალაქო ფორუმი ქუთაისში, სასტუმრო „ბაგრატში“.
ფორუმში მონაწილეობდნენ ქუთაისის, წყალტუბოს, ხონის, სენაკის და ზუგდიდის მუნიციპალიტეტების საკანონმდებლო და აღმასრულებელი სტრუქტურების წარმომადგენლები, ქალთა სამუშაო ჯგუფების წევრები.
მონაწილეები გაეცნენ იგპ და კონფლიქტით დაზარალებულ თემებში საჭიროებათა შეფასების მიზნით ჩატარებული კვლევის შედეგებს და რეზოლუცია 1325-ის სამოქმედო გეგმის ლოკალიზაციის პროცესის დინამიკას ხუთივე მუნიციპალიტეტის მაგალითზე. მათ მიეწოდათ ინფორმაცია დევნილ ქალთა სამუშაო ჯგუფების წარმატებულ ადვოკატირებაზე. ასევე მოისმინეს რეზოლუცია 1325-ის ეროვნული სამოქმედო გეგმის შესახებ.
ფორუმის მეორე ნაწილში, ჯგუფური მუშაობის დროს განისაზღვრა გაეროს რეზოლუცია 1325-ის სამოქმედო გეგმის ლოკალიზაციის სამომავლო პერსპექტივები ცალკეულ მუნიციპალიტეტებში.
ფორუმის დასასრულს ხუთივე მუნიციპალიტეტის წარმომადგენლებს გადაეცათ მადლობის სიგელი აქტიური თანამშრომლობისათვის.
პროექტი ხორციელდება
გაეროს ქალთა ორგანიზაციის მხარდაჭერით
- უკრაინელი ქალის ბავშვი ფოთიდან ქუთაისში ჩამოიყვანეს საავადმყოფოში. სანამ პატარა რეანიმაციაში იყო, დედა ჩვენს სარეაბილიტაციო ცენტრში ცხოვრობდა. ის დღეები ორივეზე ვზრუნავდით - დედაზეც და ბავშვზეც. ვიყიდეთ ყველაფერი, რაც ბავშვს დამატებით სჭირდებოდა: პამპერსი, საკვები, წამალი. ახლა ის უკვე გამოწერეს და თავს კარგად გრძნობს, - ამბობს სოფი წირღვავა, უკრაინელებთან მუშაობის ასისტენტი.
ქალთა ფონდმა „სოხუმმა“ კიდევ რამდენიმე ადამიანს გაუწია ასეთი სახის დახმარება: ორ ონკოდაავადებულს აუნაზღაურდა კვლევების თანხიდან 375 და 370 ლარი. ერთ ქალს დავეხმარეთ ქიმიოთერაპიის რეფერალური დაფინანსების მიღებაში.
კვლავინდებურად გრძელდება დახმარება ბინის დაქირავების (გაიცა 19 ოჯახზე) და კომუნალური გადასახადების კუთხით (ეს დახმარება მიიღო 5-მა ოჯახმა). განსაკუთრებული ყურადღება ენიჭება პროდუქტების გაცემას. ამ თვეში 20-მა ოჯახმა მიიღო სურსათი და ჰიგიენური საშუალებები.
ჩვენს საინფორმაციო ბაზას თებერვალში 15 ადამიანი დაემატა და უკვე 467 ადამიანია.
