მასმედია (137)
მასმედია – ეს არის ინფორმაციის მასობრივი საშუალებები. ამ კატეგორიაში განთავსებულია ინფორმაცია მასმედიის წარმომადგენლებთან შეხვედრის შესახებ, ამასთანავე ინფორმაცია ფონდი „სოხუმის“ პროექტების ფარგლებში მომზადებული ტელეგადაცემების, რადიოსიუჟეტებისა და სტატიების თაობაზე.
ტელეკომპანია „ეგრისის“ ეთერში გასული სიუჟეტი სენაკის გენდერული საკონსულტაციო საბჭოს საქმიანობის შესახებ მოგვითხრობს. როგორც პროექტის ასისტენტი თავის ინტერვიუში აღნიშნავს, საბჭოს მორიგ სხდომაზე კიდევ ერთხელ განიხილეს ჩატარებულ გენდერულ საჭიროებათა კვლევის შედეგები და მუშაობა დაიწყეს თვითმმართველობისათვის წარსადგენ სარეკომენდაციო წინადადებებზე. იყო საუბარი ახალ გენდერულ საპროექტო იდეებზეც.
საბჭოს წევრებმა პოზიტიურად შეაფასეს საქართველოს გენდერული საბჭოების ქსელის შექმნა, რომელსაც სენაკის საბჭოც შეუერთდა.
როგორც ითქვა, ყოველ საბჭოს აქვს თავისი გამოცდილება და ქსელი საშუალებას იძლევა, ეს ფართოდ იქნეს გაზიარებული. დაანონსდა ფორუმი, რომელიც სენაკის საბჭოს ეგიდით ჩატარდება და მასზე ქსელის ოზურგეთის, ბათუმის და ქუთაისის წარმომადგენლებიც იქნებიან მოწვეული.
სხდომას ფონდი „სოხუმის“ ხელმძღვანელებიც ესწრებოდნენ, რომელთაც მაღალი შეფასება მისცეს სენაკში გენდერული საკონსულტაციო საბჭოსა და ადგილობრივი თვითმმართველობის მჭიდრო თნამშრომლობით მიმდინარე საქმიანობას. ეს ეხებოდა ქალთა მონაწილეობის გაზრდას, საბიუჯეტო პრიორიტეტების შერჩევას, გენდერული ბიუჯეტის პრაქტიკის დანერგვას, დონორების მოძიებას. დადებითად შეფასდა 2015 წლის ბიუჯეტში დანერგილი ახალი პროგრამები, რომლებიც პასუხობს მოქალაქეთა სხვადასხვა ჯგუფის საჭიროებებს. გამოითქვა იმედი, რომ ამ მიმართულებით ჩატარებული საქმიანობა კიდევ უფრო გაიზრდება 2016 წლისათვის.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
15 ივლისს ტელეკომპანია „რიონის“ საინფორმაციო გამოშვებაში გასულმა სიუჟეტმა ქუთაისის გენდერული საკონსულტაციო საბჭოს მორიგი შეხვედრის თემები გაგვაცნო: საბჭოს წევრებმა საჭიროებათა კვლევის შედეგები განიხილეს და გაკეთებული დასკვნების საფუძველზე თვითმმართველობისათვის წარსადგენი წინადადებებისა და რეკომენდაციების პაკეტზე დაიწყეს მუშაობა.
საბჭოს თავმჯდომარემ თავის ინტერვიუში ყველაზე პრაქტიკული საკითხები გააჟღერა, რომლებიც კვლევის ჯგუფებმა წამოსწიეს, პასუხობს მოქალაქეების საჭიროებებს და, რაც მთავარია, შედის ადგილობრივი ხელისუფლების კომპეტენციაში - გაჩერებებზე მისათითებელი ნიშნების დამონტაჟება, ხანდაზმულებისათვის შემეცნებით-გასართობი ცენტრის შექმნა და სხვა.
ფონდი „სოხუმის“ წარმომადგენლებმა ისაუბრეს ჩატარებული კვლევის მიზანზე. ითქვა, რომ ჩატარებულმა საქმიანობამ გამოავლინა ქალების, ახალგაზრდების, სოციალურად დაუცველების, შშმ ჯგუფების არაერთი სასიცოცხლი საჭიროება. საბჭოს წევრები იმედოვნებენ, რომ მოხდება ყველაზე საშური საკითხების ამორჩევა და თვითმმართველობისთვის შეთავაზება 2016 წლის ბიუჯეტში გასათვალისწინებლად.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ჟურნალისტები სენაკის ქალთა მხარდაჭერის აივანზე შეიკრიბნენ. შეხვედრაზე შეჯამდა გენდერული საკონსულტაციო საბჭოს ორწლიანი საქმიანობა გენდერული პოლიტიკის დანერგვის მიზნით და მის ფარგლებში ფონდი „სოხუმის“ თანამშრომლობა ადგილობრივ მედიასთან...
