მასმედია (137)
მასმედია – ეს არის ინფორმაციის მასობრივი საშუალებები. ამ კატეგორიაში განთავსებულია ინფორმაცია მასმედიის წარმომადგენლებთან შეხვედრის შესახებ, ამასთანავე ინფორმაცია ფონდი „სოხუმის“ პროექტების ფარგლებში მომზადებული ტელეგადაცემების, რადიოსიუჟეტებისა და სტატიების თაობაზე.
ქალთა მხარდაჭერის 6 ცენტრი, შეხვედრები და კონსულტაციები, სიახლეები და ინიციატივები, თანამშრომლობა სახელმწიფო სტრუქტურებთან, ადვოკატირებული და მოგვარებული პრობლემები, ქალებისა და გოგონების უკეთესობისკენ შეცვლილი ცხოვრება...
აგვისტოს თვეში 77 აქტივობა და 838 მონაწილე...
უფრო დეტალურად - ფონდი „სოხუმის“ ყოველთვიური ბიულეტენის მერვე ნომერში.
ფაილის >>>> გადმოწერა <<<<
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ტელესიუჟეტი მიეძღვნა ოზურგეთის გენდერულ საკონსულტაციო საბჭოს. საკრებულოსა და საბჭოს წევრებმა ისაუბრეს იმაზე, რომ მიმდინარეობს მუშაობა თვითმმართველობისთვის წარსადგენი წინადადებების პაკეტზე და იმაზე, რომელი საკითხები განიხილება ლობირებისათვის: „გენდერული საკონსულტაციო საბჭოს სხდომებზე მიმდინარეობს ინტენსიური მსჯელობა, რა ფორმით უნდა იქნეს წარდგენილი წინადადებებისა და პრიორიტეტების პაკეტი“.
როგორია ბიუჯეტში საბჭოს წინადადებების შეტანის პრაქტიკა? რომელი საკითხები იყო მხარდაჭერილი წინა ბიუჯეტში? პროექტის ასისტენტის თქმით, „გამართლებულია გენდერული პოლოტიკის შეთავაზების პრაქტიკა - კარგად ჩანს, რა რესურსებია ადგილობრივ დონეზე, რა ამოცანებია გადასაჭრელი ადგილებზე გენდერული პოლიტიკის დანერგვისთვის და ვინ არის პასუხისმგებელი“.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
გადაცემა შეეხო საკითხებს - გენდერული საკონსულტაციო საბჭოების საერთო სტრატეგია, მთავარი მიმართულებები გენდერული პოლიტიკის დანერგვისა და ადგილობრივ დონეზე გენდერული ბიუჯეტირების კუთხით.
პროექტის ასისტენტებმა შეაჯამეს საპროექტო წელიწადის შედეგები, ისაუბრეს მიღწევებსა და გამოწვევებზე.
აღინიშნა, რომ ქუთაისის, სენაკისა და ოზურგეთის თვითმმართველობები ინტერესით უყურებენ გენდერულ საკონსულტაციო საბჭოებს, მხარს უჭერენ მის ინიციატივებს.
ოზურგეთის გენდერული საკონსულტაციო საბჭოს თავმჯდომარემ, საკრებულოს წევრმა ლელა ნაცვალაძემ ისაუბრა თვითმმართველობის მხარდაჭერაზე არა მხოლოდ პოლიტიკის დონეზე, არამედ პრაქტიკაში, რისი შედეგია ის, რომ ოზურგეთის ბიუჯეტი პარლამენტის გენდერული საბჭოს მიერ აღიარებული იქნა ყველაზე გენდერულ ბიუჯეტად. ამას თვითმმართველობა გენდერულ საკონსულტაციო საბჭოსთან თანამშრომლობის შედეგად მიიჩნევს.
მონაწილეებმა განაცხადეს, რომ გენდერული საკონსულტაციო საბჭოების ქსელის შექმნა - ეს არის გაუმჯობესებული გენდერული პერსპექტივები და გამოცდილების გაზიარება. განსაკუთრებული ყურადღება მიექცა პარლამენტთან თანამშრომლობას. ითქვა, რომ უახლოეს მომავალში გაიმართება შეხვედრა და ახლა ხდება საკითხების განსაზღვრა გენდერული საკონსულტაციო საბჭოების ქსელისა და პარლამენტის გენდერული საბჭოს ერთობლივი საქმიანობისთვის.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
4 დღის განმავლობაში მიმდინარეობდა ტრენინგი თემაზე „ქართულ-აფხაზური კონფლიქტის ანალიზი, პოსტკონფლიქტური დარეგულირების გენდერული ასპექტები (კრეატიული მეთოდების ჩართვით)“.