საბჭოს წევრებმა ისაუბრეს გასულ თვეს ბათუმში გამართულ ერთობლივ ფორუმზე, სხვა ქალაქების საბჭოების გამოცდილებაზე, სამომავლო პერსპექტივებზე...
მალე ჟურნალისტები სენაკის გენდერული საკონსულტაციო საბჭოს პროექტის დამამთავრებელ ფორუმზე შეიკრიბებიან.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
30 ივნისს რადიო „თავისუფლების“ რუბრიკა „გენდერული ამბები“ მოგვითხრობს 29-30 ივნისს ბათუმში გენდერული საკონსულტაციო საბჭოების ქსელის შექმნის შესახებ.
როგორც სიუჟეტში გაჟღერდა, ქსელში გაერთიანდა ბათუმის, ქუთაისის, ოზურგეთის, სენაკის გენდერული საკონსულტაციო საბჭოები, რომლებიც მეორე წელია, აქტიურად თანამშრომლობენ თვითმმართველობებთან ადგილობრივ დონეზე გენდერული პოლიტიკის დანერგვისათვის. ოზურგეთის საბჭოს თავჯდომარემ, საკრებულოს წევრმა ლელა ნაცვალაძემ აღნიშნა, რომ ქსელს საფუძვლად დაედო ოთხ მუნიციპალიტეტში უკვე არსებული გამოცდილება და პოლიტიკური ნება თვითმმართველობების მხრიდან. მომდევნო ეტაპი არის საერთო სტრატეგია, რომლის ნაწილიც იქნება ერთობლივი პროექტები. რაც მთავარია,
ინტერვიუში სენაკის თვითმმართელობის წევრებმა მაღალი შეფასება მისცეს პროექტებს, რომლებიც საბჭოებმა განახორციელეს და იმედი გამოთქვეს, რომ ქსელი კიდევ უფრო გაზრდის მათ სოციალურ აქტივობას.
„დემოკრატია ვერ განვითარდება ჩვენი ჩართულობის გარეშე. საბჭოებმა ძალიან პროდუქტიულად იმუშავეს საერთო სტრატეგიაზე, გამოყვეს ადგილობრივი პრობლემები და თვითმმართველობებთან, სხვა ინსტიტუტებთან თანამშრომლობის გზები მათი მოგვარებისათვის“, - აღნიშნა პროექტის კოორდინატორმა, მერი გელაშვილმა.
„მოხარულები ვართ, რომ პარლამენტში შეტანილ კანონპროექტს, რომლის თანახმად უნდა მოხდეს ადგილობრივი გენდერული საბჭოების ინსტიტუციონალიზაცია, აქვს კარგი პრაქტიკული ილუსტრირება უკვე არსებული საბჭოების სახით, რომელთა „აქტივში“ არაერთი თვალსაჩინო შედეგია“, - ითქვა სიუჟეტში.
პროექტი ხორციელდება აშშ სახელმწიფო დეპარტამენტის მხარდაჭერით
ქუთაისის, წყალტუბოს, ხონის, სენაკის, ფოთის და კოკი/ხურჩის (ზუგდიდის მუნიციპალიტეტი) ქალთა მხარდაჭერის ცენტრების საქმიანობის შედეგები, მიღწევები, ინიციატივები, გავლენა ქალებზე - სწორედ ეს არის შეკრებილი როგით მეექვსეელექტრონულ ბიულეტენში, რომელიც მომზადდა პროექტის „ქალთა უფლებების გაძლიერება დასავლეთ საქართველოში“ ფარგლებში.
ბიულეტენში აღნიშნულია, რომ ივნისში გაიმართა 78 აქტივობა 951 ადამიანის მონაწილეობით.
გადმოწერა >>> საინფორმაციო ბიულეტენი
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ოლიმპიური ჩირაღდანი ქუთაისში 23 ივნისს შემოვიდა. სამზადისში გენდერული საბჭო აქტიურად იყო ჩართული მერიისა და ფონდი „სოხუმის“ ერთობლივი პროექტის „ოლიმპიადა თანაბარ შესაძლებლობებს იძლევა“ ფარგლებში.
პროექტიდან გამომდინარე, მომზადდა სხვადასხვა ატრიბუტი: თეთრი მაისურები წარწერებით - გენდერული საკონსულტაციო საბჭო, კეპები, ალმები, დაფნის გვირგვინები, ჰელიო ბუშტები.
ცერემონია დავით აღმაშენებლის მოედანზე გაიმართა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ადგილობრივი გენდერული საჭიროებების კვლევა და რეკომენდაციები ქუთაისის საკრებულოს 2016 წლის ბიუჯეტისთვის - ეს იყო ერთ-ერთი საკითხი ქუთაისელ ჟურნალისტებთან შეხვედრაზე.