სიუჟეტი, რომელიც ტელეკომპანია „რიონის“ ჟურნალისტებმა მოამზადეს, მაყურებელს მოუთხრობს ამ საინტერესო და უჩვეულო ტრენინგზე, მის მონაწილე გოგონებზე... და კიდევ ერთხელ აფიქსირებს ქართული საზოგადოების სამშვიდობო ხედვას.
ტრენინგი ჩატარდა ქართულ-აფხაზური პროექტის „ქალთა ხმის გაძლიერება გადაწყვეტილების მიღების დონეზე“ ფარგლებში შვეიცარიის საგარეო საქმეთა ფედერალური დეპარტამენტის მხარდაჭერით.
პროექტი ხორციელდება შვეიცარიის საგარეო საქმეთა ფედერალური
დეპარტამენტის მხარდაჭერით
25 აგვისტოს ოზურგეთის გენდერის მედიაცენტრში („გურია ნიუსის“ ოფისი) ფონდი „სოხუმის“ წარმომადგენელი ადგილობრივი მედიის წარმომადგენლებს შეხვდა. შეხვედრას ესწრებოდა გენდერული საკონსულტაციო საბჭოს თავმჯდომარის მოადგილე, საკრებულოს დეპუტატი ლალი სიჭინავა. საუბრის თემა კი გენდერული ბიუჯეტის საკითხებს შეეხებოდა.
აღინიშნა, რომ ჟურნალისტებმა მეტად უნდა მიაქციონ ყურადღება ადგილობრივი ბიუჯეტის დაგეგმვის პროცესს, გააკეთონ გენდერული აქცენტები.
იმისათვის, რომ საზოგადოებამ მიიღოს ზუსტი ინფორმაცია გენდერულ საკითხებზე, მნიშვნელოვანია ჟურნალისტების გენდერული განათლება.
შეხვედრაზე გაჩნდა ინიციატივა, ამ თემაზე გაიმართოს ტრენინგი. ტრენინგი ფონდი „სოხუმისა“ და გენდერის მედიაცენტრის ორგანიზებით გაიმართება სექტემბრის დასაწყისში ოზურგეთის, ქუთაისის და სენაკის მედიის წარმომადგენლებისთვის.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ქუთაისის გენდერული საკონსულტაციო საბჭოს, ამომრჩეველ ქალთა კლუბის, თვითმმართველობის, ფონდი „სოხუმის“ წარმომადგენლებმა რადიო „რიონის“ ეთერში ადგილობრივი გენდერული პოლიტიკის მნიშვნელობაზე, ამ მიმართულებით ქუთაისის გენდერული საბჭოს და თვითმმართველობის, საზოგადოების თანამშრომლობაზე ისაუბრეს.
რას ნიშნავს გენდერული ბიუჯეტი და რამდენად არის გაცნობიერებული ადგილობრივ დონეზე მისი აუცილებლობა; რა საკითხები გამოავლინა ჩატარებულმა გენდერული საჭიროებათა კვლევამ და როგორ აპირებს საბჭო მომავალ ბიუჯეტში მათი ასახვის ადვოკატირებას.
საუბარი შეეხო საბჭოების ქსელის შექმნას და მის მნიშვნელობას. ითქვა, რომ ფონდი „სოხუმის“ მიერ დაფუძნებულმა საბჭოებმა პრაქტიკაში უჩვენეს, რამდენად მნიშვნელოვანია, პარლამენტმა მხარი დაუჭიროს ამ კუთხით საკანონმდებლო ცვლილებებს.
ქუთაისის საკრებულოს წარმომადგენლებმა პოზიტიურად შეაფასეს გენდერულ საბჭოსთან თანამშრომლობა: „მზად ვართ, ჩვენი შესაძლებლობის ფარგლებში, მხარი დავუჭიროთ საბჭოს ნებისმიერ საინტერესო ინიციატივას, რადგან საბჭო კარგად ხედავს მოქალაქეთა პრობლემებს და გამოსავალსაც გვთავაზობს ამ პრობლემიდან“.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ქუთაისის გენდერული საკონსულტაციო საბჭოს მუშაობის შედეგები და ორი პროექტი, რომელიც ფონდი „სოხუმისა“ და ადგილობრივი ხელისუფლების თანადაფინანსებით განხორციელდა - ძირითადად, ამ კუთხით წარიმართა საუბარი ჟურნალისტებთან ფონდ „სოხუმში“.
შეხვედრაზე მოწვეულნი იყვნენ საბჭოს წევრები და პროექტის „მოზარდთა ბანაკი - გენდერული განათლება ახალგაზრდა სპორტსმენებისათვის“ მონაწილენი.
ჟურნალისტები დაინტერესდნენ გაკეთებულით, სამომავლო გეგმებით და მიიღეს პასუხი.
გენდერულ საკონსულტაციო საბჭოს კარგი საინფორმაციო მხარდაჭერა აქვს ქუთაისში მოქმედი ყველა მედიასაშუალების მხრიდან, რაც რეზონანსულს ხდის მის მუშაობას.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ტელეკომპანია „რიონის“ ეთერში გავიდა სიუჟეტი, რომელმაც მოგვითხრო ფონდი „სოხუმისა“ და ქუთაისის მერიის დაფინანსებით ქობულეთში მოწყობილ ერთკვირიან საზაფხულო ბანაკზე - პროექტის „მოზარდთა ბანაკი - გენდერული განათლება ახალგაზრდა სპორტსმენებისათვის“ ფარგლებში.
ბანაკის ორგანიზებაში აქტიურად ჩაერთნენ ქუთაისის გენდერული საკონსულტაციო საბჭოს წევრები, რომლებმაც სპორტული ღონისძიებების პარალელურად მოზარდებს შემეცნებითი ხასიათის ვორკშოპები ჩაუტარეს გენდერულ თემაზე.
სიუჟეტში მაღალ შეფასებას აძლევენ პროექტს ქუთაისის თვითმმართველობის ხელმძღვანელები, რომლებიც სპეციალურად ჩავიდნენ ბანაკში და შეხვდნენ ახალგაზრდებს. ქალაქის მერი, საკრებულოს თავმჯდომარე მოზარდებში ჯანსაღი ფასეულობების ხელშეწყობისთვის მადლობას უხდიან საბჭოს წევრებს, რომლებმაც მოხალისეობრივად, საკუთარი წვლილი შეიტანეს პროექტის წარმატებაში.
პროექტზე ისაუბრეს საბჭოს წევრებმაც. მათი თქმით, მოხდა კარგი პრეცედენტი, როცა სახელმწიფო და არასამთავრობო სექტორი თავის რესურსებს აერთიანებენ ახალგაზრდობის ფიზიკური და სულიერი განვითარებისათვის.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
პროექტის ფარგლებში მომზადებული რადიოსიუჟეტი ოზურგეთის გენდერული საკონსულტაციო საბჭოს მიერ განხორციელებული საქმიანობის შედეგებზე მოვითხრობს. რა პრობლემები გამოიკვეთა ადგილობრივი გენდერული საჭიროებების კვლევის შედეგად და როგორ აპირებს საბჭო უპასუხოს ამ გამოწვევებს; რა პროექტები განახორციელა საბჭომ და რა არის ამ საქმიანობის კონკრეტული შედეგი.
საბჭოს წევრების ინფორმაციით, ბევრი ღონისძიებაა განსახორციელებელი საინფორმაციო-საგანმანათლებლო კუთხით.
სიუჟეტში ითქვა, რომ საბჭოს პროექტი „კიბო განაჩენი არ არის“ ამ პრობლემის მქონე ადამიანების ფსიქო-სოციალურ რეაბილიტაციას ისახავს მიზნად, მაგრამ გარდა ამისა, ბევრი სხვა საკითხის ადვოკატირებაც ხდება: ოზურგეთს არა ჰყავს ონკოლოგი; არ არსებობს ამ დაავადების ადგილობრივი სტატისტიკა; არ არის განვითარებული დაავადებათა პრევენციის კულტურა.
საბჭოს წევრები კმაყოფილებით აღნიშნავენ, რომ ყოველთვის გრძნობენ ადგილობრივი ხელისუფლების თანადგომას, რომელიც ოზურგეთის მწირი ბიუჯეტის ფარგლებშიც კი ახერხებს საბჭოს საინტერესო იდეების მხარდაჭერას.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
პროექტის „გენდერული საკონსულტაციო საბჭოები - ქალთა როლის ამაღლება რეგიონებში სოციალური ცვლილებებისთვის“ ფარგლებში ქუთაისის, ოზურგეთის და სენაკის გენდერული საკონსულტაციო საბჭოს წევრებმა თავიანთ რეგიონებში ჩაატარეს მორიგი კვლევა, რომელმაც ადგილობრივი გენდერული ჯგუფების სპეციფიკური საჭიროებები გამოავლინა.
კვლევის მასალები საფუძვლად დაედება მუნიციპალიტეტების 2016 წლის ადგილობრივი ბიუჯეტისთვის წინადადებების შემუშავებას, რომელსაც ამ ქალაქების გენდერული საკონსულტაციო საბჭოები უხელმძღვანელებენ.
ფაილის >>>> გადმოწერა <<<<