თუმცა მათი ყურადღება მაინც განსაკუთრებული იყო გენდერული საკონსულტაციო საბჭოს პროექტის „ოლიმპიადა თანაბარ შესაძლებლობებს იძლევა“ მიმართ. პროექტი, რომელიც საბჭომ დაუკავშირა 23 ივნისს ქუთაისში ოლიმპიური ცეცხლის შემოსვლას, მიზნად ისახავს საზოგადოებრივი სტერეოტიპების მსხვრევას და იმის გაცნობიერებას, რომ სპორტი გენდერულად თავისუფალი არენაა. სწორედ ამაზე ისაუბრეს პროექტის კოორდინატორმა და საბჭოს მდივან-ასისტენტმა.
შეხვედრა გენდერის მედია ცენტრში გაიმართა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ტელეკომპანია „რიონის“ ტელეჟურნალი „7 დღე“ ოლიმპიურ ცეცხლის ქუთაისში შემოტანას აშუქებს. ცეცხლს 14 მეჩირაღდნე გაუძღვება, მათ შორის 2 ქალი.
სიუჟეტი ეხება ქუთაისის გენდერული საკონსულტაციო საბჭოს პროექტს „ოლიმპიადა თანაბარ შესაძლებლობებს იძლევა“, რომელიც თვითმმართველობის მხარდაჭერით ხორციელდება.
პროექტის მიზანია, საზოგადოებას დაანახოს, რომ სპორტი არის ის სახეობა, სადაც ქალიც და კაციც შეიძლება, თანაბრად იყოს ჩართული.
„გენდერული თანასწორობა არ ნიშნავს მხოლოდ პოლიტიკურ სარბიელს“, - მიიჩნევს გენდერული საკონსულტაციო საბჭოს თავმჯდომარე, საკრებულოს წევრი ირმა პეტრიაშვილი.
„ჩვენ გენდერული აქცენტი გვაქვს. გვინდა გავამახვილოთ საზოგადოების ყურადღება იმაზე, რომ სპორტი მხოლოდ მასკულინური კულტურა არ არის. ამისთვის პროექტის ფარგლებში დამზადდა მაისურები, საინფორმაციო მასალა, რომელიც სპორტის სხვადასხვა სახეობაში ქალების თანაბარ წარმატებებს უსვამს ხაზს და მიუთითებს მათ თანაბარ ღვაწლზე“, - აცხადებენ პროექტის მონაწილეები.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
„თავისუფლების“ ეთერში გავიდა რადიოსიუჟეტი, რომელიც ბათუმის გენდერული საკონსულტაციო საბჭოს ახალგაზრდულ პროექტზე მოგვითხრობს.
სიუჟეტი ხაზს უსვამს თემის აქტუალობას: საზოგადოებრივი დისკუსიების ინიცირება - არაძალადობრივი ცნობიერების დამკვიდრება და სტერეოტიპების მსხვრევა, ჯანსაღი კომუნიკაციების ხელშეწყობა, რასაც პროექტი ითვალისწინებს, პასუხობს ჩვენი საზოგადოების წინაშე არსებულ გამოწვევებს.
ახალგაზრდებთან გენდერული განათლების კუთხით მუშაობის აუცილებლობას აღნიშნავენ ოზურგეთის გენდერული საკონსულტაციო საბჭოს წევრები, რომლებიც სხდომაზე იმყოფებოდნენ ბათუმში.
როგორ უნდა ჩაერთონ გენდერული საკონსულტაციო საბჭოები საზოგადოებისათვის მტკივნეული საკითხების გადაჭრაში, რა სტრატეგია უნდა დაისახოს თვითმმართველობასთან თანამშრომლობისათვის - ამ საკითხებზე საუბრობენ სიუჟეტში ბათუმის და ოზურგეთის გენდერული საკონსულტაციო საბჭოების წევრები.
პროექტი ხორციელდება აშშ სახელმწიფო დეპარტამენტის მხარდაჭერით
ოზურგეთის „გურიას“ ეთერში გასული ტელესიუჟეტი ოზურგეთის გენდერული საკონსულტაციო საბჭოს სხდომაზე განხილულ საკითხებს შეეხო. რა გამოიკვეთა ჩატარებული საჭიროებათა კვლევის შედეგად; რა კონკრეტული წინადადებები აქვთ სამოქალაქო ჯგუფების წარმომადგენლებს; რომელია მოქალაქეთა ყველაზე მოწყვლადი ჯგუფების პირველი რიგის საჭიროებები, რაც, საბჭოს წევრების აზრით, ადგილობრივ ბიუჯეტში აუცილებლად უნდა აისახოს.
როგორც საბჭოს წევრები აცხადებენ, ისინი მზად არიან, მაქსიმუმი გააკეთონ იმისათვის, რომ კვლევის შედეგად გამოვლენილი პრობლემების მოგვარების გზები იპოვონ და დასახონ სტრატეგია, რათა მომავალ ბიუჯეტში გამოინახოს შესაბამისი რესურსები. მათი თქმით, ადგილობრივ ხელისუფლებაში არსებობს პოლიტიკური ნება კონსტრუქციული თანამშრომლობისათვის.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით